Josoa 21:45 - DIEM PROTESTANTA

⁴⁵ Tanteraka avokoa ny zava-tsoa rehetra nambaran’ny TOMPO tamin’ny Israelita fa tsy nisy latsaka.

Baiboly Protestanta Malagasy 2011

⁴⁵ Tsy nisy latsaka na dia kely akory aza ny zava-tsoa rehetra izay nolazain’NY TOMPO tamin’ny taranak’Israely; fa tanteraka avokoa izany rehetra izany.

Dikateny Iombonana Eto Madagasikara

⁴⁵ Tanteraka avokoa ny zava-tsoa rehetra nambaran’ny TOMPO tamin’ny Israelita fa tsy nisy latsaka.

Baiboly Protestanta Malagasy

⁴⁵ Tsy nisy latsaka na dia kely akory aza ny zava-tsoa rehetra izay nolazain’i Jehovah tamin’ny taranak’Isiraely; fa tanteraka avokoa izany rehetra izany.

Malagasy Bible

⁴⁵ Tsy nisy latsata na dia kely akory aza ny zava-tsoa rehetra izay nolazain'i Jehovah tamin'ny taranak'Isiraely; fa tanteraka avokoa izany rehetra izany.

La Bible en Malgache

⁴⁵ Tsy nisy latsaka na dia kely akory aza ny zava-tsoa rehetra izay nolazain’NY TOMPO tamin’ny taranak’Israely; fa tanteraka avokoa izany rehetra izany.

Josoa 21:45 Rohy Ifampitohizana

1Mpanjaka 8:15

Avy eo izy dia niteny hoe: –Hisaorana anie ny TOMPO Andriamanitr’i Israely! Fa notontosainy tokoa ny zavatra nampanantenainy tamin’i Davida raiko hoe:

1Mpanjaka 8:20

Dia notanterahin’ny TOMPO araka izany tokoa ny fampanantenana izay nolazainy; fa nandimby an’i Davida raiko ary mipetraka eo amin’ny sezafiandrianan’i Israely, araka ny voalazan’ny TOMPO, sady efa nanorina ity tempoly ity ho voninahitry ny TOMPO Andriamanitr’i Israely.

1Mpanjaka 8:24

Efa notanterahinao tamin’i Davida raiko sady mpanomponao ny zavatra nampanantenainao azy; eny, izay voalazanao dia notontosainao, araka izao hita anio izao.

1Mpanjaka 8:56

«Hisaorana anie ny TOMPO Izay nanome fiadanana ny Israelita vahoakany araka izay rehetra nolazainy; fa tanterany antsipiriany avokoa ny teny soa nampilazainy an’i Mosesy mpanompony.

Nehemia 9:8

Fo mahatoky anao no hitanao taminy, ka nanaovanao fanekempihavanana izy fa homenao ho azy sy ho an’ny taranany ny tanin’ny Kanahanita sy ny Hitita, ary ny Amôrita mbamin’ny Perizita sy ny Jebosita ary ny Girgasita; ary efa notanterahinao ny teninao, satria marina Ianao.

Isaia 48:3

Efa hatry ny ela no nanambarako ny zava-niseho voalohany; Izaho no nampanantena ireny sy nampandre azy anareo. Tampoka no nihetsehako, dia tonga tokoa ireny.

Nomery 23:19

Andriamanitra tsy mba olona ka handainga, na taranak’olombelona ka hanenina. Izay nolazainy dia hoefainy; izay nampanantenainy dia hotanterahiny.

1Korintiana 1:9

Mitana ny toky nomeny Andriamanitra Izay niantso anareo hiombona amin’ny Zanany, dia i Jesoa Kristy Tompontsika.

1Tesaloniana 5:24

Mitana ny toky nomeny Andriamanitra Izay miantso anareo, ka hoefainy izany.

Titosy 1:2

dia fivavahana miorina amin’ny fanantenana ny fiaina-maharitra mandrakizay. Ilay Andriamanitra tsy mba mandainga dia nampanantena antsika izany fiainana izany, fony tsy mbola nisy ary akory izao rehetra izao;

Hebreo 6:18

ireo zavatra anankiroa ireo dia tsy azo ovàna sady tsy hain’Andriamanitra andaingana. Noho izany, isika izay mitady fiarovana ao amin’Andriamanitra dia mahazo fampirisihana mafy hitana tsara ny fanantenana natolotra antsika.

1Samoela 3:19

Ary nihalehibe i Samoela sady nomba azy ny TOMPO; ka tsy nisy tsy tanteraka izay teny rehetra nasainy nambaran’i Samoela.