Josoa 21:44 - DIEM PROTESTANTA

⁴⁴ Nampisy fandriam-pahalemana ho azy koa ny TOMPO tamin’ny sisin-tany manodidina azy, araka ny fianianana rehetra efa nataony tamin’ny razambeny. Nampandresen’ny TOMPO ireo fahavalony rehetra izy ka tsy nisy nahatohitra azy mihitsy ireny na iray aza.

Baiboly Protestanta Malagasy 2011

⁴⁴ Dia nomen’NY TOMPO fitsaharana amin’ny manodidina izy, araka izay rehetra nianianany tamin’ny razany, ka tsy nisy lehilahy tamin’ny fahavalony rehetra nahajanona teo anoloany; fa natolotry NY TOMPO teo an-tanany avokoa ny fahavalony rehetra.

Dikateny Iombonana Eto Madagasikara

⁴⁴ Nampisy fandriam-pahalemana ho azy koa ny TOMPO tamin’ny sisin-tany manodidina azy, araka ny fianianana rehetra efa nataony tamin’ny razambeny. Nampandresen’ny TOMPO ireo fahavalony rehetra izy ka tsy nisy nahatohitra azy mihitsy ireny na iray aza.

Baiboly Protestanta Malagasy

⁴⁴ Dia nomen’i Jehovah fitsaharana amin’ny manodidina izy, araka izay rehetra nianianany tamin’ny razany, ka tsy nisy lehilahy tamin’ny fahavalony rehetra nahajanona teo anoloany; fa natolotr’i Jehovah teo an-tànany avokoa ny fahavalony rehetra.

Malagasy Bible

⁴⁴ Dia nomen'i Jehovah fitsaharana amin'ny manodidina izy, araka izay rehetra nianiananany tamin'ny razany, ka tsy nisy lehilahy tamin'ny fahavalony rehetra nahajanona teo anoloany; fa natolotr'i Jehovah teo an-tànany avokoa ny fahavalony rehetra.

La Bible en Malgache

⁴⁴ Dia nomen’NY TOMPO fitsaharana amin’ny manodidina izy, araka izay rehetra nianianany tamin’ny razany, ka tsy nisy lehilahy tamin’ny fahavalony rehetra nahajanona teo anoloany; fa natolotry NY TOMPO teo an-tanany avokoa ny fahavalony rehetra.

Josoa 21:44 Rohy Ifampitohizana

2Tantara 13:16

Nandositra teo anoloan’ireto Jodeanina ny Israelita ka natolotr’Andriamanitra ho eo ambany fifehezany.

Eksodosy 23:31

Ny faritaninareo dia hataoko mahafaoka hatreo amin’ny Ranomasin’ny Volotara ka hatrany amin’ny ranomasina Mediteranea, ary hatreo amin’ny taniefitr’i Sinay ka hatrany amin’ny ony Eofrata; fa hatolotro ho eo an-tananareo ny mponina amin’ireo faritany ireo ka horoahinareo.

Eksodosy 33:14

Dia namaly ny TOMPO hoe: –Izaho mihitsy no handeha hiaraka aminao, ka hanome anao fiadanana!

Isaia 63:14

Toy ny biby fiompy midina an-dohasaha no nitondran’ny Fanahin’ny TOMPO azy ho amin’ny toerana fialan-tsasatra.» Tompo ô, tahaka izany tokoa no nitarihanao ny vahoakanao mba hanananao laza mamirapiratra.

Deoteronomia 2:36

Manomboka hatreo Harôhera izay amoron’ny lohasahan-driaka Arnôna sy ilay tanàna hafa anatin’io lohasaha io ihany, ka miafara any Gilehada, dia tsy nisy tanàna tsy afatsika; fa natolotry ny TOMPO Andriamanitsika eo ambany fahefàntsika ny tanàna rehetra.

Deoteronomia 21:10

Raha miainga hanafika fahavalo ianareo ary atolotry ny TOMPO Andriamanitrareo ho eo an-tananareo izy ka voababonareo,

Hebreo 4:9

Koa dia mbola misy fitsaharana ho an’ny vahoakan’Andriamanitra, amin’ny andro fahafito.

Josoa 1:13

–Tsarovy ny teny izany nampitain’i Mosesy mpanompon’ny TOMPO anareo fony izy nanao hoe: «Omen’ny TOMPO Andriamanitrareo toeram-ponenana eto ianareo ka tolorany ity tany andafy atsinanan’i Jôrdàna ity.»

Josoa 1:15

ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Josoa 1:5

Ry Josoa, tsy misy olona hahatohitra anao mandritra ny androm-piainanao rehetra, fa homba anao Aho tahaka izay efa nombako an’i Mosesy. Tsy hanary anao Aho na handao anao na oviana na oviana.

Josoa 11:12

Ary nalain’i Josoa koa ny tanànan’ireo mpanjaka hafa rehetra mbamin’ny fanjakany, ka naringany tamin’ny sabatra ireo mpanjaka sy ny mponina rehetra isan-tanàna, araka izay efa nandidian’i Mosesy mpanompon’ny TOMPO.

Josoa 11:23

Dia azon’i Josoa avokoa ilay tany, araka izay rehetra efa nambaran’ny TOMPO tamin’i Mosesy; ary nomen’i Josoa ho fananan’ny Israelita izany ka nozarazarainy araka ny fokony avy. Dia nitsahatra ny ady ka nandry ny tany.

Josoa 11:8

Natolotry ny TOMPO teo an-tanan’ny Israelita ireo ka resiny, nenjehiny nianavaratra hatrany Sidôna tanàn-dehibe sy hatrany Misrefôta-Maîma ary hatrany amin’ny lohasahan’i Mitsepà any atsinanana. Nasian’ny Israelita ireo ka tsy nisy niangana.

Josoa 2:24

Ary nitantarany ny zavatra rehetra nitranga i Josoa

Josoa 22:4

Ankehitriny, araka izay efa nampanantenainy, dia nomen’ny TOMPO Andriamanitrareo fandriampahalemana ny mpiray firenena aminareo; koa mahazo miverina any an-dainareo ianareo ankehitriny, any amin’ny tany izay efa nomen’i Mosesy mpanompon’ny TOMPO ho anareo eny ampita atsinanan’i Jôrdàna.

Josoa 22:9

Lasa nody tany aminy tokoa ny vatan-dehilahy taranak’i Reobena sy taranak’i Gada ary anisan’ny antsasa-pokon’i Manase. Tao Silao amin’ny tany Kanahàna ry zareo no nandao ny Israelita hafa mba hankany amin’ny tany Gilehada izay zaratany azony araka ny baiko nampitain’ny Tompo tamin’ny alalan’i Mosesy.

Josoa 23:1

Fotoana ela taorian’ny nanomezan’ny TOMPO fandriampahalemana ho an’i Israely ka nanafahany azy tamin’ireo fahavalo rehetra nanodidina azy, dia efa antitra be i Josoa.