Josoa 1:7 - DIEM PROTESTANTA

Eny, aoka ho sahy sy hahery tokoa ianao mba himasoanao ny hanao araka ny lalàna manontolo izay nampitain’i Mosesy mpanompoko taminao. Aza misy anaovana tsirambina mihitsy izany na kely aza, dia hahomby ianao amin’izay rehetra ataonao.

Baiboly Protestanta Malagasy 2011

Koa mahereza sy matanjaha tsara ianao, hitandremanao hanatanteraka araka ny lalàna rehetra izay nandidian’i Mosesy mpanompoko anao; aza miala aminy, na ho amin’ny ankavanana na ho amin’ny ankavia, mba hambinina ianao amin’izay rehetra alehanao.

Dikateny Iombonana Eto Madagasikara

Eny, aoka ho sahy sy hahery tokoa ianao mba himasoanao ny hanao araka ny lalàna manontolo izay nampitain’i Mosesy mpanompoko taminao. Aza misy anaovana tsirambina mihitsy izany na kely aza, dia hahomby ianao amin’izay rehetra ataonao.

Baiboly Katolika

Fa matanjaha kosa ary mahereza fo tokoa, sady mitandrema tsara mba hanao araka ny lalàna rehetra nandidian’i Môizy mpanompoko anao. Aza mivily amin’izay na ho amin’ny ankavanana na ho amin’ny ankavia, mba hahomby ianao amin’izay rehetra hataonao.

Baiboly Protestanta Malagasy

Koa mahereza sy matanjaha tsara hianao, hitandremanao hanao araka ny lalàna rehetra, izay nandidian’i Mosesy mpanompoko anao; aza miala aminy, na ho amin’ny ankavanana, na ho amin’ny ankavia, mba hambinina hianao amin’izay rehetra alehanao.

Malagasy Bible

Koa mahereza sy matanjaha tsara ianao, hitandremanao hanao araka ny lalana rehetra, izay nandidian'i Mosesy mpanompoko anao; aza miala aminy, na ho amin'ny ankavanana, na ho amin'ny ankavia, mba hambinina ianao amin'izay rehetra alehanao.

La Bible en Malgache

Koa mahereza sy matanjaha tsara ianao, hitandremanao hanatanteraka araka ny lalàna rehetra izay nandidian’i Mosesy mpanompoko anao; aza miala aminy, na ho amin’ny ankavanana na ho amin’ny ankavia, mba hambinina ianao amin’izay rehetra alehanao.

Josoa 1:7 Rohy Ifampitohizana

1Mpanjaka 2:2

–Efa ho faty araka ny lalan-kizoran’ny besinimaro aho; koa aoka ianao hahery sy hiseho ho tena lehilahy!

1Mpanjaka 2:3

Tandremo izay andidian’ny TOMPO Andriamanitrao hanarahanao ny sori-dalany ary hitandrovanao ny lalànany sy ny didiny amam-pitsipiny sy ny sàtany araka ny voasoratra ao amin’ny lalànan’i Mosesy; dia hahomby ianao amin’izay rehetra hataonao sy hokasainao.

2Mpanjaka 22:2

Nanao izay mahitsy eo imason’ny TOMPO i Jôsià; ka narahiny avokoa ny toetran’i Davida razambeny fa tsy mba nivily hiala tamin’izany izy.

1Tantara 22:13

Eny, raha tandremanao hotanterahina ny lalàna amam-pitsipika izay nandidian’ny TOMPO an’i Mosesy ho an’ny Israelita, dia hambinina tokoa ianao. Mahereza sy matanjaha, fa aza matahotra na mivadi-po.

2Tantara 15:7

Koa mahereza ianareo, fa aza miraviravy tanana; satria hisy valim-pitia tokoa ny ataonareo.

2Tantara 26:5

I Hozià tamin’ny andro niainan’i Zakarià izay nampianatra azy hanaja an’Andriamanitra, dia nivavaka tokoa tamin’ny TOMPO Andriamanitra sady nomeny fanambinana.

Joba 1:8

Ary hoy ny Tompo taminy: –Efa nahita an’i Jôba mpanompoko ve ianao? Fa tsy misy tahaka azy eny ambonin’ny tany: lehilahy tsy misy hokianina sady mahitsy ary manaja Ahy izy ka nifady ny ratsy.

Salamo 80:19

Amin’izay dia tsy handao Anao intsony izahay; Ianao no hamelona anay indray ary hivavahanay.

Ohabolana 4:27

Aza mivily miankavanana na miankavia; halaviro ny tongotrao ny ratsy.

Ohabolana 8:20

Ny soritry ny fahamarinana no izorako dia ny lalana anjakan’ny rariny,

Daniela 10:19

sady nanao tamiko hoe: ‹Aza matahotra! Fara-pitia anao Andriamanitra, ka fiadanana ho anao! Mahereza ary mahatanjaha!› Koa arakaraky ny nitenenany tamiko no nampahatanjaka ahy, ka hoy aho taminy: ‹Aoka àry hiteny ianao, tompoko, satria efa nampahery ahy.›

Nomery 27:23

Ary rehefa nametra-tanana tamin’i Josoa i Mosesy, dia nanokana azy ho dimbiny, araka ny voalazan’ny TOMPO tamin’ny alalan’i Mosesy.

Deoteronomia 11:8

Koa tandremo avokoa ny didy izay ampitaiko aminareo anio mba hahery ianareo ka haka ho fanananareo ilay tany izay hiampitanareo sy hidiranareo,

Deoteronomia 28:14

eny, ny didy rehetra izay ampitaiko aminareo anio dia aza ialana mihitsy mba hanarahana sy hanompoana andriamani-kafa.

Deoteronomia 29:8

Koa imasoy hotanterahina ny fepetra momba izao fanekempihavanana izao mba hambinina ianareo amin’izay rehetra hataonareo.

Deoteronomia 29:9

Ry Israelita, anio no miseho eto anatrehan’ny TOMPO Andriamanitrareo ianareo rehetra, dia ny lehibenareo sy mpitsaranareo, ny loholonareo sy mpifehy anareo, ny vatan-dehilahy

Deoteronomia 31:7

Dia nantsoin’i Mosesy i Josoa ka nitenenany teo imason’ny Israelita rehetra hoe: –Mahereza sy matanjaha, satria ianao sy ity vahoaka ity dia hiara-miditra ao amin’ny tany izay nianianan’ny TOMPO fa homena ny razambenareo; ary ianao no hizara izany tany izany ho fananan’ity vahoaka ity.

Deoteronomia 4:2

Aza ampianareo ny teny izay andidiako anareo ary aza anesorana; fa tandremo ny didin’ny TOMPO Andriamanitrareo, izay ampitaiko aminareo.

Deoteronomia 5:32

Koa himasoanareo, hoy indray i Mosesy, ny hanatanteraka izay efa nandidian’ny TOMPO Andriamanitrareo anareo ary tsy hivily na amin’ny ankavanana na amin’ny ankavia ianareo.

Josoa 1:1

Taorian’ny nahafatesan’i Mosesy mpanompon’ny TOMPO, dia nitenenan’ny TOMPO i Josoa zanakalahin’i Nona sady mpanampy an’i Mosesy nataony hoe:

Josoa 1:8

Aoka ianao hahavatra mamaky ity bokin’ny lalàna ity ary handinika azy andro aman’alina mba himasoanao ny hanao araka izay rehetra voasoratra anatiny. Amin’izay dia ho tontosanao tsara ny fikasanao rehetra ary hahomby ianao.

Josoa 1:9

Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Josoa 11:15

Izay baiko rehetra nomen’ny TOMPO an’i Mosesy mpanompony dia nampitainy tamin’i Josoa; ka izany no nataon’i Josoa tsy nisy namelany.

Josoa 23:6

Noho izany aoka ho hentitra mihitsy ianareo hitandrina sy hanatanteraka izay rehetra voasoratra ao amin’ilay bokin’ny lalànan’i Mosesy, ka aza misy anaovana tsirambina na kely aza.