Nehemia 12:39 - Baiboly Katolika Dia samy nijanona tao an-tranon’Andriamanitra ny antoko-mpihira roa tonta, mbamin’izaho sy ny antsasaky ny andriambaventy niaraka tamiko, Baiboly Protestanta Malagasy 2011 ary hatreo ambonin’ny vavahadin’i Efraima sy teo ambonin’ny vavahady taloha ary teo ambonin’ny vavahadin-kazandrano sy ny tilikambo fiambenana Hananela sy ny tilikambo fiambenana Hamea, dia hatramin’ny vavahadin’ondry; ary nijanona teo amin’ny vavahadin’ny trano fiambenana izy. DIEM PROTESTANTA avy eo dia nitety ny vavahadin’i Efraîma, sy ny vavahady tranainy ary ny vavahadin’ny Trondro. Nandalo teo akaikin’ny Tilikambo Hananela sy ny tilikambon’ny Zatolahy ary nihoatra ny vavahadin’ny Ondry izahay, vao nitsatoka teo amin’ny Vavahadin’ny fonja. Dikateny Iombonana Eto Madagasikara avy eo dia nitety ny vavahadin’i Efraîma, sy ny vavahady tranainy ary ny vavahadin’ny Trondro. Nandalo teo akaikin’ny Tilikambo Hananela sy ny tilikambon’ny Zatolahy ary nihoatra ny vavahadin’ny Ondry izahay, vao nitsatoka teo amin’ny Vavahadin’ny fonja. Baiboly Protestanta Malagasy ary hatreo ambonin’ny vavahadin’i Efraima sy teo ambonin’ny vavahady taloha ary teo ambonin’ny vavahadin-kazandrano sy ny tilikambo Hananela sy ny tilikambo Hamea, dia hatramin’ny vavahadin’ondry; ary nijanona teo amin’ny vavahadin-trano-maizina izy. Malagasy Bible ary hatreo ambonin'ny vavahadin'i Efraima ay teo ambanin'ny vavahady taloha ary teo ambonin'ny vavahadin-kazandrano sy ny tilikambo Hananela sy ny tilikambo Hamea, dia hatramin'ny vavahadin'ondry; ary nilanona teo amin'ny vavahadin-trano-maizina izy. La Bible en Malgache ary hatreo ambonin’ny vavahadin’i Efraima sy teo ambonin’ny vavahady taloha ary teo ambonin’ny vavahadin-kazandrano sy ny tilikambo fiambenana Hananela sy ny tilikambo fiambenana Hamea, dia hatramin’ny vavahadin’ondry; ary nijanona teo amin’ny vavahadin’ny trano fiambenana izy. |
Ary i Jôasa mpanjakan’i Israely nisambotra an’i Amasiasa mpanjakan’i Jodà, zanak’i Jôasa zanak’i Okoziasa, tao Bethsamesa; nankany Jerosalema izy ka nahabanga ny mandan’i Jerosalema efajato hakiho, hatramin’ny vavahadin’i Efraima ka hatreo am-bavahady an-jorony.
ary koa ireo mpisorona: Eliasima, Maasiasa, Miamima, Mikea, Eliôenaì, Zakaria, Anania, nitondra trômpetra,
I Eliasiba mpisorona lehibe, mbamin’ireo mpisorona rahalahiny dia nanomboka nanorina ny vavahadin’ny Ondry, nanamasina azy izy, dia nandatsaka ny lela-vavahady; namboariny ny manda dia nohamasininy hatramin’ny tilikambon’i Meà, ka hatramin’ny tilikambon’i Hananeela.
I Falefa zanak’i Ozỳ, nanamboatra teo an-tandrifin’ny zorony sy ny tilikambo avo izay mibohitra eo alohan’ny tranon’ny mpanjaka, akaikin’ny tokonan’ny tranomaizina. Manarakaraka io dia i Fadaiasa zanak’i Farosa.
Ny taranak’i Senaà no nanao ny vavahadin’ny Hazandrano, nataony teo ny sakamandimby, dia nalatsany ny lela-vavahady, mbamin’ny karetsaka sy ny barany;
I Jôiadà zanak’i Faseà, sy i Mosolama zanak’i Besôdiasa, no nanamboatra ny Vavahady Goga, nataony teo ny sakamandimby dia nalatsany ny lela-vavahady, mbamin’ny karetsaka sy ny barany.
Dia nandeha nankany ny olona, ka nitondra, ary samy nanao tranolay avy izy ireo teny ambony tafon-tranony, teny an-tokotaniny, teny amin’ny kianjan’ny tranon’Andriamanitra, teo amin’ny kianjan’ny vavahadin’i Efraima.
Indro avy ny andro, - teny marin’i Iaveh, - hanorenana indray ity tanàna ity, ho an’i Iaveh, hatramin’ny tilikambon’i Hananeela ka hatramin’ny vavahadin’ny Zorony.
Tamin’izany, ny tafiky ny mpanjakan’i Babilôna, nanao fahirano an’i Jerosalema; ary i Jeremia mpaminany, nafahy tao amin’ny kianjan’ny fiambenana, tao amin’ny tranon’ny mpanjakan’i Jodà.
Amin’izany andro izany dia izao no hatao, - teny marin’i Iaveh: - Hisy antsoantso hitatatata avy ao am-bavahadin’ny hazandrano; hisy hitarainana, avy ao an-tanàna faharoa; ary hisy kotrokotroka be avy amin’ny havoana.
Ary any Jerosalema ao akaikin’ny vavahadin’ny ondry, dia misy dobo anankiray atao hoe Betesdà amin’ny teny hebrio, izay misy trano heva dimy.