Nehemia 8:16 - Baiboly Katolika

¹⁶ Dia nandeha nankany ny olona, ka nitondra, ary samy nanao tranolay avy izy ireo teny ambony tafon-tranony, teny an-tokotaniny, teny amin’ny kianjan’ny tranon’Andriamanitra, teo amin’ny kianjan’ny vavahadin’i Efraima.

Baiboly Protestanta Malagasy 2011

¹⁶ Dia nandeha ny olona ka naka ary samy nanao trano rantsan-kazo ho azy teo amin’ny tampon-tranony avy sy teo anatin’ny tokotaniny avy ary teo anatin’ny kianjan’ny tranon’Andriamanitra sy teo amin’ny toerana malalaka teo akaikin’ny vavahadin-drano ary teo amin’ny toerana malalaka akaikin’ny vavahadin’i Efraima.

DIEM PROTESTANTA

¹⁶ Dia nandeha naka rantsan-kazo ny Israelita ka samy nanao tranotomboka ho azy teo an-tampon-tranony na teo an-tokotaniny na teo an-kianjan’ny tranon’Andriamanitra na teo an-kalalahana akaikin’ny Vavahadin’ny Rano, na teo an-kalalahana akaikin’ny Vavahadin’i Efraîma.

Dikateny Iombonana Eto Madagasikara

¹⁶ Dia nandeha naka rantsan-kazo ny Israelita ka samy nanao tranotomboka ho azy teo an-tampon-tranony na teo an-tokotaniny na teo an-kianjan’ny tranon’Andriamanitra na teo an-kalalahana akaikin’ny Vavahadin’ny Rano, na teo an-kalalahana akaikin’ny Vavahadin’i Efraîma.

Baiboly Protestanta Malagasy

¹⁶ Dia nandeha ny olona ka naka, ary samy nanao trano rantsan-kazo ho azy teo amin’ny tampon-tranony avy sy teo anatin’ny tokotaniny avy sy teo anatin’ny kianjan’ny tranon’Andriamanitra sy teo an-kalalahana teo akaikin’ny vavahadin-drano ary teo an-kalalahana akaikin’ny vavahadin’i Efraima.

Malagasy Bible

¹⁶ Dia nandeha ny olona ka naka, ary samy nanao trano rantsan-kazo ho azy teo amin'ny tampon-tranony avy sy teo anatin'ny tokotaniny avy sy teo anatin'ny kianjan'ny tranon'Andriamanitra sy teo an-kalalahana teo akaikin'ny vavahadin-drano ary teo an-kalalahana akaikin'ny vavahadin'i Efraima.

La Bible en Malgache

¹⁶ Dia nandeha ny olona ka naka ary samy nanao trano rantsan-kazo ho azy teo amin’ny tampon-tranony* avy sy teo anatin’ny tokotaniny avy ary teo anatin’ny kianjan’ny tranon’Andriamanitra sy teo amin’ny toerana malalaka teo akaikin’ny vavahadin-drano ary teo amin’ny toerana malalaka akaikin’ny vavahadin’i Efraima.

Nehemia 8:16 Rohy Ifampitohizana

2Samoela 11:2

Indray hariva raha ilay avy niarina avy teo am-pandriana iny i Davida ka nitsangantsangana teo amin’ny tafon-tranon’ny mpanjaka, dia tazany avy eo ambony tafon-trano ity vehivavy anankiray nandro, ary tsara tarehy erỳ ravehivavy io.

2Mpanjaka 14:13

Ary i Jôasa mpanjakan’i Israely nisambotra an’i Amasiasa mpanjakan’i Jodà, zanak’i Jôasa zanak’i Okoziasa, tao Bethsamesa; nankany Jerosalema izy ka nahabanga ny mandan’i Jerosalema efajato hakiho, hatramin’ny vavahadin’i Efraima ka hatreo am-bavahady an-jorony.

2Tantara 20:5

Ary i Jôsafata nitsangana teo afovoan’ny fiangonan’i Jodà sy i Jerosalema tao an-tranon’i Iaveh eo anoloan’ny kianja vaovao, ka nanao hoe:

2Tantara 33:5

Nanorina ôtely teo amin’ny kianja roa an-tranon’i Iaveh izy, ho an’ny tafiky ny lanitra rehetra.

Nehemia 12:37

Ny antoko-mpihira faharoa kosa, nandeha tamin’ny ilany iray, ka izaho sy ny antsasaky ny vahoaka no teo aorian’io, teny ambony manda. Avy eo amin’ny tilikambon’ny fatana fandoroana, dia nandroso hatreo amin’ny manda malalaka,

Nehemia 12:39

Dia samy nijanona tao an-tranon’Andriamanitra ny antoko-mpihira roa tonta, mbamin’izaho sy ny antsasaky ny andriambaventy niaraka tamiko,

Nehemia 3:26

Ary ny Natineanina dia nonina teo amin’ny Ofela, hatreo an-tandrifin’ny vavahadin’ny Rano, any atsinanana, sy ny tilikambo mandroso.

Nehemia 8:1

Nony tonga ny volana fahafito, ka efa tafapetraka amin’ny tanànany avy ny zanak’i Israely, dia nivory toy ny olona iray ihany ny vahoaka rehetra, teo amin’ny kianja anoloan’ny vavahadin’ny Rano. Ary efa nilazan’izy ireo i Esdrasa mpanora-dalàna, mba hitondra ny bokin’ny lalàn’i Môizy, izay nandidian’i Iaveh an’i Israely.

Nehemia 8:3

Novakiny teo anatrehan’ny lehilahy sy ny vehivavy mbamin’izay efa manan-tsaina hahafantatra azy ny boky, teo amin’ny kianja anoloan’ny vavahadin’ny Rano, hatramin’ny maraina ka mandra-pisasaky ny andro, ary nampandry sofina nihaino ny bokin’ny lalàna avokoa ny vahoaka.

Jeremia 19:13

Ny trano ao Jerosalema sy ny tranon’ny mpanjakan’i Jodà, ho tonga sahala amin’ity fitoeran’i Tofeta ity, dia maloto; dia ireo trano rehetra nanaterana emboka manitra teo ambony tafony, ho an’ny tafiky ny lanitra rehetra sy nanidìnana fanatitra araraka ho an’andriamani-kafa.

Jeremia 32:29

Hiditra amin’ity tanàna ity ny Kaldeanina izay mamely azy; ka handrendrika ity tanàna ity izy, dia handoro azy mbamin’ny trano nanaterana emboka manitra ho an’i Baala teo ambonin’ny tafony, sy nandrarahany fanatitra araraka ho an’andriamani-kafa, mba hampahatezitra Ahy.

Deoteronomia 22:8

«Raha manao trano vaovao ianao, dia asio arofanina manodidina ny tafon-tranonao mba tsy hanisy ra amin’ny tranonao ianao, raha sendra misy olona mianjera avy aminy.