Jaona 5:2 - Baiboly Katolika

² Ary any Jerosalema ao akaikin’ny vavahadin’ny ondry, dia misy dobo anankiray atao hoe Betesdà amin’ny teny hebrio, izay misy trano heva dimy.

Baiboly Protestanta Malagasy 2011

² Any Jerosalema, eo akaikin’ny vavahadin’ondry, dia misy farihy izay antsoina amin’ny teny hebreo hoe Betesda; misy fialofana dimy izy io.

DIEM PROTESTANTA

² Ary tao Jerosalema teo akaikin’ny vavahadin’ny ondry, dia nisy dobo anankiray atao hoe Betesdà amin’ny teny hebreo. Lala-mitafo dimy no manamorona ilay dobo,

Dikateny Iombonana Eto Madagasikara

² Ary tao Jerosalema teo akaikin’ny vavahadin’ny ondry, dia nisy dobo anankiray atao hoe Betesdà amin’ny teny hebreo. Lala-mitafo dimy no manamorona ilay dobo,

Baiboly Protestanta Malagasy

² Ary misy farihy any Jerosalema, eo akaikin’ny vavahadin’ ondry, izay atao amin’ny teny Hebreo hoe Betesda, misy fialofana dimy.

Malagasy Bible

² Ary misy farihy any Jerosalema, eo akaikin'ny vavahadin'ondry, izay atao amin'ny teny Hebreo hoe Betesda, misy fialofana dimy.

La Bible en Malgache

² Any Jerosalema, eo akaikin’ny vavahadin’ondry, dia misy farihy izay antsoina amin’ny teny hebreo hoe Betesda; misy fialofana dimy izy io.

Jaona 5:2 Rohy Ifampitohizana

Nehemia 12:39

Dia samy nijanona tao an-tranon’Andriamanitra ny antoko-mpihira roa tonta, mbamin’izaho sy ny antsasaky ny andriambaventy niaraka tamiko,

Nehemia 3:1

I Eliasiba mpisorona lehibe, mbamin’ireo mpisorona rahalahiny dia nanomboka nanorina ny vavahadin’ny Ondry, nanamasina azy izy, dia nandatsaka ny lela-vavahady; namboariny ny manda dia nohamasininy hatramin’ny tilikambon’i Meà, ka hatramin’ny tilikambon’i Hananeela.

Nehemia 3:32

Ary ny mpanefy volamena sy ny mpivarotra namboatra ny eo anelanelan’ny trano ambony eo an-jorony sy ny vavahadin’ny Ondry.

Isaia 22:11

Nanao fitahirizan-drano eo anelanelan’ny manda roa ianareo, halehan’ny rano avy amin’ny kamory tranainy. Kanefa Ilay nanao izany tsy nojerenao akory, Ilay nanomana izany hatry ny ela tsy hitanareo akory.

Isaia 22:9

ary ny banga amin’ny tanànan’i Davida, hitanareo fa betsaka. Novorinareo ny rano amin’ny kamory ambany,

Jaona 19:13

Nony nandre izany teny izany i Pilaty dia nitondra an’i Jesoa nivoaka, ka nipetraka teo amin’ny fitsarana, amin’ny fitoerana atao hoe Litôstrôtôs, na Gabatà amin’ny teny hebrio.

Jaona 19:17

Nentin’i Jesoa ny Hazofijaliany, dia tonga teo amin’ny toerana atao hoe Kalvery Izy, na hoe Gôlgôtà amin’ny teny hebrio.

Jaona 19:20

Betsaka ny Jody namaky io soratra io, fa akaikin’ny tanàna ny toerana namantsihana an’i Jesoa; sady vita tamin’ny teny hebrio sy grika ary latinina ny soratra.

Jaona 20:16

Dia hoy i Jesoa taminy: «Ry Maria!» Dia nitodika izy ka nanao taminy hoe: «Rabòny!» (izany hoe Mpampianatra).

Jaona 5:3

Nisy marary maro nandry tamin’ireo trano ireo, dia ny jamba, ny mandringa, ny malemy, izay niandry ny fihetsiketsehan’ny rano.

Jaona 7:21

Fa namaly i Jesoa ka nanao taminy hoe: «Asa iray monja no nataoko, dia safotra ianareo rehetra.

Asan’ny Apostoly 21:40

Dia neken’ny komandy izany, ka nitsangana teo amin’ny ambaratonga i Paoly, nanofa tanana ny vahoaka; ary rehefa nangina tsara ny olona, dia niteny tamin’ny teny Hebrio izy nanao hoe:

Apokalipsy 16:16

Ary any amin’ny fitoerana atao amin’ny teny hebrio hoe: Armagedaona no namoriana azy ireo.

Apokalipsy 9:11

Ny mpanjaka filohan’izy ireo, dia anjelin’ny lavaka tsy hita noanoa, izay atao hoe Abadôna amin’ny teny hebrio, ary Apôliôna amin’ny teny grika.