Matha 13:23 - Tiomna Nua 1951 (de Siúnta)

²³ Agus an duine ’n‐ar cuireadh an síol sa talamh maith, is é sin an té do‐chluin an briathar, agus thuigeas é; agus do‐bheir toradh uaidh, cuid de fá chéad, cuid de fá thrí fichid, cuid de fá thriochaid.

An Tiomna Nua 1970 (Ó Cuinn)

²³ Ach i dtaca leis an síol a cuireadh i ndea-úir mhéith, is é sin an té a chluineas an briathar agus a thuigeann é; is é a thugann toradh uaidh, uaireanta faoi chéad, agus uaireanta faoi sheasca, agus uaireanta eile faoi thríocha.”

Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

²³ Acht an té i n-ar cuireadh an síol i dtalamh mhaith, is é sin an té a chluin an briathar, a thuigeas é, agus a bheir toradh uaidh, agus bheir ceann toradh fá chéad, ceann eile fá thrí fhichid, agus ceann eile fhá dheich ar fhichid.

An Bíobla Naomhtha 1817 (Bedell)

²³ Agus an té úd ann ar cuireadh an síol a bhfearann maith a sé so an té do chluin, agus thuigeas an bhríathar; agus iomchras toradh, agus do bheir, cuid céud uiread, cuid trí fichid, agus cuid eile a deich fichead.

Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

²³ Ach an t-é a ghlac an síol isteach sa talamh fóghanta, siné an t-é a chloiseann an briathar agus do thuigeann é, agus a thugann toradh uaidh, agus tugann sé cuid de’n toradh fó chéad, agus cuid eile dhe fó thrí fichid, agus cuid eile dhe fó thríochad.

An Tiomna Nua agus Leabhar na Salm 2012

²³ Ach an duine a ghlac an síol ar an talamh maith, sin é an duine a chluineann an briathar agus a thuigeann é; agus tugann sé sin toradh uaidh gan teip, faoi chéad nó faoi sheasca, nó faoi thríocha de réir mar a bhíonn.”

An Bíobla Naofa 1981

²³ Ach an duine a ghlac an síol ar an talamh maith, sin é an duine a chluineann an briathar agus a thuigeann é; agus tugann sé sin toradh uaidh gan teip, faoi chéad nó faoi sheasca, nó faoi thríocha de réir mar a bhíonn.”

Matha 13:23 Tagairtí Cros

Matha 12:33

Déanaidh an crann maith agus a thoradh maith; nó déanaidh an crann lobhtha agus a thoradh lobhtha: óir ar a thoradh is eadh aithnightear an crann.

Matha 13:8

agus do thuit cuid eile dhe ar an talamh maith, agus thug sé toradh uaidh, cuid de fá chéad, cuid eile fá thrí fichid, cuid eile fá thriochaid.

Matha 3:10

Agus cheana féin atá an tuagh curtha ar fhréimh na gcrann: ar an adhbhar sin crann ar bith nach dtugann toradh maith, leagfar é agus caithfear é sa teinidh.

Matha 3:8

Ar an adhbhar sin, tabhraidh toradh uaibh bhéas de réir na h‐aithrighe;

Marcas 10:15

Adeirim libh go fírinneach, Cibé duine nach nglacfaidh ríoghacht Dé ar nós leinbh, nach rachaidh sé isteach innti choidhche.

Marcas 4:20

Agus iad‐san gur cuireadh an síol sa talamh maith ionnta; is iad na daoine éisteas leis an mbriathar, agus ghlacas chuca é, agus do‐bheir toradh uatha, fá thriochaid, agus fá thrí‐fichid, agus fá chéad.

Lúcás 13:9

go rómharad ’n‐a thimcheall, agus go gcuiread aoileach faoi: agus má bheir sé toradh annsin, béidh go maith; acht muna dtugaidh, leagfaidh tú é.

Lúcás 8:15

Agus an chuid atá sa talamh maith, is iad‐san na daoine d’éist leis an mbriathar le deagh‐chroidhe macánta, agus congbhuigheann siad é, agus do‐bheir siad toradh go foighdeach uatha.

Lúcás 8:8

Agus do thuit cuid eile ar an talamh maith, agus d’fhás sé, agus thug sé toradh uaidh, fá chéad. Nuair adubhairt sé an méid sin, do ghlaodh sé amach, An té ag a bhfuil cluasa chum éisteachta, éisteadh sé.

Eoin 15:16

Ní sibh‐se do thogh mise, acht is mise do thogh sibh‐se, agus do cheapas sibh chum go n‐imtheochadh sibh agus go dtiubhradh sibh toradh, agus go mbéadh bhúr dtoradh buan: ionnas, cibé nidh iarrfas sibh ar an Athair im’ ainm‐se, go dtiubhradh sé dhaoibh é.

Eoin 8:47

An té is ó Dhia éisteann sé le briathraibh Dé: is uime sin nach n‐éisteann sibh, óir ní ó Dhia sí.

Gníomhartha 16:14

Agus do bhí bean darbh ainm Lidia, bean díolta corcra ó chathair Thiatíra, do bhíodh ag adhradh an Aon‐Dé, do bhí sí ag éisteacht linn: d’fhoscail an Tighearna a croidhe chum aire do thabhairt d’á raibh ag Pól d’á rádh.

Gníomhartha 17:11

Agus bhíodar‐san ní ba uaisle ’ná na daoine do bí i dTessaloníca, agus do ghlacadas an briathar go díoghraiseach, ag cuardach na scrioptúir gach lá d’fhéachain an raibh na neithe sin amhlaidh.

2 Corantaigh 9:10

Agus an té do‐bheir síol do’n tsíoladóir agus arán mar bhiadh, soláthróchaidh agus méadóchaidh sé síol chum curtha dhaoibh, agus méádóchaidh sé toradh bhur bhfíréantachta:

Filipigh 1:11

líonta de thoradh na fíréantachta, chum glóire agus adhmholta Dé.

Filipigh 4:17

Ní h‐é go bhfuilim ag éileamh aon bhronntanais; acht gur ab amhlaidh atáim ar lorg an tortha rachas cum creideamhna dhaoibh.

Colosaigh 1:10

chum go siubhalfaidh sibh mar d’oirfeadh daoibh san Tighearna, go sásóchaidh sibh é ar an uile shlighe, ag tabhairt tortha san uile dheagh‐ghníomh, agus bhur n‐eolas ar Dhia ag dul i méid;

Colosaigh 1:6

tháinig chugaibh‐se; fá mar tá sé ag tabhairt tortha ar fud an domhain, agus ag dul i méid, mar tá sé ’n‐bhur measc‐na, leis, ó’n lá ’n‐a gcualabhar agus ’n‐a bhfuarabhar eolas ar ghrása Dé i bhfírinne;

1 Teasalónaigh 4:1

I ndeireadh scéil, a bhráithre, atáimíd g‐á chur d’impidhe agus d’athchuinghe oraibh san Tighearna Íosa, fá mar d’fhoghlaim sibh uainne cionnas ba cheart daoibh siubhal chum taithneamh do thabhairt do Dhia, fá mar tá sibh do dhéanamh, dul i bhfeabhas níos fearr ’ná ariamh.

2 Teasalónaigh 2:10

agus le gach ceilg dá gcuireann an cuirptheacht ar an dream d’á bhfuil an scrios i ndán; toisc nár ghlacadar grádh na fírinne, chum go slánóchaidhe iad.

Eabhraigh 4:2

Óir do craobhscaoileadh an soiscéal dúinne, mar craobhscaoileadh é dhóibh‐sean: acht níorbh aon tairbhe dhóibh an briathar do chualadar, toisc nach raibh creideamh ’n‐a bhun ag na daoinibh do chuala é.

Eabhraigh 6:7

Óir an talamh shúghas isteach an bháisteach thuiteas go minic air, agus do‐bheir luibheanna fhóghnas do na daoinibh go saothruighthear é ar a son, bíonn beannacht Dé air;

Eabhraigh 8:10

Óir is é seo an connradh dhéanfad le teaghlach Israel Tar éis na laethe úd, adeir an Tighearna: Cuirfead mo dhlighthe isteach ’n‐a n‐aigne, Agus scríobhfad ar a gcroidhe iad: Agus béidhead im’ Dhia aca, Agus béidh siad‐san ’n‐a bpobal agam:

2 Peadar 3:18

Acht bidhidh ag fás i ngrása agus i n‐eolas ár dTighearna agus ár Slánuightheora Íosa Críost. Dó‐san go dtugtar an ghlóir anois agus go síorraidhe. Amén.

1 Eoin 5:20

Agus is eol dúinn go dtáinig Mac Dé, agus go dtug sé tuigsin dúinn chum an té atá fírinneach d’aithint, agus atáimíd‐ne san té atá firinneach, ’n‐a Mhac Íosa Críost.