3 Eoin 1:3 - Tiomna Nua 1951 (de Siúnta)

³ Is mór an gáirdeachas do bhí orm nuair tháinig na bráithre chugam ag tabhairt fiadhnaise leo ar an bhfírinne atá ionnat, cionnas táir ag siubhal san bhfírinne.

An Tiomna Nua 1970 (Ó Cuinn)

³ Óir is mór an lúcháir a chuir sé orm nuair a tháinig cuid de na bráithre le fianaise a thabhairt ar fhirinne do bheatha, ós tú a leanas den fhirinne dáirire.

An Bíobla Naomhtha 1817 (Bedell)

³ Oír do ghabh gáirdeachas mór mé, an tan thangadar na dearbhráithre agus do rinneadar fíadhnuise don fhírinne atá ionnadsa, do réir mar shiúbhlas tú sa bhfírinne.

An Tiomna Nua agus Leabhar na Salm 2012

³ Bhí an-áthas orm, ar theacht do chuid de na bráithre, gur thug siad teastas ar do fhírinne, mar atá, go siúlann tú sa bhfírinne.

An Bíobla Naofa 1981

³ Bhí an-áthas orm, ar theacht do chuid de na bráithre, gur thug siad teastas ar do fhírinne, mar atá, go siúlann tú san fhírinne.

3 Eoin 1:3 Tagairtí Cros

Gníomhartha 1:15

Agus ins na laethibh sin d’éirigh Peadar i lár na mbráithreach, (do bhí cruinniú daoine ann, tuairim céad agus fiche),

1 Corantaigh 13:6

ní ghlacann sé droch‐amhras, ní dhéanann sé gáirdeachas mar gheall ar an éagcóir, acht ghníonn sé gáirdeachas fá’n bhfírinne;

Galataigh 6:10

Mar sin de, do réir mar bhíos an uain againn, déanaimís an mhaith do’n uile dhuine, go mórmhór do lucht tighe an chreidimh.

Filipigh 1:4

ag guidhe i gcómhnaidhe le gáirdeachas i ngach athchuinghe ar son an uile dhuine agaibh,

2 Eoin 1:2

as ucht na fírinne chómhnuigheas ionnainn, agus bhéas linn go síorraidhe.

2 Eoin 1:4

Ba mhór an gáirdeachas do chuir sé orm cuid ded’ chlainn d’fhágháil ag siubhal san bhfírinne, do réir na h‐aithne fuaramar ó’n Athair.

3 Eoin 1:10

D’á bhrigh sin, má thagaim, cuirfead i gcuimhin dó na gníomhartha atá d’á ndéanamh aige, ag labhairt ’n‐bhur n‐aghaidh as cainnt mhailísigh: agus ní n‐é amháin sin é, acht ní ghlacann sé féin na bráithre chuige, agus cuireann sé cosc leo‐san gur mian leo a dhéanamh, agus caitheann sé as an eaglais amach iad.

3 Eoin 1:2

A chara ionmhain, is é mo ghuidhe go n‐éirighidh leat ar gach slighe agus go raibh deagh‐shláinte agat, do réir na sláinte atá ag t’anam.

3 Eoin 1:4

Ní mó an gáirdeachas bhíos orm ’ná a chlos go bhfuil mo chlánn ag siubhal san bhfírinne.

3 Eoin 1:5

A chara ionmhain, is creideamhnach an méid atá d’á dhéanamh agat ar son na mbráthar agus ar son na ndeoraidhe, leis.