Iób 5:25 - An Bíobla Naofa 1981

²⁵ Feicfidh tú do shíol ag síolrú, Agus do shliocht mar fhéar an bháin.

An Bíobla Naomhtha 1817 (Bedell)

²⁵ Aitheonuidh tú mar an ccéadna go mbíaidh do shíol mór, agus shliochd mar fhéur na talmhan.

Iób 5:25 Tagairtí Cros

Geineasas 13:16

Déanfaidh mé do shíol mar an luaithreach ar an talamh i dtreo má fhéadann daoine na cáithníní luaithe ar an talamh a chomhaireamh, ansin féadfaidh siad do shíolsa a chomhaireamh!

Geineasas 15:5

Agus thug sé leis amach é agus dúirt: “Féach suas ar an spéir agus comhair na réaltaí más féidir duit iad a áireamh. Mar sin,” ar sé ansin, “a bheidh do shíol.”

Salm 112:2

Beidh a shliocht siúd go tréan ar talamh; is beannaithe clann an duine ionraic.

Salm 72:16

Go raibh flúirse arbhair sa tír go mullach na sléibhte. Go raibh seordán a thoradh amhail an Liobáin agus lucht na gcathracha faoi bhláth mar fhéar ar an talamh.

Íseáia 48:19

Mar an ngaineamh is ea bheadh do shliocht agus bheadh clann do bhroinne chomh tiubh lena ghráinní! Choíche go deo ní bheadh d'ainm stoite scriosta os mo chomhair.

Léivític 26:9

Cuirfidh mé spéis ionaibh agus déanfaidh mé rathúil líonmhar sibh agus daingneoidh mé mo chonradh libh.

Deotranaimí 28:4

Beidh beannacht ar thoradh do choirp, ar thoradh d'ithreach, ar thoradh do airnéise, agus ar an mbreis ar do bhólacht agus ar an mbreis ar do thréad.