Eoin 12:8 - An Bíobla Naofa 1981

⁸ Óir bíonn na boicht agaibh i gcónaí in bhur measc, ach ní bhímse agaibh i gcónaí.”

An Tiomna Nua 1970 (Ó Cuinn)

⁸ Bíonn na boicht agaibh i gcónaí, ach ní bheidh mise agaibh i gcónaí.”

Na Ceithre Soiscéil agus Gníomhartha na n-Abstal 1943 (Pádraig Mac Giolla Cheara

⁸ Óir bíonn na bochta i gcómhnaidhe agaibh i bhur measc: acht ní bhím-se agaibh i gcómhnaidhe.

Tiomna Nua 1951 (de Siúnta)

⁸ Óir bíonn na boicht ’n‐bhúr bhfochair i gcómhnaidhe; acht ní bhím‐se ’n‐bhúr bhfochair i gcómhnaidhe.

An Bíobla Naomhtha 1817 (Bedell)

⁸ Oír atáid na boichd bhur bhfarradh do gnáth; acht ní bhía misi do gnáth agaibh.

Na Cheithre Soisgéil agus Gníoṁartha na n-Aspol 1915 1921 (Peadar Ua Laoghaire)

⁸ Bíd na boicht i gcómhnuighe i nbhúr bhfochair agaibh, ach ní bhím-se agaibh i gcómhnuighe.

An Tiomna Nua agus Leabhar na Salm 2012

⁸ Óir bíonn na boicht agaibh i gcónaí in bhur measc, ach ní bhímse agaibh i gcónaí.”

Eoin 12:8 Tagairtí Cros

Laoi na Laoithe 5:6

D'osclaíos do mo ghrá - bhí mo ghrá imithe; bhain sin an t‑anam asam. Loirg mé é agus ní bhfuair, ghlaoigh - níor fhreagair sé.

Matha 26:11

mar bhíonn na boicht in bhur measc agaibh i gcónaí, ach nílimse le bheith i gcónaí agaibh,

Marcas 14:7

Óir is dea-obair í sin atá déanta aici orm; óir bíonn na boicht in bhur measc agaibh i gcónaí, agus féadann sibh maith a dhéanamh dóibh nuair is áil libh; ach nílimse le bheith agaibh i gcónaí.

Eoin 12:35

Dúirt Íosa leo ansin: “Tá an solas agaibh go fóill, tamall beag. Déanaigí siúl fad tá an solas agaibh, i dtreo nach mbéarfadh an dorchacht oraibh. An té a shiúlann sa dorchacht, níl a fhios aige cá mbíonn sé ag dul.

Eoin 13:33

A chlann ó, is gearr eile atá agam in bhur bhfochair. Beidh sibh ar mo lorg, agus faoi mar a dúirt mé leis na Giúdaigh, deirim libhse arís: ‘An áit ina bhfuilimse ag dul ní féidir daoibhse teacht.’

Eoin 8:21

Dúirt Íosa leo arís: “Tá mé ag imeacht agus beidh sibh ar mo lorg, agus gheobhaidh sibh bás in bhur bpeaca. An áit ina bhfuilim ag dul, ní féidir daoibhse teacht.”

Deotranaimí 15:11

Ní bheidh, ar ndóigh, an tír choíche gan bhochtán; uime sin ordaím duit: Bí fial flaithiúil i gcónaí le do bhráthair, agus le haon duine i do thír atá ar an gcaolchuid nó dealbh.