Apacailipsis (Taispeántadh) 13:5 - An Bíobla Naofa 1981

⁵ Agus tugadh béal don bheithíoch le diamhaslaí móra a chur as agus tugadh de chead dó sin a dhéanamh ar feadh dhá mhí agus daichead.

An Tiomna Nua 1970 (Ó Cuinn)

⁵ Agus bronnadh béal ar an mbeithíoch allta a chuirfeadh briathra díomasacha diamhaslacha as, agus ligeadh an t-ardcheannas leis i gcaitheamh dhá mhí is daichead;

Tiomna Nua 1951 (de Siúnta)

⁵ Agus tugadh béal dó ag labhairt go mór‐mhaoidhteach, masluightheach; agus tugadh de chumhacht dó bheith ag oibriú ar feadh dhá mhí agus dá‐fhichid.

An Bíobla Naomhtha 1817 (Bedell)

⁵ Agus tugadh béul do labhrus neithe mora agus blaisphéimigh; agus tugadh cúmhachda dhó cogadh dhéunamh air feadh dhá mhíos agus dá fhichead.

An Tiomna Nua agus Leabhar na Salm 2012

⁵ Agus tugadh béal don bheithíoch le diamhaslaí móra a chur as agus tugadh de chead dó sin a dhéanamh ar feadh dhá mhí agus daichead.

Apacailipsis (Taispeántadh) 13:5 Tagairtí Cros

Salm 12:3

Insíonn gach aon duine bréaga dá chomharsa le beola bladair is le croí calaoiseach.

Eizicéil 35:13

Labhair tú go mórchúiseach fúmsa, do mo mhaslú arís agus arís eile; bhí cluas orm!

2 Teasalónaigh 2:3

Ná mealladh aon duine sibh ar aon tsli, mar ní foláir don cheannairc teacht ar dtús, agus ní foláir d'fhear an oilc é féin a nochtadh - is é sin mac an léirscriosta,

2 Teasalónaigh 2:4

an t‑áibhirseoir a ardaíonn é féin os cionn gach neach atá in ainm bheith ina Dhia nó ina dhíol ómóis, go dtí go suíonn sé faoi i dteampall Dé agus é a mhaíomh gur Dia é féin.

2 Teasalónaigh 2:8

Agus ansin taispeánfaidh an mac mallachta é féin, ach déanfaidh an Tiarna Íosa é a bhascadh le hanáil a bhéil agus díothóidh é le niamhracht a theachta.

Apacailipsis (Taispeántadh) 11:7

Agus ar gcríochnú a bhfianaise dóibh, an beithíoch a éiríonn aníos as an duibheagán, fearfaidh sé cogadh orthu agus cloífidh iad agus maróidh iad.

Apacailipsis (Taispeántadh) 12:14

Tugadh don bhean dhá sciathán iolair mhóir chun go n‑eitleodh sí léi amach san fhásach ón dragan go dtí a háit féin, mar a gcuirfear cóir uirthi ar feadh trátha, dhá thráth agus leath trátha.

Apacailipsis (Taispeántadh) 12:6

Ach theith an bhean léi chun an fhásaigh mar a raibh ansiúd aice áit ullamh ag Dia chun go gcuirfí cóir uirthi ar feadh míle dhá chéad agus trí fichid lá.

Apacailipsis (Taispeántadh) 13:7

Agus tugadh cead dó cogadh a fhearadh ar na naoimh, agus iad a chloí; agus tugadh údarás dó ar gach treibh agus pobal agus teanga agus cine.