Salm 82 - An Bíobla Naofa 1981

Breith Dé ar Bhreithiúna Éagóracha

1 Salm Ásáf.

¹ Salm Ásáf. 1 Éiríonn Dia sa chomhthionól diaga a thabhairt breithiúnais i lár na ndéithe.

² “Cá fhad a thabharfaidh sibh breith go héagórach; agus lé agaibh le cúis na n‑éagráifeach? Selah

³ Cosnaígí an daibhir agus an dílleachta; déanaigí ceart don dealbh agus don dearóil.

⁴ Fuasclaígí a bhfuil faoi ansmacht agus ainnise; sabhálaigí ó láimh na n‑éagráifeach iad.”

⁵ Bíonn siad ag útamáil gan tuiscint sa dorchacht; agus fothaí na talún á mbogadh.

⁶ Is é rud a dúirt mé: “Is déithe sibh; clann an Té is Airde sibh uile.

⁷ Éagfaidh sibh, mar sin féin, ar nós daoine; agus titfidh sibh mar a thitfeadh prionsa ar bith.”

⁸ Éirigh, a Dhia! tabhair breith ar an talamh; óir is leat na ciníocha go léir.