Iób 6:7 - An Bíobla Naofa 1981

Diúltaíonn m'anam a shuaimhneas a cheapadh; tá breoiteacht mo choirp á shuaitheadh.

An Bíobla Naomhtha 1817 (Bedell)

Na neithe rer dhiúilt manum buáin atáid mar mo bhíadh dóbhrónach.

Iób 6:7 Tagairtí Cros

1 Ríthe 17:12

“Dar an Tiarna do Dhia beo,” a d'fhreagair sí, “níl builín aráin ar bith agam, níl ach glac mine i bpróca agus braoinín ola i gcrúiscín. Tá mé ag cruinniú cipín nó dhó anois roimh dhul isteach chun an méid sin a ullmhú dom féin agus do mo mhac le hithe, agus ansin gheobhaimid bás.”

1 Ríthe 22:27

agus abraigí: ‘Seo iad orduithe an rí: Cuirigí an duine seo i bpriosún agus ná tugaigí mar chothú dó ach an beagán aráin agus uisce go bhfille mé ar ais slán folláin.’ ”

Iób 3:24

Mar bhia tagann chugam m'osnaíl Agus scaoiltear le m'uchláin ina dtuile.

Iób 33:20

Agus bia ag cur masmas dearg air; Agus gráin ó chroí aige ar shóláis;

Iób 6:6

An n‑itear bia leamh gan salann? Nó an bhfuil blas ar ghealacán uibh?

Iób 6:8

Uch nach gcomhlíontar m'achainí! Agus nach ndeonaíonn Dia mo dhóchas dom!

Salm 102:9

Bíonn m'eascairde do mo mhaslú de shíor; agus bíonn m'ainm ina eascaine ag mo naimhde.

Eizicéil 4:14

Ansin dúirt mise: “Féach, a Thiarna Dia, níor thruailligh mise m'anam; ó m'óige aníos níor ith mé aon rud a d'éag uaidh féin ná aon rud a stróiceadh ag ainmhithe; níor tháinig feoil thruaillithe i mo bhéal ach oiread.”

Eizicéil 4:16

Dúirt sé liom chomh maith: “Féach, a mhic an duine, scriosfaidh mé an stór aráin in Iarúsailéim; íosfaidh siad arán a mheáfar go beacht le barr duainéise, agus ólfaidh siad uisce a thomhaisfear go gortach le barr uafáis.