NEHEMIA 9:17 - ASII LAKDAP Bible (BSI)

¹⁷ Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

Hawa Naga Bible 2001

¹⁷ Tsuingshiq rueq phvnx muq tvlvlc tueq; mnoz rueq ruez wvnc toq lotlaz kuex tsuingshiq rueq lauk gay tueq; mnoz rueq tvkhic toq vwangc juing htenc kuex tsuingshiq rueq lauk gay wuez tueq. Tsuingshiq ngamc boq wuez vtueq tsuingshiq dax muex yaungx wvnc tueq Ejip mungx kvyuq tvyez shvlc wvnc jix walaungx kuex thvl tueq. Yuq muinz mnoz kuex mvrax htenc dawc kuy jix Tishox rvtoq; mnoz rueq menjenc lungwawx vtueq nanx lot jix waz rvtoq. Mmenjenc thuinz yunghvlc ningkhvnc nuex; mnoz rueq tsuingshiq kuex tuip gay muq.

NEHEMIA 9:17 Referencias Cruzadas

1 HOKHVMX 6:13

Ngi ka isenginok Israilnok rai ara ümniiraq ahai haü Shomjam mong na misi damha. Krai mren Ngi raq tsangshiq ka ümtiikii jiimin miimbaiq mang she mirha.”

1 HOKHVMX 8:57

Riita ümchaü min Tatiwe nashiq Shiikeawe ka natitiim pat na tsangshiq rai adam siwantaq kiikha, nashiq rai min adam she dea misilaq. Apaiq raq nashiq ka ümtiikiimin miim thümak she mirlaq. Riimakla nashiq ka ümtiikiimin tiishaübaiq mak she mirlaq.

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

EJRA 9:9

Naishiq ka akhing ashi na di ma jakai. Shatmaq ümniiraq naishiq ka di ama rilung mong niili ka tiishaü baiqthü maü riilaü. Ümniiraq Parsia mung langwanti hokham ajongbi thun tsan nai tsii ka, naishiqnok khuthaq na mangchan tsantsii tiichhike miitu, tsangshiq tsan nai mongjii kilü ahea she dikuq wan laü. Krai mren, tsangshiq raq naishiq ka khusang rilung shongnga wan nong miitu, kiimaq ümnaq shomnoq wan chang Shomjam atiithenbaiq kra, tiihea hai wan nong miitu kilü she dikuq laü. Kiimaq ara Judia mung nai Jerusalem chela na khusang maq shongnga wan miitu, akhing ahea she kuq wan nong tlaü.

NEHEMIA 9:31

Kiitin khan taü maq li jiimin, ümnaq tiihang wan mangchan tsii ka, jonghea kha maq, ümniiraq tsangshiq ka, thumpak lang lang, tiithum maü riilaü. Ümniika kaphap mang chan, kiimaq tiihang wan mangchan jonghea, rümti Shiikea!

Tvtsvmc 106:13

Shatmaq apaiq raq jaqsham kuqtaq kra jaqloli tsangshiq raq laqbaiqto, kiimaq apaiq tsiichong khemak tsangshiq raq athithi jaq shamto.

Tvtsvmc 106:7

Naititiim raq Ejip mung maq Shiikea raq amaochang pahea shamtaq kra takmak dea riito. Apaiq raq tsangshiq ma jang pahea lungwii tiichhitaq kra laqbaiqto, kiimaq tsangshiq raq Ajong Shiikeawe kiq khiito khamjong khamshii raikii maq.

Tvtsvmc 130:4

Shatmaq ümniiraq naishiq mra diikuqlaü, kra ningkhan naishiq ka ümmakki na pinthum khakii wala chaptiikai.

Tvtsvmc 78:10

Tsangshiq raq Shiikeawe rai tongshongtaq ramram raükha kra lang mak riito; tsangshiq raq apaiq thungtri lang mak jinto.

Tvtsvmc 78:11

Apaiq raq jamlai jaqwa shamkuqtaq kra tsangshiq raq alaq riibaiqto, apaiq raq amaochang jaqsham wan chhitaq kra laqbaiqto.

Tvtsvmc 78:38

Shatmaq Shiikeawe ka asenginok ma tiihang mangchan tiitsishat riito. Apaiq raq tsangshiq ngarai ka adii riikuqto raüta tsangshiq ka shiithenbaiq mak dea riito. Jang pahea atsankhiq ka anin raüta shiikhingto kiimaq atsankhiq walü ka tsangshiq thaq na tiinyai chaq mak anin riito.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

DUNGWVNC 32:9

Ngi raq asapha arnok arka wanshakshak nilan pinthumnok.

TAKSU LAK 1:24

Ngi raq ümniika hea wan kang, iphana hea wan kang. Shatmaq ümniiraq ibom tai maü; Ümtsan tsii akhiismin ngi ma kuq maü.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

EJEKIEL 5:6

Shatmaq Jerusalem raq ngi raq akuqha aming raütu jinbaiqto. Raüta apaiq ka maiq mung ahinti thun thaq na abi lin nguta tiichhi kuqto. Kiimaq apaiq ka, atro na mung ahin thun sitlaq kriithaq na nilan pinthum nguta tiichhikuqto. Jerusalem raq ngi aming thun wiita akhii riibaiq wanto. Kiimaq itri raütu ka apaiq raq lang mak akhü riibaiqto.

DANIEL 9:9

Naishiq raq ümkiq khiiwan kai li jiimin, ümniika tiihang wan mangchan rümti, kiimaq ngarai diiketi.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

LEWI 26:44

Shatmaq, kiitinkhan taü miili jiimin, tsangshiq ka tsang jaqtinok mung na sishon na, Ngi raq tsangshiq ka klang maq baiqtlii lang lang kla tiishaübaiq mang. Riimakla tiithumpak kla tiithenbaiq mang. Kra riiha jiika Ngi raq tsangshiq rai i tongshong wan kang ka athum she mirki. Kiimaq Ngi ka Tatiwe tsangshiq Shiikeawe.

NAHUM 1:3

Tatiwe ka mokhiq khiqmak phan, shatmaq apaiq ka ningkun jonghea rümti, Krai mren ashut aphit we ka, apaiq raq ümtiikii min tiijoq mak phan. Tatiwe ümbano khum tlaq, kiijaq rathaiq saü tlo. Ra na phum pong wan tlaq kra, apaiq jini chong wa, botkhulai akhuk!

WEAWEA 14:11

Kiijiishe Tatiwe raq Mosheq ma nguto, “Arnok raq Ngi ka ümtincho na saüli wa mishishe baiq wan? Tsangshiq raq Ngi ma kamtsan tsii thümak maq ümtincho na saüli wa milan phan wan? Ngi raq tsangshiq liipan na ümtinkhan wa awang chang jaqsham kuq wan kang jumin kammak ka jaro?

WEAWEA 14:41

Shatmaq Mosheq raq nguto, “Riita ümchaü namshiq raq Tatiwe kiq ka jam nguto khiitlan? Namshiq raq tang man mirhan!

WEAWEA 16:14

Ümniiraq naishiq ka hiq po hiq win mung na shea wan maü shaq li. Riimakla naishiq ma wak ajam kiimaq spiqtsi ro sunruk thun ka naishiq ma tachong hupsam kuq maü shaq li. Kiimaq ümchaü ümniiraq naishiq ka alao riiha jaq nguta dan tlaü. Naishiq ka ümphana wamai!”

Acts 7:39

“Kiitin khan taü maq dongdii min, natitiim raq Mosheq raq achongkuq tsütsa bomtsi ka lang mak shiipheng baiqto. Tsangshiq raq apaiq bom chong ka no na tsuqbaiq raüta, tsangshiq tsan ka Ejip mung na jangkai nong roli siwanto.

Romans 9:15

Akha, jamkhano ngulot mai ngukla, apaiq raq Mosheq ma, “Ngi raq ju miiwa atiihangke wan lungwii tiikang, kriiti ka mitiihang kuq wan ha. Kiimaq ngi raq ju miiwa, mangchan tiichhi ke wan lungwii tiikang, kriiti ma, mangchan mitiichhi kuq wan ha,” nguta chongkuqto.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

1 SAMUEL 12:22

Tatiwe raq namshiq ka apaiq sengi ma tiija wan miitu thapthi wanto she. Apaiq raq sinkham raüpot atsin maq namshiq miitu khakuqto she. Apaiq raq namshiq ka tiishaü baiq mak she.