Biblia Todo Logo
La Biblia Online
- Anuncios -




NEHEMIA 9:17 - Hawa Naga Bible 2001

17 Tsuingshiq rueq phvnx muq tvlvlc tueq; mnoz rueq ruez wvnc toq lotlaz kuex tsuingshiq rueq lauk gay tueq; mnoz rueq tvkhic toq vwangc juing htenc kuex tsuingshiq rueq lauk gay wuez tueq. Tsuingshiq ngamc boq wuez vtueq tsuingshiq dax muex yaungx wvnc tueq Ejip mungx kvyuq tvyez shvlc wvnc jix walaungx kuex thvl tueq. Yuq muinz mnoz kuex mvrax htenc dawc kuy jix Tishox rvtoq; mnoz rueq menjenc lungwawx vtueq nanx lot jix waz rvtoq. Mmenjenc thuinz yunghvlc ningkhvnc nuex; mnoz rueq tsuingshiq kuex tuip gay muq.

Ver Capítulo Copiar

ASII LAKDAP Bible (BSI)

17 Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

Ver Capítulo Copiar




NEHEMIA 9:17
43 Referencias Cruzadas  

Mnoz rueq guirx vshuiux Shomc Yuimx vyuq ngvy miqsaz Israel rulc vdvmz nuex httax taungx, tsuingshiq kuex mkaq muinz ngaz rueq httvr gay shaungx rvmuq,” ngoz tueq jungx tueq.


Naungshiq jix vwaz tamx rulc vdvmz nuex vpiq httax wvnc tueq ikhoc Yehowa naungshiq Tishox muinz naungshiq rulc vdvmz nuex mhttax kueq; vpiq rueq naungshiq kuex mkaq muinz gay shec muq, tuip gay muq mruez phueq;


Zedekia kuex Tishox muingc maq piq muex tvtuemc vtueq tvkhvmc tueq Hokhvmx Nebukhadnezar kuex khawx lvlx tueq. Piq kuex thuinz kvlayc vtueq Yehowa Israel Tishox kox nuex kvyez tvkoc tvlvlc tueq.


Nuiyshiq kuex dax hez rvtiq, yuq muinz mnoz rueq nuiyshiq kuex dax yauk shuimc nuex tuip gay shec phux rvmuq. Yuda mungx nuiyc Yerusalem nuex kvwungx juing lvmx humc wvnc tiq, tvhttoarc vtueq httaz lvp tvkoc muinz, kvhttak bac kaz tueq Mshomc Yuimx kuex tvhvlc guirc yek tvkoc muinz, Persia honoc ningkhvnc nuex mnoz rueq nuiyshiq muex htvlx phawc tvlvp kuq phux.


Yuq muinz, mmenjenc kuex yunghvlc ningkhvnc nuex, mnoz rueq tsuingshiq kuex tuip gay muq, tvbac gay muq. Mnoz kuex lungwawx menjenc nuiyc menjenc thuinz mvrc yaq Tishox rvtoq!


Yuq muinz tsuingshiq kuex vpiq rueq shuimx wvnc tueq htenc kuex yauk lox dvyx lauk gay ruiux, vpiq rueq tharc jungc kuy lvmx htenc kuex bvmc muq maq shuimx gay tueq.


Ejip mungx nuex httax yaq nuiyshiq jix vwaz tamx rueq Tishox vwangc juing yauk shuimc htenc kuex tuiuz wuez muq; tsuingshiq muex paunghvlc lauk tvkhic kuq wvnc tueq vpiq lungwawc kuex tsuingshiq rueq lauk gay ruiux, tsuingshiq rueq Tvphaungc Tvsuip waz kuex Yuix Shawx Jumx maq khawx lvlx wvnc tueq.


Yuq muinz mnoz rueq nuiyshiq muex mvrax dawc kuq gay phux, kvkhoc rvtueq nuiyshiq rueq mnoz muex tvtsanc nganc vphix.


Tsuingshiq rueq Tishox rulc bom-khvrc taq tueq kuex tv-tsuingc taq wuez muq; vpiq tvrac htenc kuex phvnc tvkoc tvlvlc wuez tueq.


Tsuingshiq kuex vpiq rueq shuimx wvnc tueq yauk shuimc htenc nuiyc, tsuingshiq rueq khiz wvnc tueq vwangc juing htenc kuex lauk gay wuez tueq.


Yuq muinz Tishox rueq vpiq miqsaz htenc muex menjenc thuinz httax yaq. Vpiq rueq tsuingshiq mvrax kuex dawc kuq gay ruiux tsuingshiq kuex tvbac gay muq. Vpiq kuex vthuinz khvy paunghvlc lauk nanx vtueq, vpiq thuinkhvy kuex tvthauk gay tueq.


Yuq muinz O Yehowa lex, mnoz kuex lungwawc menjenc thuinz httax yaq Tishox rvtoq, mnoz rueq mkaq muinz nanx vshuiux, menjenc vtueq tvmtuing httax vtuiux.


Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.


Vruex miq htenc khux tsanz yaq lvmx kuex ngaz rueq tuiuz vshaungx.


Ngaz rueq gvl phaungx tueq nuimhez rueq tay roc muit, bvlvmx lawx muit.


Yuq muinz ngvy miqsaz rueq ngaz kuex lauk gay phuex; tsuingshiq rueq phara yac yuimx htenc nuex vhomc vtumc phvnx jauk yaq. Tsuingshiq kuex tsuingshiq kay aungx yaq lvmx nuex kvhtuip rul wuez tueq; tsuingshiq rueq lvmx kez kuex phvnx muq shex; tsuingshiq kuex lvmx penc guez nuex khuemx wuez yaq.


Tvphaungc Tvsuip Yehowa Israel Tishox, rueq jungx tueq, “Mnoz khux tvtsanz vtueq ngaz rueq jungx phaungx kuex tay muq ningkhvnc nuex ngaz rueq ruez shaungx ngoz tueq jungx phaungx rulc rv-ngvlc, vruex ghaqyungx vyuq muinz, tvroz wawc miqghaq htenc nuex muinz ngaz rueq murx tvgurc shaungx,” ngoz tueq jungx tueq.


Yuq muinz ngvy kvjaz kuex vshiz rueq muinz tay muq phvnx muq. Nuimshiq kuex nuimshiq jix vwaz tamx htauk nuex muinz vjvnc khux tsanz vtueq khawc lvlc jix rvtuit.


Yuq muinz Yerusalem ghaq jix kuex ngaz rueq nvr shaungx kuex khawx lvlx vtueq, vganc miqphvnx htenc htauk nuex jvnc vtueq honc vbac nuiyc piq tvroz wawc mungtan htenc htauk nuex jvnc vtueq phvnx muq kuex tvkhic kuq phuex. Yerusalem rueq ngvy tvrac htenc kuex tvlvlc vtueq ngaz rueq nvr shaungx kuex tvdux gay tueq.


Nuiyshiq rueq mnoz muex khawx lvlx vphix, mnoz kuex menjenc kuy jix nuiyc mvrax dawc kuy jix waz rvtoq.


Nuimshiq thuinbac vtuinx kuex tvkhic laz juing; nuimshiq thuinz vmungx kuex tvbunx gay shuinz, khoz vkhvy juirc gay kvdvyx hungx muq,” ngoz tueq. Yehowa nuimshiq Tishox kox nuex yek waung luit. Vpiq kuex menjenc thuinz nuiyc lungwawc thuinz vmvrx httax yaq; vpiq kuex thuinz vluz maq vpiq bomkhvmc rulc rv-ngvlc shuimx yaq; vpiq rueq murx tvgurc muex rvmuq, mvrax dawc kuy tvkoc mkaq muinz tvyoalc yoalx rvtueq.


Yuq muinz tsuingshiq ralx htenc mungtan kvyuq httax hvt httax yaq nuex ngaz rueq tsuingshiq kuex gay tvlanc nuiyc tvbac gay shaungx rvmuq. Tsuingshiq rulc ngvy bomkhvrc kuex kvruex yuq dvyx tvsuip gay shaungx rvmuq, Ngaz kuex Yehowa tsuingshiq Tishox rvtauk.


Yehowa kuex yoalx rek rek maq thuinkhaq muq, yuq muinz vpiq kuex luimc vkawc yunghvlc nuiyc mvrax vhttax jix muex murx tvgurc muq maq mkaq muinz taq muq. Yehowa khuemx yaq baung nuex raunghtiq raungguil httuiuc yaq; phuemx htenc kuex vyaz khung wawc kvtenc yaq bokkhuyx rvtueq!


Yehowa rueq Moshe muex ngoc, “Vruex miq htenc vraq mtanc khvnc nuex httuiuc laz lac ngaz kuex tvdux phvnx? Ngaz rueq tsuingshiq tvkoc vwangc juing paunghvlc shex tvkhic kuq wvnc koq muinz, tsuingshiq kuex mtanc khvnc nuex httuiuc laz lac ngaz muex kvmluimx muq maq dvyx haz httax tvnx?


Yuq muinz Moshe rueq, “Yehowa kvjaz kuex nuimhez rueq yvmx rvtueq lac majuiuc muinz phvnx muit rvlaq shuinx? Nuimhez rueq kvmungx shuinx kvkhoc yaungx tuex rvmuq!


Mnoz rueq nuiyshiq kuex phuiuz vsvy rungwanx yaq mungx nuex tvhttuiuc kuq lot muq kvdvyx muinz rvmuq, nuiyshiq rueq lvp juing wuik vnax nuiyc svpiq sunc htenc muinz kuq lot muq, mnoz rueq nuiyshiq kuex laulawc svy muex kvmungx vshuiux. Nuiyshiq kaz miq!” ngoz tueq jungx wuez tueq.


“Yuq muinz naungshiq jix vwaz htenc rueq piq kvjaz kuex tay roc muq, piq kuex tvdux gay ruiux Ejip mungx nuex yek wvnc dvyx roc wuez tueq.


Yvmx khoc lac ngoz ruiux lec vpiq rueq Moshe muex, “Ngaz rueq menjenc shaungx waz muex menjenc kuq shaungx, ngaz rueq kejux kuq roc shaungx waz muex kejux kuq shaungx,” ngoz tueq jungx kuq tueq.


Nuimshiq kuex bomjungc kuy jix waz kvjaz kuex tay muit tvdux gay jix muex nauk yaungx wuez kaz, honc lvmz shuinz. Ghaq htauk nuex honc vtharc jix waz bomjungc kuex tay muq tvdux gay jix htenc kuex mvrax murx wawc luenx lot tuex rvmuq, kvkhoc rvtueq nuimshiq kuex, raungmungx maq jungx yaq waz muex yix tvnungx shung kuq ix ngoz ruiux yuq, mvrax murx wawc naungshiq luenx juing lvmx vguez rvtueq!


Yehowa rueq kenrix bomkhvmc taq tueq rulc rv-ngvlc nuimshiq kuex vpiq miqsaz shauk muex tvyaungc muex vpiq rueq htvp htaz wvnc tueq ningkhvnc nuex vpiq rueq nuimshiq kuex httvr muq.


Síguenos en:

Anuncios


Anuncios


¡Síguenos en WhatsApp! Síguenos