NEHEMIA 9:16 - Hawa Naga Bible 2001

¹⁶ Yuq muinz nuiyshiq jix vwaz tamx kuex ngamc yungc ruiux, khux tsanc vtueq mnoz rueq nvrc bomc kuex phvnx muq tvlvlc gay tueq.

ASII LAKDAP Bible (BSI)

¹⁶ Shatmaq naititiim ka ashkong she riiwanto. Kiimaq nilan miishe jawanto. Kiimaq ümniiraq aming akuq haü, lang wan mak she riito.

NEHEMIA 9:16 Referencias Cruzadas

2 HOKHVMX 17:14

Yuq muinz tsuingshiq rueq phvnx muq; Yehowa tsuingshiq Tishox muex tvluimc wuez muq tsuingshiq jix vwaz tamx ikhoc khux tsanz wuez yaq.

2 KAÜWA WERAÜ 29:6

Naungshiq jix vwaz tamx kuex Yehowa naungshiq Tishox muex tvmtuing vguez ningkhvnc nuex vpiq rueq raungc raq muq phvnx shuimx lvmz wuez tueq. Tsuingshiq rueq vpiq kuex tvdux gay ruiux vpiq httax yaq baung kuex tsuingshiq rueq yix tvnungx shung wuez tueq.

2 KAÜWA WERAÜ 30:8

Tsuingshiq ikhoc thuinz nauk tvtsanc kaz, Yehowa kvjaz kuex tay wuez shuinz. Yehowa nuimshiq Tishox rueq pattup pat-sac laung nuex tvsawc nawc shec tueq Yerusalem wawc Shomc Yuimx kvyuq kaz vtueq vpiq muex nawk palx wuez shuinz, kvkhoc ruez ruiux yuq vpiq rueq nuimshiq muex mkaq muinz khaq tuex rvmuq.

2 KAÜWA WERAÜ 36:13

Zedekia kuex Tishox muingc maq piq muex tvtuemc vtueq tvkhvmc tueq Hokhvmx Nebukhadnezar kuex khawx lvlx tueq. Piq kuex thuinz kvlayc vtueq Yehowa Israel Tishox kox nuex kvyez tvkoc tvlvlc tueq.

NEHEMIA 9:10

Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.

NEHEMIA 9:29

Mnoz rueq tvtharc vshuiux kuex phvnc tvkoc tsuingshiq muex honc tvsvmz kuq toq, mtvrac kuex phvnx ruiux yuq miqmac thuiuzthuic tvraungx juing lvmx rvtueq, yuq muinz tsuingshiq kuex ngamc boq vtueq mtvrac htenc kuex tvdux gay tueq. Tsuingshiq kuex pinhtumc khux tvtsanc vtueq kvjaz kuex tvlvlc wuez tueq.

Tvtsvmc 106:6

Nuiyshiq kuex nuiyshiq jix vwaz tamx rueq shuimx wvnc tueq ikhoc mvrax shuimx wvnc tiq; nuiyshiq kuex layx bac jix htenc nuiyc honc vbac yaungx vtix.

Tvtsvmc 81:8

Ngvy miqsaz htenc lex, ngaz rueq honc jungx vphaungx kuex tay wuez shuinz; Israel lex, ngaz muex tay kuy tvkoc ngaz rueq mtanc lac roc vshaungx!

DUNGWVNC 15:26

Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.

DUNGWVNC 32:9

Vruex miq htenc khux tsanz yaq lvmx kuex ngaz rueq tuiuz vshaungx.

TAKSU LAK 29:1

Lauk wvruip ruip tvtharc koq yuq, yvmx muinz bvlvmx lawx muq waz kuex, raungnuiyq shiz rul wvnc ruiux yuq kvtenc lot muq shex rvtuex.

ISAIA 48:18

“Ngaz rueq nvr phaungx kvjaz kuex mnoz rueq tay vshuiux ngoz ruiux kuex, mkaq muinz ruic kaz muq yuix saz ruilx ikhoc ruimrix kejux kuex mtvkoc kaz tuex! Taungx wvnc lvmx kuex svmuk-tvrax kawx nuex yuix tul kuix wvnc yaq ikhoc mnoz nuex kvkhic dung wvnc tuex.

ISAIA 48:4

Mnoz kuex yanx ikhoc tsanz dez raz tueq nvyrvyx ikhoc tsanz ruiux, khux tvtsanz vshuiux kuex ngaz rueq tuiuz yaq.

ISAIA 63:10

yuq muinz tsuingshiq rueq khawx lvlx vtueq vpiq vsawc siyac kuex tvyonz yex tueq. Kvkhoc rvtueq Yehowa rueq tsuingshiq kuex ralx muex tvyaungc vtueq khvt tueq.

JEREMIA 19:15

Tvphaungc Tvsuip Yehowa Israel Tishox, rueq jungx tueq, “Mnoz khux tvtsanz vtueq ngaz rueq jungx phaungx kuex tay muq ningkhvnc nuex ngaz rueq ruez shaungx ngoz tueq jungx phaungx rulc rv-ngvlc, vruex ghaqyungx vyuq muinz, tvroz wawc miqghaq htenc nuex muinz ngaz rueq murx tvgurc shaungx,” ngoz tueq jungx tueq.

JEREMIA 2:31

Israel miqsaz lex, ngaz rueq jungx phaungx kvjaz kuex tay shuinz. Ngaz kuex nuimshiq tvkoc kumtsvy tvnx ikhoc muinz, nyauk hvlc miqhiz vsac mungx ikhoc muinz haz yaungx vtaungx? Nuimshiq rueq yvmx ngoz tueq lac miqmac kvmungx maq shuimx kaz vtueq ngaz kox nuex yek muit shex ngoz tueq ngoz vshuinx?

JEREMIA 7:26

Yuq muinz ngvy kvjaz kuex vshiz rueq muinz tay muq phvnx muq. Nuimshiq kuex nuimshiq jix vwaz tamx htauk nuex muinz vjvnc khux tsanz vtueq khawc lvlc jix rvtuit.

EJEKIEL 5:6

Yuq muinz Yerusalem ghaq jix kuex ngaz rueq nvr shaungx kuex khawx lvlx vtueq, vganc miqphvnx htenc htauk nuex jvnc vtueq honc vbac nuiyc piq tvroz wawc mungtan htenc htauk nuex jvnc vtueq phvnx muq kuex tvkhic kuq phuex. Yerusalem rueq ngvy tvrac htenc kuex tvlvlc vtueq ngaz rueq nvr shaungx kuex tvdux gay tueq.

Acts 7:51

“Kvtanc khvnc nuimkhux tsanz yaq nyix! Tishox bomjungc kuex tay wvnc tvkoc nuimshiq thuinz vmungx kuex kvtanc khvnc httvl yaq ix! Nuimshiq kuex nuimshiq jix vwaz tamx rueq shuimx wvnc tueq ikhoc Vsawc Siyac kuex nuimshiq rueq mkaq muinz wvlc guez muex tvyaungc vshuinx nyix!

Romans 2:5

Yuq muinz mnoz kuex khux tvtsanc vtueq tharc humc muq, kvkhoc ningkhvnc nuex thuinkhvy phuk tuex yuq, tsuingrux khac phox shuex raungnuiyq kvkaq mnoz kuex pinhtumc mvrax yunghvlc lvp shuiux.

TRI CHONGKE 31:27

Tsuingshiq khux tsanz vtueq vkhawc vlvlc thuinz httax yaq kuex ngaz rueq tuiuz vshaungx. Tsuingshiq kuex ngaz max thueyc kaz nuex doc muinz Yehowa muex tsuingshiq rueq khawx lvlx wuez yaq, ngvy thueyc kay yix kuex tsuingshiq rueq pinhtumc khawx lvlx wuez shuex.

TRI CHONGKE 32:15

“Yehowa miqsaz kuex rungwanx wuez tueq, yuq muinz ralx muex yaungx kaz; vsumc vkvmc phuiuz svy maq tsuingshiq phoay rungx yaq. Tsuingshiq tvdungc sungc jix Tishox kuex tuip gay ruiux, Hungc vlaungc vhttax maq palc wvnc jix waz kuex tvdux wuez yaq.

TRI CHONGKE 5:29

Tsuingshiq rueq kvkhoc ngaz muex mkaq muinz hiyaz tvtsanc nganc vtueq, ngaz rueq nvrc bomc htenc phvnx shuex ngoz ruiux yuq kuex tsuingshiq nuiyc tsuingshiq suiuz vsaz phvnx htenc kuex pattup rungwanx wuez tuex.

TRI CHONGKE 9:13

“Yehowa rueq ngaz muex ngoc, ‘Tsuingshiq kuex khux tsanc hvlc phvnx miq rvtueq kuex ngaz rueq tuiuz yaq.

TRI CHONGKE 9:27

Mnvrc waz tamx Abraham, Esak, Yaku kuex rvwvl tvmaung yek vtueq vruex miq htenc khux tsanz yaq, yoay ngaz yaq nuiyc mvrax yaq wvnc tueq kuex nanx kuq koq.

TRI CHONGKE 9:6

Nuimshiq muex aungx yaq ningkhvnc nuex phuiuz vsvy rungwanx yaq mungx kuex nuimshiq muex Yehowa rueq kuq kv-phuinx rvmuq lvmz kuex tuiuz taq wuez shuinz. Nuimshiq kuex khux tsanc hvlc miqsaz rvtuit.

Hebrews 3:13

Nuimshiq phungc wawc washiz muinz mvrax rueq laulawc rvhumc vtueq khux tsanz jix miq muex nauk yaungx kaz, Rumvrc luik nuex jungx shec tueq, “Majuiuc raungnuiyq,” ngoz tueq naungshiq laung nuex jungx yaq wawwawx wvraungx nuiyq tek vdvmz dvmz rvromc rvshix wuez kuinz.

Hebrews 3:15

Rumvrc luik nuex, “Majuiuc raungnuiyq nuimshiq rueq Tishox tvruingc tay ruiux yuq, Tishox muex nuimshiq jix vwaz tamx rueq khawx lvlx wvnc tueq nuex ikhoc, khux nauk tvtsanz wuez kaz,” ngoz tueq jungx tueq.