NEHEMIA 9:16 - ASII LAKDAP Bible (BSI)

¹⁶ Shatmaq naititiim ka ashkong she riiwanto. Kiimaq nilan miishe jawanto. Kiimaq ümniiraq aming akuq haü, lang wan mak she riito.

Hawa Naga Bible 2001

¹⁶ Yuq muinz nuiyshiq jix vwaz tamx kuex ngamc yungc ruiux, khux tsanc vtueq mnoz rueq nvrc bomc kuex phvnx muq tvlvlc gay tueq.

NEHEMIA 9:16 Referencias Cruzadas

2 HOKHVMX 17:14

Shatmaq tsangshiq raq taimak tlea wanto; tsangshiq ka tsangtitiim kiikha nilan, wan shakshak, tsangshiq raq Tatiwe tsangshiq Shiikeawe ma kammak riito.

2 KAÜWA WERAÜ 29:6

Nashiq ma atitiim raq nashiq Tati Shiikeawe ka ashi she riiwanto. Kiimaq tsangshiq raq apaiq tsan tiibichang klo wanto. Tsangshiq raq apaiq ka miimbaiqto. Raüta apaiq sichang jam ka jainong maq shungbaiqto.

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

2 KAÜWA WERAÜ 36:13

Jedekia raq Hokhamwe Nebukadnejar puk wa dongho mat tanto. Apaiq ka Hokhamwe Nebukadnejar raq Shiikeawe mang na apaiq wokhong na wanse ma jalata tsapkapkap misiha nguta shiitep raüta atiitum atiisi riito. Apaiq ka wanshak shak mra tiidii mak riito. Kiimaq Tatiwe Israilnok Shiikeawe puk na nyap wan mak ngiimto.

NEHEMIA 9:10

Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

Tvtsvmc 106:6

Naititiim raq ngarai tangto naishiq riimin ngarai tangkai; naishiq raq abi shutphit wankai.

Tvtsvmc 81:8

Tai ronglaq, isenginok lei, ngi hon chongtiikang ara; Israilnok lei, namshiq raq ibom ara taihan jaq nguta ngi kai tsinngin tiikang!

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

DUNGWVNC 32:9

Ngi raq asapha arnok arka wanshakshak nilan pinthumnok.

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

ISAIA 48:18

“Namshiq raq Ngi aming lang lantea silan nguraüka! Arthun achu shiiman arka namshiq ma khamrai ikha saü wan chang wa, jüserai ümtiikiimin rükimak phan ikha mirwa! Rekhat tang wan khushü ka sammok tra chum blun wantlaq ikha tareko na milüm wan wa.

ISAIA 48:4

Ngi raq asapha namshiq ka nilannok ma mijahan nguta, jinbu jamkho tsintlaq ikha tsin dang dang, kiimaq miiki ngam ikha atiiq ma tsinhea.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

EJEKIEL 5:6

Shatmaq Jerusalem raq ngi raq akuqha aming raütu jinbaiqto. Raüta apaiq ka maiq mung ahinti thun thaq na abi lin nguta tiichhi kuqto. Kiimaq apaiq ka, atro na mung ahin thun sitlaq kriithaq na nilan pinthum nguta tiichhikuqto. Jerusalem raq ngi aming thun wiita akhii riibaiq wanto. Kiimaq itri raütu ka apaiq raq lang mak akhü riibaiqto.

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

TRI CHONGKE 31:27

Ngi raq asapha tsangshiq ka nilan wanshak shak kiimaq Tatiwe kiq khii srutinok. Tsangshiq ka iri lung na Tatiwe kiq khii wanti. Kiimaq ngi ahü jijai niika tsangshiq raq Tatiwe kiq khii ka sruhea she miheng wan.

TRI CHONGKE 32:15

“Tatiwe senginok ka chiithe jawanto, shatmaq kiqkhii sruti riito; tsangshiq ka apüwiq, phaqsea chamtraq rongboq. Shatmaq tsangshiq raq Shiikeawe tsangshiq phansangti miimbaiqto, kiimaq tsangshiq chhiiti ningkun henghea riimtiwe shipoqto.

TRI CHONGKE 5:29

Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.

TRI CHONGKE 9:13

“Kiimaq Tatiwe raq ngi ma akhmin nguto, ‘Ngi raq asapha. Arnok ka nilan wanshak shaknok.

TRI CHONGKE 9:27

Ümtsan na üm jaqshisetiim, Abraham, Isak, kiimaq Jakob thun kra tiitsang shat riilaq. Kiimaq tsangshiq tsantsii wan shak shak rümtlaq kra, abi ashut ümtinkhan wa klo wan tlaq kra, kiimaq arnok raq ngarai tangtlaq kriika ümtsan na naq thükiq.

TRI CHONGKE 9:6

Ümtsan na tiitsang dada thülaq, Tatiwe raq ümniima ara hiqpo hiq win mung kuq wantlaq arka ümniika maiqshaq we ümniiraq lap wan thek raüta kewan ka riimak. Riimak. Kriika riimak. Ümniika ka nilan pinthum.

Hebrews 3:13

Namtsantsii ka ngarai raq shonron ho raüta, wanshakshak nilan ma jaki mak chang miitu, namshiq maiqmii liipan na, weshi raq weshi tsaiji dokuq lanta si rong laq. Asii bomtsi na, “Namshiq raq Shiikeawe bom ka ümchaü ranaiq taihan jiila” nguta chongtlaq kriika, nashiq ara ngo nang ngutlo.

Hebrews 3:15

Asii bomtsi na akha chongtlo, “Namshiq raq Shiikeawe bom ka ümchaü ranaiq taihan jiila, namtitiim pat na ikha, nilan ma naqja rongkiq. Tsangshiq raq Shiikeawe bom ka tai mak tleato. Tsangshiq raq Shiikeawe kiqkhii wapat wa trang ikha, sruto.”