Mikha 1:8 - ASII LAKDAP Bible (BSI)

⁸ Mika raq nguto, “Arningkhan maaho maanyi hoqsii tiikang, Tsanbi hosi tsiq ma, khu akhea nai hokpa chhut lata, kheahü chiiheawea na mikhumha, Miikakoikaü ikha agilülü mihoqsiqha. Wuthon kaü ikha, agam agu mihoq siqha.

Hawa Naga Bible 2001

⁸ Kvruex yimaq Mika rueq, “Vruex ningkhvnc nuex ngaz kuex yonzyex vtueq kvbot nyvnx tauk. Ngaz yonz vtaungx kuex tvkhic tvkoc yapaungc vguez nuiyc sawkumx maq khuemx taungx. Ngaz kuex shoalx ikhoc sauz vtueq wuz kula-uk ikhoc thuiz taungx.

Mikha 1:8 Referencias Cruzadas

2 HOKHVMX 18:13

Hejekia raq mung lang wan li maq wiiroqshi ri wiiblai she angu na Asiria mungti ajong hokhamwe Sennacherib kiraüta Juda mung wa chela thun kiitelong maq rukje thun kra khatto. Raüta jiiwanto.

ESTHAR 4:1

Mordekai raq matraü ka shunto she nguta tho heraüta, tsankhiq bisi tsihea kha maq adü na asam akhea kra kholam kholiiq chaihiiqhiiq chaito. Raüta wunthaü riinaü khea sam raü, akhakam na tapkhu maq nyat raüta, agi asii, aho lülüshe chela mong na khumshkhum kihoto.

YOBA 30:29

Ibomtsi ka tsanbi taqtaq kiimaq maiqmii laqlaq miikakoi kaü riimakla wuthon kaü rum na jümii hoqrai tlaq ikha;

Tvtsvmc 102:6

Ngi ka kumtsaiphii binjü na rum wushikaü ashi ikha, maiqjam rüm mong na wukhuk kaü ikha.

ISAIA 13:21

Kriika kumtsaiphii rumnyangkhi na siti rum ngamsekong haisea chang miili she mija wan. Kiimaq kiijaq wukhuk kong raq achü she mihai wan. Kiijaq wuthon kong she mihaisiq. Kiimaq kra thentaq hiq kiijaq rum chhechhikong doqsea chang she miraq.

ISAIA 13:22

Chela tro wa kongmong chong thun rum mong na nai hokham jam riim thun mong na rum kuku kong nai miikakoi kong sotrang riinya watrangli she miraq. Bebilon mungti ningthoi ranaiq ka saü wato she! Apaiq lamsea thop ka thumto she.”

ISAIA 16:9

Ümchaü Ngi ka Sibna chela wa spiqtai miitu hoqsiq tiikang, Jajer chela spiqtai miitu hoqsiq tiikang. Imakphai ka Heshbon chelati nai Eleale chelati miitu trok tiikang. Jamkhano ngukla ümchaü tsangshiq raq tsamjut kai chang wak ahü she. Kra ningkhan mungmaiqse chochi chang jammin ahü she.

ISAIA 21:3

Riisham mak maq jamlai wa chhikang kiimaq riisham ni maq taikang kriithun raq ngi ka phiip ma tiitsai wanto. Kiimaq itsan mong na tsihea, jechak re asechii na atsi chamchaotlaq ikha tsito.

ISAIA 22:4

Ümchaü ka ngi naq tiibanbi kiq isenginok ümchuwa tsaitaq kra miitu makphai khüshang maajo hoqpha. Ngi ka naq tiijaiq rongkiq.

ISAIA 32:11

Namshiq ka chamtraq wok phetaktak ahai anga tiidak lantli sitlan. Jamlai miitu chapa chang ahü sitlan. Shatmaq ümchaü sanha haisitsi ma atiikhai rokrok she sironglaq! Namdü wa khu akhea kra chhut baiq lanta, wunthaü riinaü kheashe namchhü na sam ronglaq.

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

JEREMIA 9:19

Taironglaq Jajon chela na maaho trang kra, “Nashiq thenkai she! Nashiq ka miqchup jea ngaükai she! Nashiq raq na mung ka miimthü chang she; nashiq jam thun wiitashe runbaiqto.”

EJEKIEL 32:18

“Maiqse lei, Ejip mungti mungmaiqse pahea maaho hoqlaq. Tsangshiq ka maiq mung thun pahea ningkun jongheanok rai wulum mung na tiikibaiqlaq.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

1 SAMUEL 19:24

Apaiq raq adü wa akhea thun ka chhut baiqto. Raüta wiinumsiqto. Kiimaq Samuel khaki na gisiqto. Kiimaq kra ranaiq minru kiimaq rawa minru kheahü miili she hiq na bumkito. (Riita arningkhan tiina, “Riita Saul min shammiwe miishe dea shea jakita?” nguta maiqbom tiihap she sikitaq kra.)