Mikha 1:7 - ASII LAKDAP Bible (BSI)

⁷ Ara ariq tsangshiq phra sumla thun, wiita mitiibunbaiq. Kiimaq shomjam mephe-nyung ma akuq, tsiiqtum thun wiita wa maq michaq baiq, kiimaq phra sumla thun ka wiita mitiibun baiq. Samaria chelati raq tsangsetiim tiipa ma, nguta Phra sumla thun noq wanto, ümchaü ka tsangjaqti raq shomjam mephe-nyung re ma, maiqhiq ahin niishe miho wan.”

Hawa Naga Bible 2001

⁷ Vhtawz vhttax yac yuimx htenc lotlaz tvbunx tvbez jek gay rvhumc vtueq, shomc yuimx wawc mephex nyuiuz tamx muex vkuq hup vsvmx lotlaz wvr nuex jauk gay ruiux, kvruex yac yuimx htenc lotlaz kuex suingkez phungc muex dvyx shex yaungx tuex. Samaria ghaq rueq vruex htenc kuex shomc yuimx mephex yauk shuimc maq tvjomx lvp taq tueq, kvmaq ralx htenc rueq ekvruex kuex vganc shomc yuimx mephex nyuiuz hez tvkoc lvmz lvp wvnc wuez shuex,” ngoz tueq jungx tueq.

Mikha 1:7 Referencias Cruzadas

2 KAÜWA WERAÜ 31:1

Kra poi thumjai she Israil mungti tlotli ka Juda mung na chelatek na kito. Raüta longkham thun tiibun baiqto, kiimaq jechak phra Ashera noq chang berong thun ka daqbaiqto. Kiimaq berong-wacha thun kra tiithen baiqto. Kiimaq thatsang chang jam thun kra tiithen baiqto. Tsangshiq ara jaqsham ka Juda mung hamli na kiimaq Benjamin wang na, kiimaq Ephraim wang na kiimaq Manase wang na kunli na kloto. Kra ngut raütiishe tsangshiq ka jam niishe wa wanto.

ISAIA 23:17

Kra rawii roqmiishi kriishe thumjai na Tatiwe raq Tajar chela ma man na laopan jataq piikii lam kra hali midikuq nong. Kiimaq apaiq raq akhum ka mangjong hiq na maiq mungtan tlotli ma amaqkham na mikuq.

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

EJEKIEL 6:6

Israil mung na chela thun sitlaq kra tlotli mitiithenbaiq. Krai mren, tsangshiq berong-wacha thun nai tsangshiq phra sumla thun kriimin wiita bunlak buncha she mitiibunbaiq. Kiimaq tsangshiq homseng berong-wacha thun kriimin tiihihut mitiibunbaiq. Kiimaq tsangshiq raq jamlai phan wa haihuntaq thun kra wiita amoshe mirki.

Hosea 2:12

“Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

Hosea 2:14

Arkha na ngi raq apaiq ka, rumnyangkhi kumtsaiphii na hali misheaho nongha. Lata kiijaq ngi raq apaiq ma, tlung tiiwii bomtsi chongkuq lata, ngi rai siwan nong miitu mitlin wanha.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 8:5

O, Samarianok lei, namshiq raq noq tlan, minsaü pongwe sumla kra, ngi raq pinthum saisi tiikang. Itsankhiqhea tsangshiq ma, wa anyai ikha nyaitlo. Kra ümtincho wa mithaq baiq?

Hosea 8:6

Arka Israilnok tiiqwe raq atiiq wan. Arka Shiikeawe riimak! Samaria chela na noq tlaq minsaü sumla, bunlak buncha she mitiibun wan.

Yoel 3:3

Tsangshiq rewe raq tsangshiq liipan na, Israilnok shumwikong alap wan ka, langlii raüta riiphea phaq wanto. Tsangshiq rewebi raq, maiqwe sere nai jechaksere di ma shaphaq wanto. Raüta jechaksere ka mephe ma tiija wanto. Kiimaq chekok pha na shaphaq wanto.

LEWI 26:30

Namshiq raq hiq lam thun na shomnoq tlan jam thun kra wiita mitiithen baiqha. Namshiq raq homseng honglu kechang berong-wacha thun ka wiita michaibaiqha. Lata nam maa phong ka namshiq raq shomnoq tlan sumla thun hiq na riiphongtlaq kriithaq na miphong baiqha. Arka itsankhiq tsi ma makshu tsi miishe mikloha.

TRI CHONGKE 23:18

Kiimahali, akha mephe jaq sham raüta alap kampho ka Tatiwe üm Shiikeawe jam na sinkiitiq kiqkham honglu na kewan maimak. Tatiwe raq sumla phra shomjam na mephe jaqshamti ka kai saisitlo.

TRI CHONGKE 9:21

Latiishe ngi raq kra namshiq raq ngaraibu kaü klo lan kra lam lata, kra jin ngam maq alo han minsaü pongse sumla kra, lata wa mong niishe chaqbaiq kang. Lata ngi raq kra wiita apun awun miishe tiibun baiq kang. Lata botkhulai ma tiija baiq kang. Kiimaq kra botkhulai ka pum maq kitlaq khamraise kiijaq raübaiq kang.

Revelation 18:3

Apaiq sethoq sepii ngarai che tsai ka mangjong hiq wa maiqmung kunkun raq wushi kong kham chum na riiwe tlaq ikha baknyang wanto she. Mangjong hiq wa honyung hokham bi raq, apaiq rai sethoq sepii kiicham raüta siwanto. Apaiq tsiiq ma süramti mangjong hiq wa laopan bi thun kunkun ka, apaiq ngarai tsiiq tum kiiwa, wok phetak chhaq she phesiqto.”

Revelation 18:9

Mangjong hiq wa honyung hokhambi, apaiq rai sethoq jawan damti, kiimaq apaiq rai sükha saqseng phaq wan damti thun raq, apaiq khiim wan walü nyaiwa nai wakhuk mong wa kra chhi raüta, maaho maanyi mihoq trang.

1 SAMUEL 5:4

Kiimaq shinap ranap na ranap chu maq hali tsangshiq raq sumla ka Tatiwe Tongshong Tek khaki kiijaq hiq na kuraü ariwa chhito. Kra lak niika, sumla khupo nai ajaq wiinai ka anai wiita adü wa angoq riikito, raüta kilamchong lam na tiiwe raqraq chhikito. Akhum pan lamlam kriili wiithung na tiibum raü riito.