Mikha 1:6 - ASII LAKDAP Bible (BSI)

⁶ Tatiwe raq ngutlo, “Arningkhan, Samaria ka mitiithen baiq ha, raüta jamriirong phong ka hiqsii thung na ama miraq. Kriika spiq ro chhi ma, hiqwii mong niishe mitsuq baiqha, lata chela haichang longkaü thun ka mitiikhot baiqha.

Hawa Naga Bible 2001

⁶ Kvkhoc rvtueq Yehowa rueq, “Samaria kuex tvsawc ric tvbac httak gay ruiux svpiq sunc tvhungx juing baung muex tvyaungc gay shaungx. Kvruex wawc ghaqlung phuinz vphux htenc kuex warc tvnx nuex ruiuc gay ruiux ghaqyungx vjungx tvjvp lung htenc kuex sawc ric kawk gay shaungx.

Mikha 1:6 Referencias Cruzadas

2 SAMUEL 17:13

Kiimaq apaiq ka chela kiitelong ruk mong na tiipaü wa raüla, nashiq sengi raq raü lamwa raüta, chela ruk ka raü maq wiita jüwiibok na mihitbaiq rong i. Kra küla kiijaq longpo poshi dongdii min tiichong mak she miraq.”

2 HOKHVMX 18:10

Kiimaq chela kombaiq wan li maq wiitsam ngoja niishe Samaria chela ka re jaq na deato. Raüta, jii wanto. Kriika Hejekia raq mung lang wan li maq wiitrok she angu rawii riito. Kiimaq Hoshea raq mung lang wan li miika wiitiikaü she angu rawii riito.

2 HOKHVMX 18:9

Hejekia raq mung lang wan li maq wiiblai she angu na, kriika Hokhamwe Hoshea raq Israil mung lang wan li maq wiimiishi she angu na, Asiria mung riimti Ajong Hokhamwe Shalmanesar raq, Israil mung ka longkito. Raüta Samaria chela ka trotam maq kombaiqto.

2 HOKHVMX 19:25

“Ngi raq arthun arka man na rathup raphaji niiphü dongdii asü rii wanha ngutiika taimaü dea shea riilaü? Krai mren, Ngi raq ümchaü she arthun ara klo wan kang. Ngi raq ümniima kiitelong maq trotam maq rukje chela thun kra botkhulai rai shotbaiq wan miitu ningkun kuqkang.

ISAIA 17:1

Tatiwe raq nguto, “Damaskas chela ka chela miika jamak she miraq. Kriika hiqmiq changkhü miishe mijaki.

ISAIA 25:12

Apaiq raq Mob mung wa chela thun dü luheahea kiitelong maq aruk peruk weshaü thun ka mitiithenbaiq. Raüta botkhulai rai shotbaiqtlii mitiibunbaiq.

ISAIA 25:2

Ümniiraq chela thun hiqmiq changkhü ma tiijabaiq laü kiimaq krii tro na kiitelong ruk thun ka wiita tiithenbaiq laü. Naishiq jaqtinok raq hokham jam thun ahai wan ka pattup miitu thento she.

JEREMIA 31:5

Thongshi ri hali namshiq raq Samaria kin thun na spiqtsi sonruk michhi han, lanta jurwa spiqro chhitlan, spiqro na atsi dongmantlaq kra miphaqsiq han.

JEREMIA 51:25

Bebilon lei, ümniika pumkaü jonghea ashi raq mangjonghiq tlotli tiithenbaiqti ikha. Shatmaq, Ngi, Tatiwe ka ümniima wesang. Ngi raq ümniika rangho lata, hiq na tiipili she misoq baiqha. Lata botkhulai rai mishot baiqha.

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

EJEKIEL 13:14

Tsangshiq raq longlü kham maq tlü moqtaq kra mitiibun baiqha. Lata bunlak buncha mitiibun baiqha. Lata hiq mong na kham tiichap pha wan chang longkaü thun kra ra na rashra mithu baiqha. Raüta ruk ka ari mirwa. Raüta namshiq wiita mitiijiimbaiq. Kra chhi raütiishetiq, maiq wiitarü raq Ngi ardea Tatiwe nguta misap wan.

Hosea 13:16

Samaria chela shiithen baiqraa. Tsangshiq iwokhong na simak riito. Tsangshiq raq ngi ngeng wanto. Rewe jaq na tsangmung mitsai. Noshiisetiim ka longpo ikha ra na mitiithuk. Raüta piqkhupo na mitsom. Anyungre asewok horaqraq, kholam kholiiq miriip,” nguta Tatiwe raq ngutlo.

AMO LUIK DVP (AMOS) 5:11

Miitsan miijanti nanshanshan riiwan, tsangshiq tsamte nyeasiq wan. Arningkhan kiitelong jam hai lan, kiijaq namshiq silu man. Nam spiq tsiro tsomhea, shatmaq spiqtai nyanglu man she mirhan.

AMO LUIK DVP (AMOS) 6:8

Ajong Thaq Na Ajong Pinthum Tatiwe raq atiitum raüta chongtlo, “Ngi raq Israilnok shiikong tsii ka, pinthum saisi tiikang. Ngi raq tsangshiq kiitelong jam thun ka, liiromang. Ngi raq tsang nyungchong chela ka, kiimaq kra mong na siti tlotli, chiqse rewe miishe mikiinong kuqbaiqha.”

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

HABAKUK 3:13

Ümniika ümsengi chhiikai, saüki laü. Phumram kham maq aram haü hokhamwe, chhiikai kilaü. Ümniiraq maiq mung abi, tuwejong khupo tiibun tiiq laü. Asenginok chong arang phaibaiq laü.

Matthew 24:2

Kiijiishe, “Üm,” nguta apaiq raq treto. “Namshiq raq ara Shomjam kaü tsomwa arli liisiq tlan nya. Ngi raq chongtiikang arka tengteng: Arjam kaü ümchaü namshiq raq liisiq tlan arka, ranaiqshi akhing na namjaqti raq hiq maq barot raüta, wiita tiisii rai she mishthen baiq. Ara jam thun chhi wan tlan arka wiita mirun baiq.”