Mikha 1:5 - ASII LAKDAP Bible (BSI)

⁵ Arthun Shiikeawe tsankhiq saütlaq arka juma mra kewan chang wa? Jakob raq ngarai tangwanto riimak shea? Israilnok ngarai miitu riimak shea? Riita Jakob ngarai ka jamlai wa? Samaria chela na riimak shea? Kiimaq Juda ngarai tangchang hiqlam ka ümbano? Jerusalem chela riimak shea?

Hawa Naga Bible 2001

⁵ Israel yaq tueq mvrax nuiyc Tishox muex khawc lvlc ningkhvnc nuex vruex lotlaz yaungx wvnc tuex. Israel rueq khawx lvlx tueq laung nuex ukhaq muex mvrax tvgurc juing lac? Samaria Ghaqnyuiuz jungx rvtueq rvmuq haz! Yuda mungx nuex yac yuimx nawk tueq layx wawc mvrax lvp jix waz kuex ukhaq lac? Yerusalem ghaqnyuiuz jungx rvtueq rvmuq haz!

Mikha 1:5 Referencias Cruzadas

1 HOKHVMX 11:7

Kiimaq apaiq raq Jerusalem maq shedong nü na hiqlam sitlaq kriijaq Mob mungti phra maiqphai asi Kemosh shomnoq chang hiq bashi haito. Kiimaq Ammon mungti phra kaü maiqphai asi Molekh shomnoq chang min hiq bashi kriimin haito.

1 HOKHVMX 13:32

Arwe raq Tatiwe aming maq, Bethel chela na berong-wacha khu thaq na manson bom chongtaq kra nai Samaria wang na ümchu wa sumla phra shomnoq chang hiqba thun sitlaq khuthaq na jamlai manson wa tiithaimai thütaq kriithun ka akhing ashi na wiita kunkun mihongtha wan.”

1 HOKHVMX 16:24

Raütiishe apaiq raq Samaria kin wang kra kampho ngamsii hingtrok maq maiq weshi amang min Shemar ngutlaqwe jaq wa hiq ka rito. Raütiishe Omri raq kra hiqkii ka wiikütam miishe kiitelong maq trotam maq rukbaiqto. Raüta chela ashi miishe teito. Raüta kra chela mang ka man niiwa hiq tatiwe Shemar mang tiikop na Samaria chela ngutiishe mangto.

2 KAÜWA WERAÜ 34:3

Josia ka hokham jawanli maq wiitiichat she angu na, apaiq ka noseji shaq niili apaiq raq ati tipai Hokhamwe Dawit Shiikeawe ka shomnoq phahoto. Kriimaq wiiblai jaimiili apaiq raq thatsang chang shomjam thun kra, kiimaq jechak phra kaü Ashera berong thun kra, kiimaq laihin sumla phra phong thun kra wiita shiithen baiqto.

2 KAÜWA WERAÜ 34:4

Apaiq aming maq asenginok raq Baal shomnoq chang berong-wacha thun kra wiita tiibun buk baiqto. Raüta kra tho na homseng honglu chaq chang berong-wacha thun kra tiibun baiqto. Tsangshiq raq Ashera sumla phra thun ka botkhulai ma tiija baiq tlü riito. Kiimaq laihin phra sumla phong thun kriimin tiibun baiqto. Raüta kra botkhulai ka kriithun phra kong ma honglu take wantibi maakho thaq niishe wan baiqto.

ISAIA 7:9

Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 23:13

Ngi raq Samariati shammibi ngarai phong ka chhikang she; tsangshiq raq Baal phra mang chong raüta riisham bom chongto, raüta isenginok ka lamjiq na sheahoto.

JEREMIA 23:14

Shatmaq arthaq niimin bihea Jerusalem na siti shammibi raq sham wantlo; tsangshiq ka maiqchak rai sra tlo kiimaq arot chongtlo; tsangshiq raq nokmaiqse ma ashut jaqsham khrumtlo, kra ningkhan abi kiimung ka jurmin tsaq mak phan kiimungtlo. Ngi maklii niika tsangshiq tarü Sodom nai Gommorati ikha ngarai kaü siisaq.

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 5:25

Shatmaq namshiq ngarai raq ara ahea awa thun ara namshiq raq lapchang wa shangbaiqto.

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

AJONJÜ 5:16

Man niiwa naishiq, liisaü wase rilung khushü thumto she. Naishiq raq ngarai tangkai, kriikha na ümchaü miqkai she.

EJEKIEL 16:46

“Ümnyi nyikhu nyung ka shekhu nü mung wa Samaria chela. Apaiq tro na hiqshong thun kra apaiq rai romshaq. Kiimaq ümniima ano nyung ka apaiq tro na hiqshong thun romshaq maq shemai nü na Sodom chela sitlo.

Hosea 7:1

Tatiwe raq ngutlo, “Ngi raq isengi, Israilnok ka tiichhanchhi wanla, lata arong awinnok ma tiija wan la nguta, tiima wan kang la, tsangshiq ngarai phong kli chhiwan tiikang. Tsangshiq liipan na arot akiq, ahuk arot jaqsham kli chhi wan tiikang. Maiqjam mong na nyapwa raüta, ahuk jawan kli chhitiikang, chiiheawea na thiimeaq daku ja tlaq kli chhitiikang.

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

AMO LUIK DVP (AMOS) 7:9

Isak saüsetiim raq shomjam thun haiwantaq kra, wiita she mishthen baiqha. Israilnok raq shomnoq wan chang asii jamthun kra, wiita she mirun baiq wan ha. Ngi raq Hokhamwe Jeroboam saüse phan ka, wiita she chongthum ma mitiijabaiq ha,” nguta Tatiwe raq chongtlo.

AMO LUIK DVP (AMOS) 8:14

Kra akhing na Samaria wa phra sumla thun ka, ‘O Dan chela phra kaü lei’ riimakla, ‘O Beersheba phra kaü lei’ nguta tiitum wantibi ka, wiita mibunki, ümtiikiimin tiidolot mak she” nguta Tati Shiikeawe raq ngutlo.

Mikha 1:13

Lakhish chelati lei namchiim jinho tlo ma, kumrangre leng thun paqkuqtlo ronglaq. Namshiq kata Israilnok ngarai lamphan kra phan wanti. Lanta Jerusalemti riimin namshiq, jaijo ashut klo wanto.