Mikha 1:8 - Hawa Naga Bible 2001

⁸ Kvruex yimaq Mika rueq, “Vruex ningkhvnc nuex ngaz kuex yonzyex vtueq kvbot nyvnx tauk. Ngaz yonz vtaungx kuex tvkhic tvkoc yapaungc vguez nuiyc sawkumx maq khuemx taungx. Ngaz kuex shoalx ikhoc sauz vtueq wuz kula-uk ikhoc thuiz taungx.

ASII LAKDAP Bible (BSI)

⁸ Mika raq nguto, “Arningkhan maaho maanyi hoqsii tiikang, Tsanbi hosi tsiq ma, khu akhea nai hokpa chhut lata, kheahü chiiheawea na mikhumha, Miikakoikaü ikha agilülü mihoqsiqha. Wuthon kaü ikha, agam agu mihoq siqha.

Mikha 1:8 Referencias Cruzadas

2 HOKHVMX 18:13

Hokhvmx Hezekia rueq guimz lawc tueq wawc 14 nuex Asiria honoc Sennacherib rueq Yuda mungx wawc palx ruk vhttax ghaqyungx htenc kuex khvt lvp wvnc tueq.

ESTHAR 4:1

Kvkhoc yaungx wvnc tueq lvmz lotlaz kuex Mordekai rueq tay vtueq, thuinz kuilc daz ningkhvnc nuex piq khoz vkhvy htenc kuex juir gay tueq. Kvruex yimaq ruiyhec khvy kuex svmx vtueq vkhux nuex tvp wuinc ruiux ghaqyungx nuex khuemx kaz tueq, hung vtueq guyc sez nuiyc vkhuip vkhaq rvhumc ruiux,

YOBA 30:29

Ngvy tvruingc kuex shoalx rvmuq ngoz ruiux wuz gola-uk thuiz yaq ikhoc vyonz vyec kvshix kvrix thuic bomc rvtueq.

Tvtsvmc 102:6

Ngaz kuex kumtsvy tvnx wawc tsvy hvlc wushawx ikhoc nuiyc vbac gay wuez yuimx ramx wawc wu-khuiuq ikhoc yaungx vtaungx.

ISAIA 13:21

Kvruex hong kvyuq yaruix ngvmx saz htenc httax vtueq wuzkhuiuq htenc rueq vjejez shuex. Kvruex yuq wuz gula-uk htenc httax tuex, nyaqse htenc muinz yuimx ramx htenc nuex dawk daat wuez tuex.

ISAIA 13:22

Pvrrawx htenc nuiyc hoc yuimx htenc nuex yaruix guyhex htenc nuiyc guyngaz htenc sauz kuex rv-nyawx tuex. Babelon rueq mvrax murx gurc jauz shex httuiuc yaq! Piq raungnuiyq htenc lvy wvnc vtuex shex,” ngoz tueq jungx tueq.

ISAIA 16:9

Majuiuc ngaz kuex Jazer tvkoc khoar tauk ikhoc Sibma svpiq ruiuz htenc tvkoc khoar tauk. Miq htenc tvkoz kez tvkoc kvruex baung kvyuq tuiz vtsvmz vguez ningkhvnc nuex ngvy muik phic kuex Heshbon nuiyc Eleale tvkoc svrc yaq.

ISAIA 21:3

Ngaz rueq khiz tauk nuiyc tay tauk romzyac tvkhic wawc nox wuic khic thuiuz yaq nyuiuz ikhoc rvhumc yaq kvhiz juing nuiyc vthuiuz vsac kuex ngaz nuex yaungx wvnc yaq.

ISAIA 22:4

Majuiuc kuex thueyc kaz tsic tueq ngvy miqsaz htenc lotlaz ningkhvnc nuex vkhuip vkhaq httax laz juing khoarc tvkoc ngvy lauk lauk dvyx taq shec kuit. Ngaz muex nauk tvlenc lauk vkueq.

ISAIA 32:11

Nuimshiq kuex rvwvlc tvmaung rac muq piauc hvlc dvyx httax vtuinx; yuq muinz majuiuc kuex hiyaz kvkhuirc wuez kuinz! Nuimshiq khoz vkhvy htenc kuex put gay ruiux nuimshiq khez kuex khvy jez maq shuit wuez shuinz.

JEREMIA 4:19

Thuinz nuex thuiuz yaq! Nanx lot mauk juing thuinz nuex thuiuz yaq! Ngvy thuinz vmungx lex! Ngvy thuinz vmungx nuex kvkhuirc yaq! Ngaz kuiyqshuik httax lot mauk; bolic thuic nuiyc ralx lungc nuex guyc muinz ngaz rueq tay tauk.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

JEREMIA 9:10

Ngaz rueq, “Kuz vkanx htenc tvkoc ngaz yonzyex taungx nyvmx saz remc juing tvkoc khoar taungx, yvmx khoc lac ngoz ruiux lec kvruex kuex httuiz rawk wvnc tueq, washiz muinz kvmaq lvy khuemx muq. Suiux vmanx kung tvruingc muinz tay muq shex; wushawx htenc nuiyc ngvmx saz svl vwvl htenc muinz yuz wvnc wuez vtuex,” ngoz tueq jungx tueq.

JEREMIA 9:19

Zion nuex khoar yaq tvruingc kuex tay shuinz: “Naungshiq bac wvnc vtix shex! Naungshiq pinhtumc yvlc svy rvhumc vtix! Naungshiq rueq naungmungx kuex gay shec juing shex; naungshiq yuimx htenc httak gay rvhumc tiq.”

EJEKIEL 32:18

Vpiq rueq, “Vthueyc rvyaq miq lex, Ejip mungx wawc miq lotlaz tvkoc khoar nyerx kuiux. Tsuinghez kuex vganc luimc vkawc yunghvlc miqphvnx htenc rulc vdvmz wulumx mungx nuex tvkaz gay shuiuz.

Mikha 2:4

Kvkhoc vkhing httuiuc wvnc tuex nuex, miq htenc rueq nuimshiq jamjaux kuilc daz kuex bomc tv-ngvlc maq jungx wuez shuex, tsuingshiq rueq nuimshiq rvhumc wvnc tuit kuex vkhoc yonzyex shic vngoyc maq shix wuez tuex: Naungshiq kuex tvsawc ric bac wvnc vtix ix! Yehowa rueq naungshiq ghaqphux kuex lvmz gay vtueq Naungshiq lvp wvnc jix hez muex kuq gay tueq.”

1 SAMUEL 19:24

Piq rueq vkhoz vkhvy htenc kuex put gay ruiux Samuel khaungkac nuex wvnuemz nvyx guyc sez tueq, kvruex raungnuiyq nuiyq tuimc vwvrx wvrx taungx khoguez khvyguez dvyx bumx tueq. (Ekvkhoc rvtueq, “Sholu muinz shvmmax muex yaungx tueq shex haz?” ngoz tueq bomc pauk yaungx wvnc tueq.)