Matthew 7:7 - ASII LAKDAP Bible (BSI)

⁷ “Jaü ronglaq, raüla namshiq ma mikuq. Rit ronglaq, raüla namshiq raq mihum han. Kilü na buk ronglaq, raüla namshiq ma midi kuq.

Hawa Naga Bible 2001

⁷ “Thoz shuinz, ngoz ruiux nuimshiq rueq lvp shuinx, thuiyx shuinz, ngoz ruiux nuimshiq rueq humc shuinx, wung tvruingx shuinz, ngoz ruiux daz kuq kv-phuinx.

Muklom

⁷ “Uchuk eq inn etho nim ma ukot eq phanin; ubi eq inn etho nim aa kap eq nin; udok eq inn etho kalung ulaak eq kopha nin.

Matthew 7:7 Referencias Cruzadas

RAPHA HIQWA LAK 26:32

Kra ranaiq na Isak jaqshisetiim ka apaiq phana wato. Raüta tsangshiq raq khappong ashi thutaq kra bom apaiq ma chongto. Tsangshiq raq nguto, “Naishiq raq khappong thulaita kham ka lapkai.”

1 HOKHVMX 3:5

Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”

Tvtsvmc 10:17

O Tatiwe lei, ümniiraq mitai kuq haü, wepuq wese kong raq achu jaütlaq kra mitrekuq haü; ümniiraq tsangshiq ma tsaiji midokuq haü.

Tvtsvmc 10:4

Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

Tvtsvmc 119:12

Ngi raq ümnaq tiitsamtiikang, Tatiwe lei; ngi ma üm rilung chap nai nga kra shrinkuqlaq.

Tvtsvmc 27:8

Ümtiikiiwa ümniiraq, “Wara, laüta ngi noqlaq,” ngulaü, Ngi raq trekang, “Ngi watiikang lii Tatiwe lei;”

Tvtsvmc 34:4

Ngi raq Tatiwe jaq wa achu jaükang, kiimaq apaiq raq ngi ma treto, apaiq raq ngi ka haisi rasong wiita wa tiiwong kuqto.

Tvtsvmc 37:4

Tatiwe wokhong na apeowiq shongnga kra rittlaq, raüla apaiq raq ümtsan raq aroro kra mikuq.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 69:32

Maiq raq tiichamhaotlaqti thun raq ara chhi raüla; tsangshiq ka michochi; Shiikeawe shomnoqti thun tsaiji mijong.

Tvtsvmc 70:4

Juwa ümjichong na watlaqti ka khoqriiq shishiiq kiimaq chojong chise mirlaq. Jurwa ümniiraq tiichhiikuq tlaü kha na kechutumtlaq kriiti tarü raq wranaiqshe, “Shiikeawe dea ajong pinthum!” nguta mingulaq.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

ASHICHONG 3:2

Rawa mong na apaiq ritkikang, chela mong na lam thun kiijaq khumshkhum maq. Ngi raq lungwii tiikangwe ritkai, shatmaq apaiq hummang dea.

ISAIA 30:19

Namshiq Jerusalem na siti mungmaiqse ka hoqsii ruqruq ka hoqsii man she miraq. Tatiwe ka mangchan heawe. Krai mren namshiq raq apaiq man na ümtiikiiwa khrum jaüjaü mihoqsiihan, apaiq raq namshiq achu jaü mitrekuq.

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

AMO LUIK DVP (AMOS) 5:4

Tatiwe raq Israilnok ma ngutlo: “Namshiq raq ngi ara rit ronglaq, lanta atra sironglaq.

Matthew 18:19

“Kiimaq arthaq niimin abiri chongkuq pha. Ümtiikiiwa namshiq phong wa maiq wenai raq kiqshi maq ri lanta, phanshi ra miitu achu mijaü han, kra jaü tlan kra i We ramungtan na siti we raq namshiq ma mitre kuq.

Matthew 21:22

Namshiq raq Shiikeawe ma riikhaqli maq kam lanta achu jaü han jiila, jamlai phan miitu wa achu jaü tlan, kriika namshiq ma miklo kuq.”

Matthew 6:33

Ara rii na, Shiikeawe mungtan nai kechu maiqse ma jawan riiwe kli rit rong laq. Raüla, arthun arka mikuq wan dongdii.

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Matthew 7:8

Jaütlaqti raq milap; rit tlaqti raq mihum; kilü na buktlaqti ma midi kuq.

Mark 11:24

Arkha maq, ngi raq ümniima chong tiikang: Ümtiikiiwa ümniiraq phanshi ra miitu achu jaütlaü, kra ümniiraq lapkang she nguta kamlaq, krai mren ümniiraq jamlai wa jaülaü kra milap haü.

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

Luke 18:1

Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

John 15:7

Shatmaq, namshiq ka i dü na chamshat maq siwan lili riihan jiila, kiimaq i bomtsi ka namtsan mong na cham wan raü la, namshiq raq i We jaq wa jamlai phan wa mijaü han, kriika namshiq ma mikuq.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

Romans 3:11

Jumin maiqshaq nguta ahü; jurmin Shiikeawe ka shomnoq mak.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

James 5:15

Ara kam raüta achu jaükuq tlaq ariiraq atsi ka ahea mirki. Tatiwe raq apaiq athatsi ka mitiihea kuq. Kiimaq apaiq raq ngarai thun tangtaq kriimin adii mirkuq.

1 John 3:22

Nashiq ka Shiikeawe wokhong na sitiikai. Laita apaiq aming thun ka lang laita sitiikai. Kiimaq apaiq raq ro tlaq kra phan phan jaqsham tiikai. Krai mren, Shiikeawe jaq wa nashiq raq jamlai wa jaü tiikai, kra apaiq raq nashiq ma kuq tlo.