Matthew 7:6 - ASII LAKDAP Bible (BSI)

⁶ “Ngamrea ka hi kong ma naq kuq rongkiq. Tsangshiq raq namshiq khoti mikaq. Lakshii tum ka waqkong khaki naq baiq rongkiq. Tsangshiq riika hok miili minibaiq wan.”

Hawa Naga Bible 2001

⁶ “Vsawc phvnx kuex guyhex muex nauk kuq kaz, kvkhoc kuq ruiux tsuingshiq rueq nuimshiq kox nuex nyez vtueq kauk kv-phuinx. Kvmaq nuimshiq luekshawx tumx kuex wauk makac nuex nauk tvwoalc kaz, kvkhoc ngoz ruiux kvruex vhuk maq nuiuz gay shuex.

Muklom

⁶ “Asang tangwang sha hi tang ma nak kot inn. Ning nim rel náng ka eq, nim sha kak ma kaphana. Thangchan likwang sha wak tang ma nak ko inn. Ning aa jaa eq esha nol nak chakna.”

Matthew 7:6 Referencias Cruzadas

TAKSU LAK 11:22

Atsii ahü nyung shamhea ka, waqkaü khü na chaq jaqtop atiipa kuq ikha.

TAKSU LAK 23:9

Maiqjiqti miika tsii naq chongkuqkiq. Kriika apaiq ma hiqti lamli ikhli.

TAKSU LAK 26:11

Hikaü raq aphai mesiq tlaq ikha, angok angiti riimin la, thongshi hali shutki nongtlaq.

TAKSU LAK 26:4

Angiti bom ka atre chang riimak, kra trehaüla ümniikii min, apaiq rai adam mijahaü.

Matthew 15:26

Kiijiishe Jesuq raq treto, “Nosere dung ka hi kong ma raüke ka thek mak.”

Matthew 24:10

Kra akhing na ngi ma kamwanti maiqse pahea raq tsangshiq kamtsantsii ka athaq mirbaiq. Tsangshiq liipan na riingeng riiseng she mirwan. Kiimaq weshi raq weshi ka mung welabi ma mitiishaü kuq wan.

Matthew 7:5

Mongnam we loi! Apha na ümmak po wa pepan kaü kra kongkhu lambaiq laq. Kra lot jaitiq ümphuno we makpo wa sinchii kra khangriirii hea she michhi haü. Kiimaq milam kuq lot haü.”

2 Corinthians 11:26

Ngi ümtinkhan wa, Shiikeawe jaqsham nguta khum wan kang na, jang pahea jüchhang lamtang mong maq lea wan kang. Kiimaq thiimeaq daku rai riihum wan kang. Kiimaq maiqmii nok Jehudinok raq, kiimaq Pongnok phan maiqse raq ümtinkhan wa, atsea ataa ma tankhan wanto. Kiimaq ümtinkhan wa, tsaija chhunja tiichamchao wanto. Lea wan kang akhing na, chela rap na, rum-nyangkhi na, kiimaq sammoktra jü thaq maq, kiimaq joksaü liiqse kongtibi jaq na, ngi ümtinkhan wa riitsi tsaitsiiq, chamchao litkot wa mong maq lea wan kang.

Philippians 3:2

Ara abi jaqshamtibi, hi kong, athohan tri ka lang raa dongdii nguta shiichuttibi, maklii wa hon kamshat sirong laq.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Hebrews 6:6

Kiitinkhan ningkun rilung sum kra tei jai shetiq sha, tsangshiq raq Shiikeawe ma kamwan lam kra miimbaiq thü tla! Akhiiti raq, tsangshiq mra ka thongshi hali ka tiidii wan lot mak she miraq. Jamkhano ngukla, tsangshiq raq Shiikeawe Se ka pumsongkham na thongshi ri hali, tübaiq nongtlo. Raüta tsangshiq ngarai lümaq, Jesuq ma nokwe man na jea tiingaü nong tlo.

2 Peter 2:22

Tsangshiq ma mra pin wantaq kriiraq taksu bomtsi na chongtlaq ka tengto dea nguta hong wato: “Hi kaü riika, aphai da kra hali mesiq ki nongtlo.” Kiimaq, “Waq kaü ka kham maq ajii tiiheke jai, jangphat boqtham chum na hali bumki nongtlo.”

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.