Matthew 7:6 - Hawa Naga Bible 2001

⁶ “Vsawc phvnx kuex guyhex muex nauk kuq kaz, kvkhoc kuq ruiux tsuingshiq rueq nuimshiq kox nuex nyez vtueq kauk kv-phuinx. Kvmaq nuimshiq luekshawx tumx kuex wauk makac nuex nauk tvwoalc kaz, kvkhoc ngoz ruiux kvruex vhuk maq nuiuz gay shuex.

ASII LAKDAP Bible (BSI)

⁶ “Ngamrea ka hi kong ma naq kuq rongkiq. Tsangshiq raq namshiq khoti mikaq. Lakshii tum ka waqkong khaki naq baiq rongkiq. Tsangshiq riika hok miili minibaiq wan.”

Muklom

⁶ “Asang tangwang sha hi tang ma nak kot inn. Ning nim rel náng ka eq, nim sha kak ma kaphana. Thangchan likwang sha wak tang ma nak ko inn. Ning aa jaa eq esha nol nak chakna.”

Matthew 7:6 Referencias Cruzadas

TAKSU LAK 11:22

Vhvlx phoc thamc thuinz vguez nyuiuz kuex vshvmx svp ruiux muinz wauk kuiux khuiz kuimx nuex kuimshawx tumx vbvt kuq rulc rv-ngvlc yaq.

TAKSU LAK 23:9

Vngaz waz muex vlvmz sungx hvlc kvjaz jungc kuy tvkoc nauk hung kaz, piq rueq kvruex vhtawz vrawz vhttax muex tvyaungc shuex rvmuq.

TAKSU LAK 26:11

Guyhex rueq vphaay tvyez saq yek yaq ikhoc vngaz jix waz kuex piq vngaz yauk shuimc kuex tvyez shuimx yek yaq.

TAKSU LAK 26:4

Vlvmz dung muq bomc wiz kuex mnoz rueq tvralc ruiux yuq, kvruex bomc wiz jix waz ikhoc mnoz yaungx vtuiux.

Matthew 15:26

Yesu rueq, “Nosaz rulx phuiuz vsvy kuex lvmz vtueq guyhex muex kuy mvy muq,” ngoz tueq jungx kuq tueq.

Matthew 24:10

Kvruex kaq miq paunghvlc thuinz kvbuit vtueq lvmx tvyaq wvnc ruiux, vdvmz dvmz lekuy nuiyc rvshuiuc rvpac wvnc tuex.

Matthew 7:5

Kvyonc yuk jix miq lex! Mmuik wawc pulx pvnz kuex kungkhux lvmz gay shuiuz, kvruex yimaq jix mphuz mnox waz muik wawc bokkhuyx kuex lvmc gay tvkoc vkhuing waq maq khiz lvp shuiux.

2 Corinthians 11:26

Ngaz miq ghaq lvmx khuemx wvnc tauk nuex, yuix rueq luimz muinz, yauk laungc yalawx jix rueq muinz, ngvy phvnx Yuda miqsaz htenc rueq guirguenc, Pungnuk miqsaz htenc rueq ruez phuex, miq ghaqyungx htenc nuex rvhumc tauk kuilc daz, rumz htenc maq rvhumc tauk kuilc daz, svmuktvrax maq rvhumc tauk kuilc daz htenc rvhumc wvnc tauk.

Philippians 3:2

Honc vbac yauk shuimc jix htenc, guyhex htenc, miqmac shauk vgvnz kvgvnc jix htenc kuex koayc wuez shuinz.

Hebrews 10:29

Kvkhoc ngoz ruiux kuex, Tishox Saz muex yomnamc gay jix waz, miqmac shauk gvnz kuex mvrax wawc tvsawc gay yaq Tishox bomkhvrc nuex seng yaq tvguiy kuex wvlc guez htawz guez tvyaungc jix waz, kejux kuy jix Siyac muex shummarc jix waz kuex yvmx khoc wuez yaungx tvnx? Piq rvhumc juing murx kuex mtanc khvnc wuez songx tuex raz tvnx? Tvmaung lawc wuez shuinz!

Hebrews 6:6

Kvkhoc rvtueq yix maq jix tsuingshiq rueq tsuingshiq kvmluimx lvmx kuex httvr gay shec tueq! Tsuingshiq rueq Tishox Saz kuex yauk juinc bulx nuex laukshiz hulawx but thvt gay ruiux, mungx miqsaz htumc nuex wvlc guez waqguez tvyvyc svy tvrvhumc ningkhvnc nuex, tsuingshiq muex thuinz kvlayc tvlvp yek tvkoc mkhoc rvtueq muinz yaungx lot muq shex rvtueq.

2 Peter 2:22

“Guyhex rueq vphaay kuex tvyez svy rvyaq,” ngoz tueq kvjaz muinz, kvmaq “Wauk kuex tvhoalc kuy lot yix bok nuex hulawx kv-nyvt yek yaq,” ngoz yaq bomc tvguip kuex nuimshiq tvkoc vsuing rvtueq.

Revelation 22:15

Yuq muinz miq rvmuq layx bac jix htenc, mantan htaqpix shuimc jix htenc, sahtok sapawx shuimc jix htenc, miq thvy jix htenc, yac yuimx nawk palx jix htenc, vrot vkaq lvmz raungc raq vtueq shuimx kay jix htenc lotlaz kuex ghaqyungx phic kox nuex httax wuez tuex, ngoz tueq jungx phuex.