Matthew 7:7 - Hawa Naga Bible 2001

⁷ “Thoz shuinz, ngoz ruiux nuimshiq rueq lvp shuinx, thuiyx shuinz, ngoz ruiux nuimshiq rueq humc shuinx, wung tvruingx shuinz, ngoz ruiux daz kuq kv-phuinx.

ASII LAKDAP Bible (BSI)

⁷ “Jaü ronglaq, raüla namshiq ma mikuq. Rit ronglaq, raüla namshiq raq mihum han. Kilü na buk ronglaq, raüla namshiq ma midi kuq.

Muklom

⁷ “Uchuk eq inn etho nim ma ukot eq phanin; ubi eq inn etho nim aa kap eq nin; udok eq inn etho kalung ulaak eq kopha nin.

Matthew 7:7 Referencias Cruzadas

RAPHA HIQWA LAK 26:32

Kvruex raungnuiyq Esak piq nvrc waz hez kuex piq kox nuex kaz vtueq, “Nuiyhez rueq yuix humc tiq,” ngoz tueq jungx tueq.

1 HOKHVMX 3:5

Yehowa kuex kvruex raungwvrx piq maung nuex kv-khic kaz vtueq, “Ngaz rueq mnoz muex yvmx kuq ruiux lac roc shuiux?” ngoz tueq wiz tueq.

Tvtsvmc 10:17

O Yehowa lex, mnoz rueq thuinz tvyomx jix vjux thoz bomc kuex tay kuq vtueq; mnoz rueq tsuingshiq muex khvmc thuinz kuex kuq shuiux.

Tvtsvmc 10:4

Layx bac jix waz rueq Yehowa lvmx kuex wvlc guez tvyaungc yaq; Tishox rueq roc muq ngoz tueq piq thuinz nuex ngamc ngax yaq.

Tvtsvmc 119:12

O Yehowa lex, ngaz rueq mnoz muex tvtsvmc vphaungx; mlvmz kuex ngaz muex tvluing kuq koq.

Tvtsvmc 27:8

“Ngaz muex nawk palx tvkoc kaz luit” ngoz tueq mnoz rueq jungx toq nuex, “Yehowa lex, ngaz kaz vraungx,” ngoz tueq tvralc phaungx.

Tvtsvmc 34:4

Ngaz rueq Yehowa kox wawc vjux thoz koq tueq vpiq rueq tvralc kuq phuex; vpiq rueq ngvy kvhiz juing lotlaz wawc ngaz tvdung wvnc phuex.

Tvtsvmc 37:4

Yehowa kox wawc mnoz thuinz hvlc juing kuex thuiyx shuiuz, vpiq rueq mthuinz vmungx maq roc shuiux lvmz kuex kuq kv-phux.

Tvtsvmc 50:15

Kuilc daz rvhumc tuiux nuex ngaz kuex gvl koq, ngaz rueq mnoz kuex palc wvnc phaungx, nuiyc mnoz rueq ngaz muex tvtsvmc phux,” ngoz tueq.

Tvtsvmc 69:32

Htuingtuing rvhumc jix htenc rueq kvruex lvmz kuex khiz vtueq tsuingshiq kokez wvnc wuez tuex; Tishox muex nawk palx jix htenc rueq muinz thuinz nuex hungc vlaungc lvp wvnc shuex.

Tvtsvmc 70:4

Mnoz kox nuex httuiuc kay jix lotlaz kuex vshuenc vruenc maq mkokez wuez kueq. Mnoz rueq palc wvnc lvmx muex kejux vyungx ngoc jix lotlaz rueq, “Tishox kuex vtanc khvnc yungx yaq nyix!” ngoz tueq mkaq muinz mjungx shueq.

Tvtsvmc 86:5

Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.

TAKSU LAK 8:17

Ngaz muex lungwawc jix kuex ngaz rueq lungwawx vshaungx; ngvy thuiyc jix ukhaq rueq muinz ngaz kuex humc lot yaq.

ASHICHONG 3:2

Ngaz kuex kvtenc ruiux ghaq yungx nuex khuemx kaz vtueq, lvmx yungx lvmx saz htenc nuex ngaz rueq lungwawx vshaungx waz kuex thuiyx tauk, yuq muinz humc mauk.

ISAIA 30:19

Yerusalem nuex httax vtuinx miq htenc nuimshiq kuex khoar tuinx rvmuq shex. Yehowa kuex menjenc thuinz httax yaq, romc kuy tvkoc nuimshiq guyc sez tuinx kvkaq, vpiq rueq tvralc kv-phuinx.

JEREMIA 33:3

“Ngaz kuex gvl kuit, ngaz rueq tvralc phaungx; mnoz rueq yvmx muinz tuiuz lvp muq vwangc juing nuiyc vwangc kawc yawc juing phvnx htenc kuex ngaz rueq mnoz muex jungx kuq ix.

AMO LUIK DVP (AMOS) 5:4

Yehowa rueq Israel miqsaz muex jungx tueq, “Ngvy kox nuex kaz luit, nuimshiq tvraungx httax tuinx.

Matthew 18:19

“Kvkhoc rvtueq ngaz rueq nuimshiq muex vsuing jungx ix, ghaq htauk vruex maq nuimshiq phungc kvwawc miq wanueyc kuex rungx raz vtueq vjux thoz ruiux yuq raungmungx nuex httaz yaq Iwaz rueq muinz tsuingnueyc muex tvhungx kuq shuex.

Matthew 21:22

Nuimshiq rueq kvmluimx thuinz maq vjux thoz ruiux yuq thoz shuinx lotlaz kuex lvp wvnc shuinx,” ngoz tueq tsuinghez muex jungx tueq.

Matthew 6:33

Kvruex tvraung, nuimshiq rueq Tishox Mungtan nuiyc vpiq tsuingrux lvmx kuex kungkhux thuiyx shuinz, ngoz ruiux vganc rax yaq htenc kuex vpiq rueq nuimshiq muex tvrvp kuq kv-phuinx.

Matthew 7:11

Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Matthew 7:8

Yvmx khoc lac ngoz ruiux lec vthoz jix waz uraq muinz lvp wvnc shuex, vthuiyc jix waz uraq muinz humc shuex, vwungc tvruingc jix waz muex muinz kaluix kuex daz kuq shuex.

Mark 11:24

Kvkhoc ningkhvnc nuex ngaz rueq nuimshiq muex jungx ix: nuimshiq rueq vjux thoz vtueq phvnx shishiz thoz ruiux yuq, nuimshiq rueq lvp shuinx ngoz tueq kvmx kuinz, ngoz ruiux yuq nuimshiq rueq thoz shuinx yvmx yuq muinz kuq kv-phuinx.

Luke 13:25

Yuimx jungx jix waz kvtenc vtueq kaluix kuex shauk gay shuex; kvkaq nuimshiq kuex yuz phic kox nuex jvp vtueq kaluix kuex wung tvruingx ruiux, ‘Jiyungx waz lex, nuiyshiq muex daz kuq koq!’ ngoz tueq thoz koq tueq kvruex waz rueq nuimshiq kuex m-wawc lac rvtuinx ngaz rueq tuiuz mauk,” ngoz tueq nuimshiq muex tvralc kv-phuinx.

Luke 18:1

Kvruex yimaq Yesu rueq mkaq muinz vjux thoz vtueq thuinbac muq mruez kueq ngoz tueq, sangac bix muex bomc tv-ngvlc vshiz maq tvluing jungx kuq tueq.

John 15:16

Nuimshiq rueq ngaz thvl wvnc phuinx rvmuq, nuimshiq kaz wvnc vtueq vthuey vngoz paunghvlc thuey ngoz muex nuiyc vthuey kuex phaungx ngaungx tvkoc ngaz rueq nuimshiq kuex thvl wvnc vtueq tvhungx taq vphaungx. Kvkhoc rvtueq ngvy muingc ruingc vtueq nuimshiq rueq Vwaz kox wawc thoz vshuinx phvnx htenc kuex nuimshiq muex kuq kv-phuinx.

John 15:7

Nuimshiq kuex ngaz nuex rvwak vtueq ngvy kvjaz vruex muinz nuimshiq nuex rvwak ruiux kuex, nuimshiq rueq thoz shuinx phvnx htenc kuex lvp wvnc shuinx.

John 4:10

Yesu rueq, “Tishox rueq vkuq kejux yauk noalc kvmuinz, mnoz kox wawc vnuingc juing yuix thoz jix waz kvmuinz mnoz rueq tuiuz ruiux yuq, mnoz rueq vpiq kox wawc thoz ruiux, vpiq rueq mnoz muex rullungx tvraungx juing yuix kuq kv-phux,” ngoz tueq tvralc tueq.

Romans 2:7

Miq vganc kuex vhvlx yauk shuimc shuimx hvt maq ngauz vngax, tvtsanc nganc nuiyc vthueyc vmvy vguez rullungx lvmx kuex thuiyx wuez yaq; kvkhoc jix htenc muex Tishox rueq pattup rullungx kuq shuex.

Romans 3:11

Wvtharc jix miq washiz muinz vguez Tishox muex nawk palx jix muinz vguez.

Hebrews 11:6

Kvmluimx thuinz vguez waz kuex Tishox muex tvraungc raq lot yaq rvmuq, yvmx khoc lac ngoz ruiux lec Tishox kox nuex kvnvp wvnc jix ukhaq yuq muinz Tishox httax yaq nuiyc vpiq thuiyc jix htenc muex kejux tvyez kuq yaq, ngoz tueq kvmluimx jix waz rvtueq.

James 5:15

Kvmluimx thuinz maq vjux thoz ruiux yuq vthuiuz jix waz kuex hvlx wvnc tuex, Taungjix rueq piq kuex tvhvlc kuq ruiux, piq yaq wvnc tueq mvrax htenc muinz dawc kuq gay shuex.

1 John 3:22

Naungshiq kuex vpiq nvrc bomc htenc kuex phvnx tvhungx vtueq vpiq rueq raungc raq yaq yauk shuimc kuex shuimx vshix ningkhvnc nuex, naungshiq rueq thoz shix kuex naungshiq rueq lvp wvnc tiq.