Matthew 5:18 - ASII LAKDAP Bible (BSI)

¹⁸ Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Hawa Naga Bible 2001

¹⁸ Nuimshiq muex ngaz rueq vsuing jungx kuq ix, raungx nuiyc ghaq httax ruq wawwawx kuex Tvrac wawc luik kuiux thuey poshiz nuiyc vruinx saz kvjaz tvpat vshiz doc muinz moz maq kaz muq, kvruex luik nuex jungx shec tueq lotlaz kuex hungx wvnc tuex.

Muklom

¹⁸ Nga khakla hun bat phang, mungtan nia mingkang haq uthun angna, etha thaji thun wey moq jakho, Shkewa thong wang aming raaq tho matwang moq angna.

Matthew 5:18 Referencias Cruzadas

Tvtsvmc 102:26

Kriithun ka athum mirki, shatmaq ümniika siruqli misihaü; kriithun ka wiita khea riimkitlaq ikha miriimki. Ümniiraq kriithun ka kheachüriim phong ikha mitsuqbaiqhaü, kiimaq kriithun ka wiita amaqshe mirki.

Tvtsvmc 111:8

Kriithun ka pattup pat-sa ngangwan ruq phan; kriika tengteng kiimaq kechu jaqkhaq raütu akuq.

Tvtsvmc 119:152

Man niiphü ngi raq ümhon ümtsii chongkuqtlaü ka shrin wankang, ümniiraq kriithun ka pattup pat-sa thenkimak phan shong wanlaü.

ISAIA 40:8

Tengto, sangphii ka jungkitlo, kiimaq pepüro ka mutkitlo, shatmaq nashiq Shiikeawe bomtsi ka pattup pat-sa ngangtlo.”

ISAIA 44:26

Shatmaq ümtiikiiwa ijaqshise raq tiithaitlaq; ümtiikiiwa Ngi raq itsa soqtiwe tiikitiikang, lata ikiimung sürii tiikang kra tiichhi kuqtiikang. Ngi raq kra kiimung thun nai riishambom tiithaitlaq thun ka tiikupi tiikang. Ngi raq Jerusalem ma maiq ka kiijaq mishong wan nong nguta chongtiikang, kiimaq Juda mung wa chela thun ka mitiihea hainong nguta. Kra chela thun ka hiqrai ashotbaiq wa midong wan nong.

ISAIA 51:6

Ramungtan thun kra liilaq; mangjong hiq kra liilaq! Ramungtan thun ka wakhuk mongtlaq ikha rahai raq mipan wan; hiqraikhü ka kheadiim chükii ikha miriimki, kiimaq asengi mangjong maiqse ka shecham kong jiimtlaq ikha mijiim. Shatmaq Ngi raq tiichhiiwan tiikang kriika pattup pat-sa mitsing. Ngi raq rekhat tangtiikang kriika atiisup jaqsham.

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 10:42

Ngi chongpha. Jurwa ara i jaqshisetiim phong arwa aran pinthum se kiima khamsang kokshise lamlam li tsümkuq raü jiimin, kriiti riimin maiqmii rii poksi ka milap dongdii.”

Matthew 11:11

Ngi raq chongtiikang arka tengteng. Khamlamketi we Johan ka ümchaü niitaq maiq ümchu wa siwantaq, kra wiita thaq na ajong pinthum. Shatmaq ümchaü Shiikeawe sengi phong wa juwa aran pinthum nguta siwan tlaq, kriiti ka Johan thaq na ajong.

Matthew 13:17

Ngi raq chongtiikang arka tengteng. Shiikeawe shammibi pahea raq nai Shiikeawe sengi pahea raq, ümchaü namshiq raq jamlai phan wa chhi tai tlan, arka chhitai hai jaq nguta tsinngin wanto. Shatmaq tsangshiq raq chhi lumak dea riito. Taiwan hai jiilei nguta tsinngin wanto. Shatmaq tai wan lumak dea riito.”

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Matthew 18:18

“Ara chong tiikang arai mren, ngi raq namshiq tarü ma chong pha. Namshiq raq ara mangjong hiq maq jamlai phan miiwa lam ka atangta riitlan; kra phan miika, ramungtan miimin atangta miraq. Kiimaq namshiq raq jamlai phan miiwa lam ka adi riikuq tlan, kra miika ramungtan miimin lam ka adi mirkuq.”

Matthew 18:3

Raüta akha nguto, “Ngi raq chongtiikang arka tengteng. Namshiq ka ara nonose akha klai wan man wiiwii Ramungtan ümtiikiimin saü man mirhan.

Matthew 19:23

Kiijiishe Jesuq raq ajaqshisetiim ma chongto, “Ngi raq chongtiikang arka tengteng; chiithe maiqse ma Ramungtan na wawan ka hahea pinthum.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 21:21

Kiijiishe Jesuq raq treto, “Ngi raq chong tiikang arka tengteng. Namshiq raq rang ra man maq kamhan jiila, ngi raq phupmup chong ara jamkho tiitsai baiq kang, akhiisii hali namshiq riimin milot han. Ara lamlam li ka riimak. Namshiq riika arthaq niimin, ara hiqlam kaü arma, ‘Tiikoq wan laq. Laüta, sammoktra jü mong na tiingok wan laq’ nguta thaü han jiila, hiqlam kaü ka mikü wan.

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Matthew 23:36

Ngi raq chongtiikang arka tengteng. Ara chong kang thun mat kha arka ümchaü pat wa maiqse siwan tlanti khuthaq na misaü wan! Kiimaq Shiikeawe raq namshiq ka mitsa kiimaq mitiichamchao wan!”

Matthew 24:2

Kiijiishe, “Üm,” nguta apaiq raq treto. “Namshiq raq ara Shomjam kaü tsomwa arli liisiq tlan nya. Ngi raq chongtiikang arka tengteng: Arjam kaü ümchaü namshiq raq liisiq tlan arka, ranaiqshi akhing na namjaqti raq hiq maq barot raüta, wiita tiisii rai she mishthen baiq. Ara jam thun chhi wan tlan arka wiita mirun baiq.”

Matthew 24:47

Ngi chongpha. Atijong we raq atsiiq anyam chong thun ka ara jaqshise arang niishe mithü wan.

Matthew 25:12

Kiijiishe, ‘Namshiq ka juwa ngi raq asap min sap mang!’ nguta junlamti we raq treto.”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Matthew 25:45

Kiijiishe, Hokham we raq tsangshiq bom ka mitre, ‘Ngi chongpha, namshiq raq ümtiikiiwa ara wepuq wese phong arwa weshi ma khrum kuq man riilan, kriika ngi ma khrum kuq man riilan.’

Matthew 5:26

Ngi raq chongtiikang arka tengteng, ümniiraq ümkha tham ka poisa shii se niitaq saüli siirai dok maü wiiwii, phaqtek mong niili she misi wan haü.”

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:2

“Arkha maq ümtiikiiwa ümnii- raq chamchao maiqse ma khrum jaqmiiq kuq tlaü akhing na mongnam nok raq chiiriim raüta sinagok maq nai chiiheawea maq nokwe raq michhi laq nguta kuqtlaq ikha naq kuqkiq. Tsangshiq raq akha klotlaq arka maiq raq tsangshiq ka mishom ra laq nguta klotlo. Ngi raq namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Matthew 8:10

Jesuq raq apaiq bom ka tairaüta, awang riito. Kiimaq apaiq tro na mungmaiqse ajai phan wantibi thun kriima akha nguta chongkuqto, “Ngi raq chongtiikang arka tengteng! Ngi raq Israil mung na arwe kamasham akha ümchaü niitaq weshi ra min hum mang shaqli.

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Mark 10:29

Kiijiishe Jesuq raq tsangshiq ma akha chongkuqto, “Kriika tengto. Ngi chongpha. Jurwa ajam lo, aphu anotiim lo, ashea nyungtiim lo, anyung lo nai awe lo, asetiim lo, kiimaq awak thung lo, ngi miitu, kiimaq ara Asii tsütsa ara chongke jaqsham miitu baiqthü tlaqti riika,

Mark 11:23

Ngi chongpha, tiitsang taironglaq. Jurwa kamtsantsii pharang rang maq, ara hiqlam kaü ara nangnga, tiikoq wan laq, laüta sammoktra jü mong na kü wan laq nguta thaü tlaq, kiimaq atsan mong na tsan nai thümak, shatmaq apaiq raq jamlai chongtlaq kra mihongwa nguta kamtlaq, raüla, apaiq miitu miklokuq.

Mark 12:43

Kra chhi raüta, apaiq raq ajaqshisetiim ka apaiq tho na triitam hea raüta akha chongkuqto, “Ngi chongpha. Ara miitsan nyung raq honglu tek na thü wantaq arka, nanok ahinti raq honglu athü wan kra thaq na, apa pinthum thüto.

Mark 13:30

Namshiq tsan na samhea wiq shaq ronglaq. Ümchaü atra siti thun arwa tarü ka mitsai shaq liipan niili, ara chongtiikang mra pin jin akhing ranaiq kra misaü wan.

Mark 14:18

Raüta tsangshiq ka chamrii niishe ngato. Raüta, dungsea anga lam miishe, Jesuq raq tsangshiq ma akhiishe chongkuqto, “Ngi chongpha. Namtsam phong wa weshi raq ngi mishaphaq han. Apaiq ka ümchaü arjaq ngi rai adam na phaqsea damti we.”

Mark 14:25

Ngi chongpha. Ngi raq ara spiqtai arka nyang nong mang she. Shiikeawe Mungtan na spiqtai anye kra shetiq minyang ha.”

Mark 14:30

Kiijiishe Jesuq raq Petar ma chongto, “Ngi chongpha. Athi rawa wu jangnai miwa shaq liipan niili, ümniiraq ngi ka juwa sapmang nguta jangtsam mitiishaü baiq haü.”

Mark 14:9

Kiimaq ngi raq namshiq ma bom poshi chong pha. Taironglaq. Ara Tsütsa Ahea ara mangjong hiq hamli na, ümriibano chongkuqtlaq, kiijaq ümchaü arnyung raq ngi miitu jamlai wa shamkuqtaq armin, apaiq mang ka laqbaiq mak phan maq, chong kuq wan dam ruq she miraq.”

Mark 3:28

“Ngi chongpha, tai ronglaq, maiqse raq Shiikeawe man na, ahin ngarai tang tlaq kriika midii kuqlot,

Mark 6:11

Namshiq kitlan chelati raq, namshiq ka tao mak nai namshiq raq traho bom chongkuq tlan kra taimak she la riihaü jiila, namhok phi wa, botkhulai kra jai nü na nyi lanta naübaiq thü lantiishe wawan ronglaq. Kriika tsangshiq ma Shiikeawe manson ka asi lii nguta chongthü she!”

Mark 8:12

Shatmaq, Jesuq raq, atsitsü ka atsaü maq tiijang hea raüta, “Ümchaü pat wa maiqse raq awang chang jaqsham ka jaram wa rit tla? Ngi chongpha, kriika tiichhi kuq mak! Akhnok maiqse miika, tiichhi kuqmak!” nguta tsangshiq bom ka treto.

Mark 9:1

Kiimaq apaiq raq tsangshiq ma chongto, “Ngi chongpha, ümchaü arjaq maiq chapshatti phong arwa, wiijamti riika, Shiikeawe mungtan ka ningkun ajong maq saühotlaq kra chhithü hü maq tsai mak miraq.”

Mark 9:41

Ngi chong pha tiitsang tai ronglaq. Jurwa namshiq ka i sengi nguta, khamsang kokshi tsümkuq tlaq, kriiti raq dongdii min, apaiq rii poksi ka milap.”

Luke 11:51

Abel tsatbaiq wantaq kriimaq pha wan raüta, aluchiim nai Asii khok liipan na Jekeria tsat baiq wantaq, kra thun mat kha na, tsangshiq ka mitiichamchao wan. Ngi raq chongtiikang arka tengteng. Ümchaü pat wa maiq thun arka, arthun kha arjaq mitiichamchao wan!

Luke 12:37

Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Luke 13:35

Riita, ümchaü sanha, namshiq Shomjam ka Shiikeawe raq, amiim she mirbaiq. Ngi raq chongtiikang arka tengteng. Namshiq raq, ‘Shiikeawe le, Tatiwe mang na juwa kitlaq, kriiwe kiidea shiiman laq,’ nguta ngu man wiiwii, namshiq raq i sham ka chhi she mirhan!”

Luke 16:17

Shatmaq tiina, ara ra nai hiq sitlaq arka, athenkai ma aje lin li min miraq. Shatmaq, Thungtri bomtsi na jamlai wa chong tlaq kriika, akhiise khubinlo tin dongdii kiimin poiki mak phan.”

Luke 18:17

Ara tsan na tiitsang rong laq! Jurwa Shiikeawe Mungtan ka nonose raq taotlaq akha taomak, kriiti ka ümtiikii jiimin, Shiikeawe Mungtan na saülot mak miraq.”

Luke 18:29

“Riikhaqli,” nguta Jesuq raq tsangshiq bom ka treto. “Kiimaq ngi raq chongtiikang arka tengteng. Jurwa ajam awak, achak ase, aphu ano, anyung awe thun ka baiq thü raüta, Shiikeawe Mungtan rittlaq,

Luke 23:43

Kiijiishe, Jesuq raq, “Ngi raq chongtiikang arka tengteng. Ümchaü ranaiq li, ümniika ngi rai Ramungtan na misaü haü,” nguta apaiq bom ka treto.

Luke 4:24

Kra bom raütiishe Jesuq raq tsangshiq ma, “Shammi ngutlaq kriika, ahiqshongti raq tao mak,” ngutiishe tsangshiq ma chongkuqto.

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

John 10:1

Jesuq raq chongto, “Ngi raq chongtiikang arka tengteng: Maiq ümriiti riiwa sku khok mong na kilü maq wamak, shatmaq rukthaq maq jin raüta, watlaq, kriiti ka ahuk kiimaq thiimeaq.

John 10:7

Kriikha miishe, Jesuq raq tsangshiq ma akha chongkuqto, “Ngi raq chongtiikang arka tengteng: Ngi ahata skukhok kilamchong.

John 12:24

Ngi raq chongtiikang arka tengteng: Tsam rai ka wak na jangki raüta, hiqmong na atsai arki ikha siwan hü wiiwii ka, raishi laqlaqse asiiliili misi. Shatmaq, kra raishi sitlaq kriika, atsai raüta cham wan raütiq, anyam ka midong wan. Raüta arai ka pahea she midong man wan.

John 13:16

Ngi raq chongtiikang arka tengteng: Dise ka atijong we thaq na ajong riimak. Kiimaq tsasoqti we ka, apaiq thaüti we thaq na ajong riimak.

John 13:38

Kiijiishe, Jesuq raq, “Ümniiriisha ngi miitu atsai mikham haü ngu kai? Ngi chongpha. Arka tengteng: Athi rawa li wupongwe ka miwa shaq liipan niili, ümniiraq ngi ka juwa sapmang nguta jangtsam mitiishaü baiq haü!” nguta Jesuq raq Petar bom ka treto.

John 14:12

Ngi raq chongtiikang arka tengteng: Jurwa ngi ma kam tlaq, kriiti riika, i jai phan phan, awang chang jaq misham wan. Kriika tengteng. Apaiq riika, i jaqsham thaq niimin, ajong lin she misham wan. Ara jamkhano chongtiikang ngukla, ngi ka i We pha niishe wawan tiikang.

John 16:20

Ngi raq namshiq ma chongtiikang arka tengteng: Namshiq ka maaho maanyi she mirhan. Shatmaq, mangjong maiqse ka chojong chise miraq. Namshiq ka tsanbi taqtaq mirhan. Shatmaq, namshiq tsanbi hosi ka chojong chise na mitiiwiiq wan.

John 16:23

“Ümtiikiiwa kra akhing she saü wan jiiq, namshiq raq i jaq wa jamlai min jaü wan man she mirhan. Ara chongtiikang arka tengteng: Awe jaq wa namshiq raq, i mang na jamlai phan wa mijaü han, kriika mikuq.

John 21:18

Ngi raq chongtiikang arka tengteng: Man na, ümnaq jeroji niika, ümtsan maq ümnü na kai wa lungwii tlaü, ümchhü na jiikom chhüsaq laüta, kiinü na kiho tlaü. Shatmaq, ngi chongpha, ümniika ümtiikiiwa nyungwe she mija haü, kiitiikaq ümniiraq ümjaq ka mitiipii haü, kiimaq maiq ashi ra raq ümniika mikha. Raüta ümnaq kiro maü chang ba kiiniishe misheaho.”

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

John 5:19

Kriikha maq, Jesuq raq tsangshiq bom ka treto, “Ngi raq chongtiikang arka tengteng: Ase raq apaiq tsii tsii miika jamlai phan sham akai min shamlot mak. Apaiq riika Awe jaqtho kra liiraü tli shamtlo. Awe raq jamlai wa sham tlaq, kriili Ase riimin shamtlo.

John 6:26

Kiijiishe, Jesuq raq treto, “Ngi raq chongtiikang arka tengteng: Namshiq raq ngi rit tlan arka, awang chang jaqsham kang kra liichum tak lantiika riimak. Shatmaq, namwok phetak chhaq phaqsiq lan kra miitu rit tlan.

John 6:32

Kiijiishe Jesuq raq tsangshiq ma chongto, “Ngi raq chongtiikang arka tengteng: Mosheq raq namshiq dungtaq winsii kriika ramung- tan winsii riimak.

John 6:47

Ngi raq chongtiikang arka tengteng: jurwa ngi ma kam tlaq, kriiti riika pattup pat-sa rilung alap wan wishe.

John 6:53

Kiijiishe, Jesuq raq tsangshiq ma chongkuq nongto, “Ngi raq chongtiikang arka tengteng: Namshiq raq Maiq Se ngam phu kra phaq man, kiimaq apaiq tiijai kra nyang man jiila, rilung tsitsü ka lap man mirhan.

John 8:34

Kiijiishe, Jesuq raq tsangshiq ma akha chongkuqto, “Ngi raq chongtiikang arka tengteng: Jurwa ngarai tang tlaq, kriiti ka ngarai dise.

John 8:51

Ngi raq chongtiikang arka tengteng: Jurwa i bomchong ara lang tlaq, kriiti ka ümtiikiimin tsai mak she.”

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

1 Peter 1:25

Shatmaq Shiikeawe bomtsi ka athen kai nguta ahü, pattup pat-sa atra li sitlo.” Riita ara bomtsi ahata, Tsütsa Ahea, namshiq ma chongkuq wantaq kra.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.