Matthew 5:17 - ASII LAKDAP Bible (BSI)

¹⁷ “Ngi ka Mosheq Thungtri aming raütu thun nai shammibi bom chong aming raütu thun kra runbaiq kai akiha nguta naq tiima rongkiq. Ngi ka tri raütu thun kra runbaiq kai akiha riimak. Shatmaq, tsangshiq raq ashrinkuq wan tri raütu thun kra shiiku pikai nguta kikang.

Hawa Naga Bible 2001

¹⁷ “Ngaz kuex Moshe Tvrac nuiyc shvmmax bix rueq tvluing yaq kvjaz htenc kuex tvbac httak gay tvkoc vkaz ngoz tueq nauk tvmaung kaz. Kvruex htenc kuex tvbac httak gay tvkoc rvmuq, tsuingshiq rueq tvluing wvnc tueq phvnc tvhungx tvkoc juex ngaz kaz tauk nguinx.

Muklom

¹⁷ “Nga Moses thong etho rangsamal tang tatal sha lat chak ma thuta phang ta nak tathin inn. Nga iri thong tang raa tathun eq chak ma ang moq, thaji sha asing angma thuta phang.

Matthew 5:17 Referencias Cruzadas

ISAIA 42:21

Tatiwe ka Shiikeawe atiichhiike lungwiitlo, kra ningkhan apaiq raq athungtri nai atri raütu thun ka, shreng jonghea anato raüta riimtlo.

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Matthew 7:12

“Nanok raq namshiq ma jamlai phan jaq shamkuq raü jiiwa, namshiq raq milungwii han, kiikhiisii hali namshiq raq tsangshiq ma klo kuq wan lili ronglaq. Mosheq Thungtri nai shammibi bomchong ka ara bomtsi arjaq sup wan tlo.”

Luke 16:17

Shatmaq tiina, ara ra nai hiq sitlaq arka, athenkai ma aje lin li min miraq. Shatmaq, Thungtri bomtsi na jamlai wa chong tlaq kriika, akhiise khubinlo tin dongdii kiimin poiki mak phan.”

John 8:5

Riita, nashiq Thungtri na Mosheq raq akhnok kha tangti arka, long maq tiiq baiq raüta tsea baiq chang nguta aming kuq thüto. Riita, ümchaü min ümniiraq jamkho ngutlaü, chong liita?”

Acts 18:13

Tsangshiq raq, “Arwe kaü raq, mungmaiqse ma thungtri jin raüta, Shiikeawe ka shomnoq chang nguta trahokuqtlo!” nguta wanghupti we rung na shokto.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

Acts 6:13

Raütiishe, tsangshiq raq maiq wiijamti ka shea wan raüta, apaiq tiishaü baiq miitu, kha ka arot tünyan nongto. Kra arot hakhi ketibi raq Stephen ma, “Naishiq raq apaiq ka, nashiq asii Shomjam ara nai Mosheq raq akuq Thungtri khuthaq na, bom ka ashut abi bom kli tai tiikai.

Romans 10:4

Ara jamkhano chongtiikai ngukla, ümchaü sanha, Khristo raq Thungtri lamphan ka atiisup shat wan wishe. Krai mren, ümchaü sanha, jurwa Shiikeawe ma kamtsantsii thü tlaq, kriiti ka Shiikeawe raq kechu maiqse she nguta, apaiq rai wehea miishe shram wantlo.

Romans 3:31

Riita, ikhiijiika, ara kamtsantsii ri thü wan kai she nguta, Thungtri ka brorii mai she sha miriirong i? Riimak, kiikhiika riimak. Ümchaü nashiq raq, Thungtri raü kha thun ka samhea she tiipha kha wan nong tiikai.

Romans 8:4

Shiikeawe raq, ara dokdaa kuq wantaq arka, Thungtri raq asii arai rilung maq singa raa dongdii nguta maiqse khuthaq na, aming thü tlaq kra aming thun kra, Asii Wenyi wokhong na sitibi, nashiq khum na kunli, khutam maitam maq mihong wan laq, nguta dokda kuq wanto. Riita, arka maiqmii han-ngam tri wokhong maq singa wanti maiqse miitu ka riimak.