Matthew 5:16 - ASII LAKDAP Bible (BSI)

¹⁶ Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Hawa Naga Bible 2001

¹⁶ Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.

Muklom

¹⁶ Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

Matthew 5:16 Referencias Cruzadas

DUNGWVNC 34:35

Kiimaq tsangshiq raq atheaphi ka achhai anyii chhitlo. Kra lot raütiishe apaiq raq kra khea maq atheaphi ka Tatiwe phana riibom wa nong miwa nong shaq wiiwii, pangshat riitlo.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

ISAIA 58:8

“Kra riihantiq Ngi raq namshiq ma khrum ka ranap rashedong chhaitlaq ikha mililiim. Kiimaq namkhum wa ami atsi thun kra jaqlo thitthit mihea wan. Ngi ka namshiq tiiwongke miitu wranaiqshe namshiq rai misiha. Lata Ngi ka namshiq rai nongshnong sitiikang kriiraq namshiq ka trotam maq mikhup wongkuq.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Matthew 23:9

Kiimaq namshiq raq mangjong maiqse ka ‘I We loi’ nguta naq hea wan rongkiq. Namshiq ma ‘Awe’ ka ramungtan na sitlaq kli Awe.

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Matthew 9:8

Nokmaiqse raq kra jaqsham ka chhi raüta ahai riito. Kiimaq maiqse ma atinkhan arang kewan kra chhiraüta Shiikeawe ka tiitsam kamto.

Luke 11:2

Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

John 15:8

Namshiq ka apapa tsingo wan lili riihan jiitiq, i We khushü ka mijong wan. Krai mren, namshiq ka, awongsii i jaqshisetiim miishe mija wan han.

Acts 9:36

Kiimaq, Joppa chela na maiqnyung ashi asi. Apaiq mang ka Tabitha. Apaiq ka Jesuq jaqshise. (Apaiq mang ka Grik bom maq Dorkas ngutlo. Kra liichum ka “Chok kaü” nguta ngo.) Apaiq raq arilung ka, nanok khrumke jaqsham na nai miitsan miijan maiqse khrumke niili tiisungto.

1 Corinthians 14:25

Apaiq tsan nai mongjii na, ümchuwa apaiq raq apaü ashan raüta, thü tlaq tiima tsantsii thun kra wiita she michhi. Kiimaq apaiq ka Shiikeawe jichong na bum tlii raütiishe Shiikeawe ka, “O namshiq rai Shiikeawe ka asi dea!” nguta apaiq ngarai kra tiidii tlii maq, Shiikeawe ka mishom noq dam.

2 Corinthians 9:13

Ara namshiq raq phunaino ma honglu khrum jaqmiiq kuq tlan arka, namshiq tsan na Phungmaiqse rilung lungwiitsii tsingo dong man wan tlaq kra, tiichhike hakhi. Kiimaq ara namshiq kamtsantsii jaqsham tsingo, kra chhi raüta nai namshiq raq Khristo aming wokhong na sitlan kra chhi raüta, namshiq ma phunainotiim Phungmaiqsetiim raq Shiikeawe ka mitiitsamkam. Kiimaq namshiq raq, tsangshiq ma nai nanok Phungmaiqsetiim ahinti khrumke miitu, raükhokkhok lanta, honglu hongtan kuq lan kra miitu, Shiikeawe mitiitsam kam.

Galatians 1:24

Kra tai wantaq krai mren, tsangshiq raq ngi lümaq, Shiikeawe jaqsham kra chhi raüta, Shiikeawe lishe tiitsam kamto.

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

Ephesians 5:8

Man na, namshiq min la, ara chongtiikai ranyaq mong na siwan lan ihata. Shatmaq, ümchaü sanha, namshiq ka Tatiwe sengi miishe jawan lan. Krai mren, namshiq ka rawü maiqsetiim she. Kra ningkhan, rawii maiqse jamkho sitlaq, kiikha si rong laq.

1 Thessalonians 2:12

Naishiq raq namshiq ma tsaido jido, sungkhu tsiilam phanchan kuqkai. Kiimaq boqpum wan kai. Laita, Shiikeawe tiichochi chang rilung kli singa rong liijo nguta, noho ikha chongkuq kai. Shiikeawe raq namshiq ka apaiq wokhong na si raüta, apaiq achhai anyii rilung kra riisha wan dam lanta, shongnga miitu hea wanto.

1 Timothy 2:10

Shatmaq, jechakre nyungre miika, tsangshiq raq shamhea kaiwa, athuk atsom jaqsham tlaq kra miitu, nanok raq tsangshiq shomra tlaq kra kata, tsangshiq ma athuk atsom, rahea phan miirii. Arkata, tsangshiq ma riikhaqli Phungmaiqse nyungre kamasham rilung miirii.

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

1 Timothy 5:25

Ikhiisii hali, jaqsham ahea awa asham wan kriika, wiitarü maklii na rashra tiichhi tlo. Kiimaq, nokwe makki na samhea tiichhi mak, atiiban linlin sitlaq kriidea min, tiipaü lot mak, tiichhishat jaki tlo.

1 Timothy 6:18

Tsangshiq ma, shamhea kaihea kli apapa sham ronglaq nguta aming kuq laq. Shamhea kaiwa na tsangshiq ka chiithe jawan ronglaq nguta aming kuq laq. Phanrap na tsan achhü maq, maiq ma keke neinei angu na, kiimaq nanok rai riiphea riinyin raüta si ronglaq nguta chongkuq laq.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Titus 2:7

Phanrap na, ümniiriika ümbom ümnyiim na, ümjaq sham ümkai wa maq tiichhikuq laq. Ümniiraq nanok ma trahokuq tlaü na, tsapkapkapse maq, kiimaq atsi dada maq chongkuq laq.

Titus 3:14

Nashiqnok Phungmaiqsetiim riika, jamlai phan minshiiq raü wa ahea miraq, kra phan ka sham chang. Akha minshiiq shiichaq wan raütiq, akhek amu khrumke chang raa tlaqti ma, khrum kongphiq jaqmiiq ka mikuq ne wan lot. Tsangshiq rilung ka lam ahü na, shaphaq raa mak.

Titus 3:4

Shatmaq, Shiikeawe nashiq Chhiiti we raq, maiqse angu tarü miitu apaiq lungwiitsii nai mangchan tsii jonghea rüm tlaq kra, nashiq ma tiichhikuqto she. Kra akhing ranaiq na nashiq ka chhii wanto she.

Hebrews 10:24

Weshi raq weshi miitu tiima laita si rong i. Riilung riiwii laita si rong i. Kiimaq weshi raq weshi ma, shamhea kaiwa shamkuq laita si rong i.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 Peter 3:1

Akhiisii hali, Phungmaiqse ta-nyungre lei, namshiq min maiqmii we asetiim wokhong na saksi minmi maq shongnga raa tlo. Namshiq rong arai athuk atsom maq siwan kra chhi raüta, tsangshiq phong wa, weshi ra ka Tsütsa Ahea ma kam makti li siraü min, mikam wan. Akha shonga han jiika, namshiq raq tsangshiq ma kamwan ronglaq, nguta chongke rea ngo min rarai mak li.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.