Matthew 5:15 - ASII LAKDAP Bible (BSI)

¹⁵ Jurmin lemtem ka tiinyai raüta taükok maq hong baiq mak. Kra rii na khoti lemtem ka atochang na mito. Krai mren, jam mong na maiq ümchu wa sitlaq kriima walüli asi miraq.

Hawa Naga Bible 2001

¹⁵ Kvmaq wvrkok tvluic vtueq tvmtuiuc maq puingc tvy jix kuex ukhaq muinz vguez, wvrkok tochuing nuex tux vtueq yuimx nuex httaz yaq miq lotlaz tvkoc tvlez kuq yaq.

Muklom

¹⁵ Miq aa nalpang sha thajung eq khowan eq hop shing moq. Etharin taap o shing aa. Irimal ang ajo himtey thaji eq wallit kapna.

Matthew 5:15 Referencias Cruzadas

DUNGWVNC 25:37

Lem-khamchong kiijaq thü chang lemsetiim ka miishi klolaq. Laüta lem thun ka rin nü na aheawiq liliim chang miitu atochang na tiihong thütaq.

JEKERIA 4:2

Apaiq raq, “Ümniiraq jamlai wa chhitlaü?” nguta waito. Kiijiishe, “Wakok tochang kham chaq maq alo chhitiikang,” nguta ngi raq trekang. “Kra kham thaq niika nüchhongpin waniikham thiichang asi riito. Wakham thaq na wakoksetiim miishi atiinyai chang, wajamtasetiim min miishi asi riito.

WEAWEA 8:2

“Aron ma chonglaq, ümtiikiiwa apaiq raq lem setiim miishi kra atochang khamchong kiijaq totlaq akhing na lem li raq khaki nü siim kra liliim chang mitiinyailaq.”

Mark 4:21

Kiimaq Jesuq raq tsangshiq ma chongto, “Lem ka tlü raüta, taükok maq juro pang tla? lo, changdü takiq na juro totla? Lem ka ato chang na mito riimak sha?

Luke 11:33

“Jurmin lem ka tiinyai raüta, paü mak. Lo, lemtem ka taükok maq hong mak. Kra rii na, lemtem ka lem tochang na mito. Krai mren, maiq jam mong na wati ma, walüli asi miraq.

Luke 11:36

Riita, ara chongtiikai akha, ümkhum ka wiipumtam na, walü li ka liliim tlaq jiika, ashok ano thun niimin ranyaq mak miraq. Kra ngu haü jiika, wiipumtam na walüli wa li she miraq. Kriika lemtem ashi ka ümkhum thaq na achhai anyii liliim tlaq ikha miraq.”

Luke 8:16

“Jurmin lem ka tiinyai raüta, taükok miika pang baiq mak. Kiimaq, changdü takiq niimin tobaiq mak. Kra rii na, lem ka atochang na mito. Krai mren, maiq jam mong na nyap wati ma walü li hea la miraq.”

Philippians 2:15

Akha sihan jiitiq, namshiq ka jamlai shutphit min ahü, siirairai awongsii Shiikeawe setiim ma mija wan lot han. Namshiq ka ara boqtham chum ikha, mangjong ngarai maiqse phong na sitlan. Namshiq ka tsangshiq phong na, ra na raiqsaiq chhainyii liliim tlaq kiikha, achhai anyii maq si rong laq.

Hebrews 9:2

Shiikeawe shomnoq chang ka tombu maq, jolitiip chan tlo. Kra tiip ka among na khok anai asi. Rin khokti kriika, Asii khok nguta ngutlo. Kra khok mong niika, piijongteng tochang nai ramwebi raq Shiikeawe ma honglu na akuq winsii thü chang chamrii thü tlo. Chamrii na winsii ka thü ruq phan.

Revelation 2:5

Tiima rong laq. Namshiq ka ümtinkhan tsaü diikiq niishe wa dea wan lan! Arkha maq, ümchaü min, namshiq ngarai lam wa ngi phana jang wan tlo ronglaq. Lanta, man na aphaji na ngi ka jamkho lungwii lan, ikha hali lungwii lanta sironglaq. Namshiq ngarai lam phan wa jang wan man la jiila, ngi kilata namshiq lem ka ato chang ba wa ado mirki ha.