Matthew 5:16 - Hawa Naga Bible 2001

¹⁶ Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.

ASII LAKDAP Bible (BSI)

¹⁶ Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Muklom

¹⁶ Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

Matthew 5:16 Referencias Cruzadas

DUNGWVNC 34:35

kvkaq Israel miqsaz rueq piq htvlx vphez vlez kuex khiz wuez tueq. Kvruex yimaq piq kuex Yehowa rulc lauk shiz max rvbomc wawwawx vhtvlx kuex phajet maq puingc taq gay yaq.

TAKSU LAK 4:18

Tsuingrux jix khuemc juing lvmx kuex shalx dung wvnc yaq ikhoc yaungx yaq, kvruex kuex raungnuiyq raungwuix wvnc yaq nuex httuiuc laz, pinhtumc wuix wvnc yaq.

ISAIA 58:8

“Kvruex yimaq ngvy htvlx kuex raungnvp shalx phez ikhoc phez vtueq nuimshiq htauk nuex httuiuc tuex, nuimshiq thuiuz vsac kuex yauk lox hvlx kaz tuex. Ngaz rueq nuimshiq kuex palc wvnc vtueq mkaq muinz nuimshiq rulc vdvmz; shuk ruip saz maq raz tueq ngvy ngauz vngax maq nuimshiq muex tvkhup wungx phaungx.

ISAIA 61:3

Zion nuex yonzyex yaq jix hez muex Vyonz vyex tvraung kokez shuenruenc juing, Thuinz bac tvraung vshic vngoyc tvtsvmc juing kuy tvkoc tvkaz phuex. Tsuingshiq kuex Yehowa vpiq rueq Vkhic pulx htenc ikhoc yaungx tuex. Tsuingshiq rueq vlvmz yauk shuimc lotlaz kuex shuimx wuez shuex, Tishox kuex vpiq rueq shuimx wvnc tueq yauk shuimc htenc ningkhvnc nuex tvtsvmc kvmc rvhumc tuex.

Matthew 23:5

Tsuingshiq rueq shuimx yaq yauk shuimc phvnx ruip saz kuex miq rueq khiz laz juing ngoz tueq shuimx yaq. Tsuingshiq khaungx nuex nuiyc yauk phumz nuex rumvrc bomc poz vwuiyq tvkop taq hanphax phux yunghvlc hvlc tvhungx guirx vtueq paungc yaq kuex lawc shuinz! Tsuingshiq svmhung hungyungx htenc nuex vnac wuinx kuex loayc hvlc hvlc raz tueq tvwuirx wawz kuk svmx yaq.

Matthew 23:9

Nuimshiq rueq ghaq htauk vwawc ukhaq muex muinz ‘Iwaz’ ngoz tueq nauk ngoz kaz, Yvmx khoc lac ngoz ruiux lec nuimshiq Waz kuex raungmungx nuex washiz dvyx httax yaq.

Matthew 5:45

Kvkhoc ngoz ruiux yuq, raungmungx nuex httax yaq nuimshiq Waz vpiq saz muex yaungx lvp tuinx, yvmx khoc lac ngoz ruiux lec miqhvlx nuiyc miqbac lotlaz khux htauk nuex vpiq shalx tvkawc kuq yaq, vhvlx yauk shuimc jix nuiyc vbac yauk shuimc jix lotlaz khux htauk nuex raungx tvyunc kuq yaq.

Matthew 6:16

“Nuimshiq rueq phuiuz svy mamc ruiux yuq kvyonc yuk jix miq ikhoc htvlx tvyuiuq shvmx nauk tvkhic kaz. Tsuingshiq kuex miqmac rueq phuiuz svy mamc yaq lvmz tvkhic roc vtueq, tsuingshiq htvlx kuex tvyuiuq wuez yaq. Nuimshiq muex vsuing jungx ix, tsuingshiq rueq miqmac yauk mauk kuex vlvp lvy wuez shex rvtueq.

Matthew 6:9

Kvkhoc rvtueq nuimshiq rueq vkhoc vjux thoz shuinz: ‘Raungmungx nuex httax yaq nuiyshiq Waz lex, Vsawc mmuingc kuex mtvtsanc nganc wuez shueq;

Matthew 9:8

Kvruex khic jix miq vkung vdaungx htenc kuex hiyaz vtueq, mungkawx miqsaz muex vkhoc vrangx vpangx kuy jix Tishox muex tvtsvmc wuez tueq.

Luke 11:2

Yesu rueq tsuinghez muex, “Nuimshiq rueq vjux thoz ruiux yuq vkhoc thoz shuinz. ‘Iwaz lex: Mmuingc vsawc kuex mtvtsanc nganc wuez shueq; Mmungtan kuex mhttuiuc wvnc kueq.

John 15:8

Nuimshiq kuex vthuey vngoz paunghvlc thuey ningkhvnc nuex Iwaz ngauz vngax kuex tvdung kuq tuit, kvkhoc maq nuimshiq kuex ngvy sangac hez muex yaungx wvnc tuit.

Acts 9:36

Joppa ghaq nuex vmuingc Tebitha ngoz yaq kvmluimx jix miq nyuiuz shiz httax tueq. (Piq muingc kuex Greek kvjaz maq Dorka ngoz tueq, vlvmz kuex “Khiyix” ngoc bomc rvtueq.) Piq rueq piq vkhing nuex yauk shuimc vhvlx shuimx vtueq htemc saz jix muex romc kuy yauk noalc lvmz nuex shuimx kaz yaq rvtueq.

1 Corinthians 14:25

Piq rueq tay wvnc tueq bomjungc htenc ningkhvnc nuex piq thuinz vmungx nuex phoc kuy rvhumc ruiux, piq rueq mungyumx maq dvnc yaq htenc kvkhic wvnc vtueq, “Vsuing Tishox kuex nuimshiq rulc vdvmz nuex vyuq httax yaq,” ngoz tueq kvjungc tuex.

2 Corinthians 9:13

Nuimshiq rueq shuimx kaz wvnc tuit yauk shuimc layx vhvlx ningkhvnc nuex miq paunghvlc kuex nuimshiq rueq Christu shuenruenc bomjungc kuex tvmtuing maq malc kvmluimx wvnc tuit ningkhvnc nuex muinz, nuimshiq rueq vkuy roc thuinz maq tsuingshiq muex nuiyc vganc miq htenc muex hungx laz htaungx laz kuq noalx tuit ningkhvnc nuex muinz, Tishox ngauz vngax kuex tvtsvmc wuez shuex.

Galatians 1:24

Kvkhoc rvtueq nuimshiq rueq ngvy ningkhvnc nuex Tishox ngauz vngax kuex tvtsvmc wuez vshuinx.

Ephesians 2:10

Naungshiq kuex Christu Yesu rulc vshiz yaungx vtueq, vpiq rueq vtvhungx htaungx shec yauk shuimc vhvlx kuex shuimc kay tvkoc, Tishox rueq naungshiq kuex tvdung sung shec phuex.

Ephesians 5:8

Mvnnuex nuimshiq kuex raungnyauk mungx nuex httax wvnc tuit, yuq muinz majuiuc kuex Taungjix miqsaz htenc muex yaungx wvnc vtueq raungwuic nuex shex httuiuc wvnc tuit. Kvkhoc rvtueq nuimshiq kuex raungwuic miqsaz htenc ikhoc shuimx kaz wuez shuinz,

1 Thessalonians 2:12

Nuiyshiq rueq nuimshiq muex hungc vlaungc kuy kvjaz jungx kuq wvnc phix, thuinhvlc juing muinz tvlvp kuq phix, vpiq Mungtan nuex nyuip tvkoc nuiyc ngauz vngax lvp wvnc tvkoc nuimshiq gvlc wvnc jix waz Tishox rueq raungc raq yaq rullungx tvraungx lvmx nuex khuemc wvnc tvkoc jungphvnx kuq wvnc phix.

1 Timothy 2:10

nawk palx htungx rvkhauk laz phvnc jix yalxjuik rulx tvkoc shuimc aungx yaq lvmz rulc rv-ngvlc vhvlx honc vyaungc maq miqmac shauk pumz kuex mkvpemc marc kueq.

1 Timothy 5:10

Kvruex dvyx muinz rvmuq, piq kuex vhvlx lvmx nuex muingjungc vhttax nyuiuz yaungc rax tuex, miqmac suiuz vsaz kuex vhvlx waq tvkhup wungx tsvp kvp jix, wuinz waz malc thenc jix, Christan phunox bix nuex seng vtueq shuimc rax yaq gurc htenc kuex thuinz tvyomx vtueq gurc pic jix nyuiuz, kuilc daz rvhumc jix muex romc kuy jix nyuiuz, vhvlx yauk shuimc kuex shuimc kay jix nyuiuz ruec rax tuex.

1 Timothy 5:25

Kvrulc rv-ngvlc vhvlx yauk shuimc kuex sawc riric kvkhic yaq, tsuirmuirx rawmawz htenc doc muinz httuiyq puiuc lot shuex rvmuq.

1 Timothy 6:18

Vhvlx shuimc kay tvkoc muinz, vhvlx yauk shuimc nuex rungwanx wvnc tvkoc muinz, miq vganc muex phvlc shuinc kuy lvmz nuex muinz, hungx laz htaungx laz kuy tvkoc tvyoalc yoalx maq mhttax wuez kueq tsuingshiq muex jungphvnx kuq shuiuz.

Titus 2:14

Naungshiq kuex layx bac phvnx lotlaz wawc palc wvnc tvkoc muinz, naungshiq kuex thuinz vsawc maq vpiq muex dvyx seng yaq miqphvnx muex yaungx vtueq, vhvlx yauk shuimc muex thuinz tvyungc wvnc jix phvnx yaungc tvkoc muinz, Christu kuex naungshiq laung nuex vpiq shauk vpumz lekuq gay tueq.

Titus 2:7

Phvnx ruip saz shuimc vkay lvmx nuex mshauk pumz kuex vhvlx honc vlayx yaungx kuiuz. Phaungx duing vthuiuz vsungx maq tvluing kuq shuiuz.

Titus 3:14

Shungc vngaungc phuiuz vsvy muex vsuing rax yaq kuex lvp wvnc tvkoc, naungshiq phungc miqsaz htenc rueq miqmac wuk tvkoc nuex vhvlx phvnx yauk shuimc kuex shuimc kay muex tvluing kuq shuiuz, miqmac rueq vshuimx yauk shuimc kuex khuec guez muex nauk tvyaungc gay kaz.

Titus 3:4

Yuq muinz naungshiq Palc daungc jix waz Tishox kejux maq menjenc thuinz nuiyc lungwawc thuinz dung wvnc vtueq,

Hebrews 10:24

Naungshiq kuex vdvmz dvmz tvtsanc nganc vtueq, vdvmz dvmz rvromc lawc ruiux rvlungwawc thuinz tvkhic wuez vtueq vhvlx yauk shuimc shuimx wuez ix.

1 Peter 2:12

Kvmluimx muq miqsaz rueq nuimshiq ngoc honc vbac lvmz shuimc kay jix htenc ngoz tueq tvmaung ruiux yuq, nuimshiq vhvlx shuimc vkay khiz lvp vtueq Taungjix httuiuc kaz yek tuex Raungnuiyq nuex Tishox muex mtvtsvmc kvmc shueq, nuimshiq kuex tsuingshiq htumc nuex nuimshiq honc vyaungc lvmz svp rvp hunghtaungx wuez kuinz.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

1 Peter 3:1

Kvrulc rv-ngvlc vnyuiuz tamx lex, miqmac taungwaz rueq shunshvlx yaq kvkhoc phvnx wuez shuinz, kvkhoc phvnx vtueq nuimshiq nuex Tishox bomjungc muex kvmluimx muq shauk vtaungx waz lomx ruiux kuex, nuimshiq rueq phvnx shuinx honc vyaungc kvraq tsuingshiq kuex kvmluimx wvnc tuex, nuimshiq rueq nuix maq jungc kuy muinz rac muq,

1 Peter 3:16

yuq muinz kenrix maq tvtsanc nganc vtueq tvralc shuinz. Nuimshiq muex wvlc guez tvyaungc vtueq ngoc ngac jix htenc rueq, Christu kungjix bix ikhoc maq nuimshiq vhvlx honc vlayx kuex khiz ruiux yuq, tsuingshiq rueq jungx gay tueq lvmz nuex seng vtueq yvlc svy mrvhumc kueq, nuimshiq thuinz vmungx sawc riric maq httax wuez kuinz.

1 Peter 4:11

Miq vshiz shiz rueq jungphvnx kuq ruiux yuq, Tishox bomjungc kuex mjungx phvnx kuq shueq; miq vshiz shiz rueq juiux kax kuq ruiux yuq Tishox rueq vkuq hungc vlaungc rulc rv-ngvlc mshuimx kaz shueq; kvkhoc ngoz ruiux jix shuimx kaz wvnc shuex lotlaz ningkhvnc nuex, Yesu Christu maq Tishox ngauz vngax kuex tvdung wvnc shuex. Yesu Christu kuex ngauz vngax nuiyc luimc vkawc kuex pattup pat-sac mhttax wvnc tueq. Amen.

1 Peter 4:14

Nuimshiq kuex Christu yix phvnc jix hez rvtuit ningkhvnc nuex yomnamc rvhumc ruiux yuq thuinhvlc httax yaq; kvruex kuex ngauz vngax httax yaq Tishox Siyac kuex nuimshiq htauk nuex httax naungx yaq vlvmz rvtueq.