Matthew 5:19 - ASII LAKDAP Bible (BSI)

¹⁹ Arkha maq, jurwa Thungtri aming raütu thun kiiwa, bomno bomni se jin wan tlaq, kiimaq nanok miimin kiikhiisii hali ralangse ka jin wan mimai nguta tlang kuq wan tlaq, kriiti ka Shiikeawe sengi liipan na aran pinthum miraq. Shatmaq, jurwa Thungtri raütu ka lang wan tlaq, kiimaq nanok ahinti miimin kiikhiisii hali tlang kuq wan tlaq, kriiti ka Shiikeawe sengi liipan na ajong pinthum miraq.

Hawa Naga Bible 2001

¹⁹ Kvkhoc rvtueq, ukhaq yuq muinz vnvrc bomc htenc vwawc vruinx pinhtumc bomc poz kuex phvnx muq maq tvlvlc gay ruiux, miq vganc muex kuex kvkhoc phvnc tvkoc tvluing kuq ruiux kuex, raungx Mungtan nuex vruinx pinhtumc waz muex yaungx tuex. Yuq muinz Tvrac kuex phvnx tvhungx vtueq vganc jix muex muinz kvrulc rv-ngvlc shuimc tvkoc tvluingc laungc kuy jix waz kuex raungx Mungtan nuex vyungx muex yaungx tuex.

Muklom

¹⁹ Ethi rangma utang aa amaan sa thong sha som hung aa, miq dak ma iri thong raa som ma tatal ajo, piq Rangmungtan na thaji phey wang aming angna. Etharin, utang aa thong sha som eq miq dak ma iri thong raa somlot ma tatal aa, piq Rangmungtan na thaji phey wang eq ajong angna.

Matthew 5:19 Referencias Cruzadas

Tvtsvmc 119:128

Kra ningkhan ümniiraq tsii chongtlaü ka ngi raq wiita langtiikang; Ngi raq ashut lam thun tlotli tsaihai tiikang.

Tvtsvmc 119:6

Ngi raq ümnaq aming thun kunli kra langlata siha jiila, ngi ma jea tiingaümak miraq.

DANIEL 12:3

Taksu maiqse welabi thun ka ra na rakhang chhaitlaq kiikha michhaisiq wan. Kiimaq maiqse ma kechu rilung lamphan tlangkuq wantiiti thun ka, ra na raiqsaiq chhaitlaq ikha pattup pat-sa mililiim wan.”

Matthew 11:11

Ngi raq chongtiikang arka tengteng. Khamlamketi we Johan ka ümchaü niitaq maiq ümchu wa siwantaq, kra wiita thaq na ajong pinthum. Shatmaq ümchaü Shiikeawe sengi phong wa juwa aran pinthum nguta siwan tlaq, kriiti ka Johan thaq na ajong.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 20:26

Shatmaq, namshiq liipan niika, akha siwan ka maimak. Namtsam liipan wa juwa ajong ma jawan ro tlan, kriiti ka tarü jaqshise ma ja wan ra tlo.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Luke 11:42

“Namshiq Phorisinok ma pinthum phiiptsi chang asi! Namshiq raq Shiikeawe ma aroq khu wa honglu ka jurai liirai süse tapan jaq thun kra, kiimaq weashaü tiihom phaq chang sang asong jaq thun kra kuq tlan. Shatmaq, tri raü sham kriika shiiting rai man riitlan. Kiimaq Shiikeawe ma lungwii tsantsii ka thü wan man, shishe tlan. Arthun ahata, akhek jaqsham ka. Ara tiitsuq miishetiq abi jaqsham chongtiikai thun kra sham han chang wa.

Luke 9:48

Raüta tsangshiq ma chongto, “Liirong laq, jurwa ara nonose ara, i mang na tao tlaq, kriika ngi tao tlo. Kiimaq jurwa, ngi tao tlaq, kriika ngi tiikaiti we kra tao taitlo. Ara jamkhano akha chongtiikang ngukla, namtsam phong na, juwa aran pinthum nguta sitlan, kriika wiitarü thaq na ajong pinthum.”

Acts 1:1

Lungwii Kongti we Theophilas: Ngi raq awaiqha apha shaqshaq lakdap na, ngi raq Jesuq jaqsham manphan ka, apaiq raq ajaqsham phaho ranaiq maq süpha wan lata,

Romans 3:8

Ikhiijiika akhli ngu rong i na, “Ai ahea dea. Ngarai khoti apapa tang laita sirong i na. Krai mren, Shiikeawe khushü ka jonghea tiijong ruq li riima,” nguta maiq wiijamti raq chong tlo. Maiq wiijamti raq, ngi raq nangnga akha bom tlo nguta, tsangshiq shut ka i nübok na sukkuq raüta, ngi ka trot kiq tlo! Shiikeawe raq tsangshiq ka akha, aku anong bom tlaq arkha na, kha ma ka jonghea mitiiho kuq wan.

Romans 6:1

Riita ikhiijiika, nashiq raq jamlai she wa mingu rong i? Shiikeawe raq apaiq ramkhap ka, apapa tiishowo raüta, nashiq ma ram mitiibok kuq laq nguta, nashiq raq ngarai ka apapa tang wan wan, laita sha misi rong i?

Romans 6:15

Riita, ümchaü ka nashiq raq jamlai riichong chang she wiita? Ümchaü sanha, nashiq ri thungtri wokhong na simai she, shatmaq, Shiikeawe kaphap mangchan wokhong niishe sitiikai ngo kha maq, nashiq riika ngarai sha mitang rong i? Riimak! Kiikhiika ümtiikiimin riimak.

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

TRI CHONGKE 27:26

“‘Jurwa Shiikeawe tri raütu thun tlotli kiimaq tsü chong bomtsi shrinkuqtaq thun tlotli lang mak, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

Titus 3:8

Ara chong tiikai bomtsi arka tengteng bomtsi. Ngi raq ara lak na waiq kang bomtsi thun ara, atsidada maq chongkuq laq. Akha jaqkhon tiipha shat maq chongkuq wan raütiq, Phungmaiqsetiim raq tsangshiq tsan atsi maq shamhea kaiwa jaqsham ka misham. Arka wiitarü miitu, athuk atsom jaqsham kiimaq wiitarü ma amet dong chang asi.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.

1 John 3:4

Jurwa ngarai tang tlaq, kriika Shiikeawe tri jin tlo. Tri jin ka ngarai.

Revelation 2:20

Shatmaq, ngi raq namshiq ma tsantiibi chang lam ka ara: Namshiq raq jechak nyung Jejebel ma trahoke miitu kilü dikuq tlan. Apaiq ka arot shammi nyung. Apaiq raq arot bom chongke lümaq, i sengi ka ngarai lam na sheaho tlo. Apaiq raq tsangshiq ka sethoq sepii ngarai lam na tiishon tlo. Kiimaq sumla phra noq ma akuq ngam kra tiiphaqsiq raüta ngarai na tiidea tlo.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.