Matthew 5:20 - ASII LAKDAP Bible (BSI)

²⁰ Arningkhan ngi chongpha. Namshiq ka Phorisinok nai Thungtri shrinketibi thaq na achan linlin miishe, Shiikeawe aming ka tsapkapkap maq lang wan han jiitiq, awongsii Shiikeawe sengi ma mija wan lot han.”

Hawa Naga Bible 2001

²⁰ Ngaz rueq nuimshiq muex jungx kuq ix, Tishox thuinroc lvmx phvnx vshuinx lvmx kuex Tvrac tvluingc waz hez nuiyc Pharise hez htauk nuex jvnc muit ngoz ruiux kuex raungx Mungtan nuex nyuip lvp tuinx rvmuq.

Muklom

²⁰ Ethi rangma, nga nim ma bat phang, nim asing sha Phorisi miqtang ni thong tataltey tang asing wang ahan ang ching. Ethimal ang min ang inn jo, nim Rangmungtan náng nop min ang nin.”

Matthew 5:20 Referencias Cruzadas

Matthew 16:12

Kra tiitsang chongkuq kiita shetiq, ajaqshisetiim raq apaiq raq tsangshiq ma pithob maq shiiton chongtaq kriika Phorisinok nai Sadusinok traho bom chong kra nangnga ngutlo ngutiishe takto. Apaiq raq tsangshiq ka winsii sho chang pithob kriima honkam bom ka riimak nguta sapto.

Matthew 18:5

Kiimaq jurwa i mang na ara nonose akha siwanti maiqse kra tao wan tlaq, kriiti riika ngi tao wan tlo ngushat.”

Matthew 3:10

Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Matthew 7:21

“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Mark 10:25

Kumtsong ka maichhi khu maq lealot mak. Hahea. Shatmaq, kra thaq niimin chiithe maiqse ma, Shiikeawe Mungtan na nyap wan ka hahea pinthum.”

Luke 11:44

Namshiq ma pinthum phiiptsi chang asi! Namshiq ka maiq malap chang ma chiim raükhu ma athü ikha sitlan. Maiq akhumti raq, hemak lam maq, maiq ma chiim niratki raüta, akhum ka tiishe tlaq ikha sitlan.”

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 18:17

Ara tsan na tiitsang rong laq! Jurwa Shiikeawe Mungtan ka nonose raq taotlaq akha taomak, kriiti ka ümtiikii jiimin, Shiikeawe Mungtan na saülot mak miraq.”

2 Corinthians 3:9

Maiqse ka ajiq nguta shrabaiq raüta tiitsai baiq chang Thungtri ke akhing na, atinkhan achhai anyii ngao maq kuq wantaq jiika, tsitsü tiichhii wan chang jaqsham lam niika, ümtinkhan she wa michhainyii riila!

2 Corinthians 5:17

Maiqse ashi ka ümtiikiiwa Khristo raishe tiipum wandam tlaq, kriiwe ka maiq nye tingsang atiiq wan miishe klai kitlo. Apaiq rilung achu ka thumto she. Apaiq rilung ka anye tingsang she.

Philippians 3:9

Kiimaq klang maq, apaiq rai tiipum tlii maq siwan miitu tsuqbaiq kang. Thungtri lang lata alap wan kechu rilung ka, i khum na ahü she. I khum na, ümchaü sitlaq kechu rilung arka, Khristo ma kamtsantsii thü kangta akuq kechu rilung kriili she sitlo. Arka kamtsantsii khuthaq na seng raüta, Shiikeawe raq akuq.

Hebrews 12:14

Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.