Matthew 5:18 - Muklom

¹⁸ Nga khakla hun bat phang, mungtan nia mingkang haq uthun angna, etha thaji thun wey moq jakho, Shkewa thong wang aming raaq tho matwang moq angna.

ASII LAKDAP Bible (BSI)

¹⁸ Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Hawa Naga Bible 2001

¹⁸ Nuimshiq muex ngaz rueq vsuing jungx kuq ix, raungx nuiyc ghaq httax ruq wawwawx kuex Tvrac wawc luik kuiux thuey poshiz nuiyc vruinx saz kvjaz tvpat vshiz doc muinz moz maq kaz muq, kvruex luik nuex jungx shec tueq lotlaz kuex hungx wvnc tuex.

Matthew 5:18 Referencias Cruzadas

Matthew 10:15

Nga nim ma khakla bat phang, Khaphung Saal o Sodom ni Gomorrah samhaq miqtang ma iri samhaq miqtang phey náng eq Shkewa manchan ahan takhina.”

Matthew 10:23

Ning aa nim ma ashey samhaq na thahikham phin jo, nim adak samhaq náng jol chuwang inn. Nga nim ma asing batphang, Miqna Sa thuwey pha moq jakho, Israel mung thaji samhaq náng nim ka min ang nin.

Matthew 10:42

Nga asing bat phang, i jiphantey tang wang thaji phey náng eq aming sha i jiphantey ta sam eq, jungki thaling ajo ning aa jaksom thang kapna.”

Matthew 11:11

Nga nim ma asing bat phang, John jung thalamtey wang ajong utang tho chang wey moq. Etharin Rangmuntan na thaji phey náng eq aming sha John wang ajong.

Matthew 13:17

Nga asing batphang, nim aa bara jin khi inn, iri tang raa siin ma daqhan rangsamal tang etho daqhan asing miqtang nukta, etha otho ning aa jin siin moq angta; nim aa bara tat inn, iri raaq tang raa ning aa tat ma nukta, etha otho ning aa jin tat moq.”

Matthew 16:28

Nga asing batphang, Miqna Sa tha Lungwang ang eq kapha sha khi wey min náng duk, thanga iro lang aa chamtey miqtang sha ti moq angna.”

Matthew 17:20

Jesu aa batta, “Chammatakoi nim kam rapney aney! Nga nim ma asing batphang, nim kam jungqhang li mal ang ajo, nim aa iri aluk kan rima jin bat eq nin, ‘Iri wang eshináng ka u’ etho eshimal hun kana. Nim aa thaji jin som eq nin.

Matthew 18:18

“Nga nim ma asing batphang, nim aa mingkang na chamlang khak inn, mungtan na tho esha hun khak nin, etho nim aa mingkang na chamlang qhang inn, mungtan na tho esha hun qhang nin.”

Matthew 18:3

Etho batta, “Nga nim ma asing batphang, nim tin kaley eq nijangsa tang mal ang min ang inn jo, nim baluk otho Rangmungtan náng jin nop min ang nin.

Matthew 19:23

Jesu aa ujiphantey tang ma batta, “Nga asing batphang! Tanglom miq ma Rangmungtan náng thu ma rapney ahal angna.

Matthew 19:28

Jesu aa batta, “Nga asing bat phang, mingkang anal rangham tho, Miqna Sa lungwang ang eq phun amun tongching na tong ajo, nim asi ani i jiphantey tang sha asi ani tongching na tong eq, Israel asi ani phan sha khaphung nin.

Matthew 21:21

Jesu aa ning ma thawel batta, “Nga nim ma asing batphang, nim aa uhan eq nin etho naan min ang inn jo, nga bara phokbaang bang jamoq somlo táng irimal jaksom nim aa jin somlo eq nin. Iri chen ang moq, iri ajong kan rima thalat eq jungshi náng ka u ta nang aa bat ujo ukat angna.

Matthew 21:31

Ning ni thiwang uwa raaq bari wa shey tatta?” Ning aa batta, “Phokho wa shey.” Jesu aa ning ma batta, “Nga nim ma asing batphang, phunta qheytey tang etho sathuk miqnu tang nim náng eq jakho Shkewa Mungtan náng nopna.

Matthew 23:36

Nga nang ma asing raaq batphang, iri thaji tharo tasam raa iri rangham miqtang ma thu phana.”

Matthew 24:2

Jesu aa ning thima batta, “Nim aa iri tang raa ukhi eq chey inn. Nga nim ma asing batphang, iri thaji raa uthun angna. Long kho wang, long ashey tho lun moq angna.”

Matthew 24:47

Nga nang ma asing batphang, eshi sanga thima piq aa ulik angin sha siin ma shing na.

Matthew 25:12

Thariktey wa they thawel batta, ‘Nga nim ma asing batphang, nga nim sam pha mong.’”

Matthew 25:40

Esho Lungwang wa they thawel batna, ‘Nga nim ma asing batphang, nim aa ijiphantey tang wang thaji pheynáng eq aming jam tho som tin, esha nim aa ngama somlo kota phin.’”

Matthew 25:45

Piq aa thawel batna, ‘Nga nim ma asing batphang, nim aa ijiphantey tang wang thaji phey náng eq aming jam tho bara som min ang tin, esha nim aa i rangma somlo min ang tin.’

Matthew 5:26

Nga nim ma bat phang, chamtan namtu sha dok ko wey moq náng duk, nim chuk o hun tong nin.”

Matthew 6:16

“Nim wokcham tong inn jo, takhi eq somtey mal nak tong inn. Ning aa miq ma takhi rangma, thalkho tasang hung aa tong aa. Nga nim ma asing batphang, ning aa jaksom thang thaji jin kap sey ta.

Matthew 6:2

“Nim aa miq ma chamli lang ko inn jo, takhi eq somtey tang mal synagogue nia miq lam o takhi eq nak som inn. Ning aa miqtang jakho o rapney aqhal miq ta takhi ma irimal somlo aa. Nga nim ma batphang, ning aa jaksom thang thaji sha kap sey ta.

Matthew 8:10

Iri raaq raa tat eq Jesu rapney patja ta etho ujio kattey tang ma batta, “Nga nim ma batphang, Israel na piq mal rapney kamtey miq sha nga khi wey mong.

Mark 10:15

Nga nim ma asing eq bat kot taphang, utang eq Shkewa mungtan sha nijang sa mal tunsol min ang inn jo, piq baluk o tho eshináng nop moq angna.”

Mark 10:29

Jesu aa ning ma batta, “Nga nim ma asing eq bat phang, utang eq i rangma nia tungtang qhal rangma uhim sha tia uno tang nia una tang sha tia nu nia wa sha tia usa tang sha pik nia haq tang sha shingchak ajo,

Mark 11:23

Nga asing batphang, utang eq tho iri haqkangma batna ‘Iri wang tatun eq jungshi náng qhatwang ka u’ etho tin o nan hunga piq aa bat aa raaq sha angna ta han inn jo, piq rangma eshimal hun angna.

Mark 12:43

Jesu aa ujiphantey tang tha hal eq batta, “Nga nim ma asing batphang, thaji miqtang wang iri tangshit notinu rey hun thaji phey wang ngin ahan sakta.

Mark 13:30

Nga nim ma asing batphang, iri raaq tang tahom wey moq nángduk, iri pat raa thun moq angna.

Mark 14:18

Ning phaksat eq ma tong atho Jesu aa batta, “Nga bat phang, nim jaktung wang ashey nga raa thalot phanáng.”

Mark 14:25

Nga nim ma asing batphang, nga Shkewa mungtan náng wang eq anal sutichi ling moq nángduk, nga baluk otho sutichi raa ling mong ang náng.”

Mark 14:30

Jesu aa Peter ma batta, “Nga asing bat phang, thaney rangpal o hun, wo takni wal wey moq jakho, nga piq raa sam mong ta náng aa taktom batnu.”

Mark 14:9

Nga nim ma asing batphang, iri mingkang ro barina tungtang qhal raaq sha bat ko ajo, piq aa som ta raaq sha tasik eq na.”

Mark 3:28

Nga nim ma asing batphang, miq eq chamtan ngarey jaksom lot somlo ajo tho etho chamtan jashit raaq ajo tho, ning sha jin tolchak eq na.

Mark 6:11

Etho chamtey tey haq wang miqtang shey nim sha thawan moq ang ajo etho nim tung aa raaq sha tat moq ang ajo, nim jaa wang buk shi thal nak shing eq ethiwang thalat chuwang inn. Esha ning ma uthun raaq angna!”

Mark 8:12

Jesu aa jajong hal tak hum eq batta, “Thaney nap miqtang aa chamma patja jaksom lot somlo eq takhi rangma chu aa? Nga asing batphang! Ning aa chamtho maal kap moq angna!”

Mark 9:1

Etho Jesu aa ning ma batta, “Nga nim ma asing batphang, Shkewa mungtan tarong wang kat ukhi náng duk irina langtey tang wang chamtey miqtang ti moq angna.”

Mark 9:41

Nga nim ma asing batphang, utang eq tho nim sha Khristo miq ta ang tungkang o, nim ma kok shey jung thaling phin jo piq aa jaksom thang kapna.”

Luke 11:51

Abel tatik ta thiwang tha som eq Zechariah nángduk, bara rongthung nia Asang haq jaktung na tatik chakta, iritang thaji wang tsamnang sha thaneynap wang miqtang aa kapna. Ang ang aa, nga batphang, thaneynap miqtang rey ning tatik ta tsamnang sha ukap eq na.

Luke 12:37

Tangteywa thu ajo sanga tang athing kap khi atho eshi sanga tang ma sunmaan! Nga asing batphang, tangteywa rangkho samkhong sha chok eq usanga tang ma til satma tatong na, etho urelnáng ka eq chukdap kotna.

Luke 13:35

Iri rangma nim Rangnuk him changpol angna. Nga nim ma asing batphang, ‘Teyhungwa miing o bara thu aa shima Shkewa sunmaan kot na’ ta baluk nángduk nim aa batmin ang nin ethi nángduk nim aa nga kapkhi phamin ang phanin!”

Luke 16:17

Etharin thong wang aming raaq matwang sha, mungtan nia mingkang matwang ma achol.

Luke 18:17

Nga nim ma asing batphang, nijang mal Shkewa Mungtan sha thang min ang inn jo utang tho eshináng jinwang moq angna.”

Luke 18:29

Jesu aa ning thima batta, “Nga nim ma asing batphang, barey Shkewa Mungtan rangma uhim tia uhimteynu tia upho no tang tia unu ni wa tia usa tang sha shingchak ajo,

Luke 23:43

Jesu aa piq ma batta, “Nga nang ma asing batphang, thaney aa nang ijamna Paradise (ranghollum) na sey angnu.”

Luke 4:24

Nga nim ma ira batphang, utang rangsamal ma tho usamhaq miqtang shey baluk otho jaqhal kap moq angna.

John 1:51

Piq aa ning ma batta, “Nga nim ma asing sing batphang, nim aa mungtan alak khi nin, etho Shkewa rangkamwa tang Miqna Sa sho kawáng aa sha khi nin.”

John 10:1

“Nga nim ma asing sing batphang, kelwut palmong kalung o nop moq ang eq khúng eq noptey ahut etho miq rontey.

John 10:7

Ethirangma Jesu aa ning ma wey batta, “Nga nim ma asing sing batphang, nga raa kelwut tang kalung.

John 12:24

Nga nim ma asing sing bat phang, chamli haq náng qhat eq tiwey moq náng duk chamli chen chen tong aa; etharin baluk o utik ang ajo esho daqhan sey tingo aa.

John 13:16

Nga nim ma asing sing batphang, qhawa sha tangtey pheynáng eq ajong ang moq, etho thoksil tattey tha takattey pheynáng eq ajong ang moq.

John 13:38

Jesu aa thawel batta, “Nang irangma utik mey angnu i? Nga nang ma asing sing batphang, wo wal wey moq jakho nang aa nga raa sammong ta juktom batnu.”

John 14:12

Nga nim ma asing sing batphang, utang eq nga kam shing aa, bara nga somlo ang jaksom tang sha ning atho usom eq na, iri pheynáng eq ajong jaksom somlo na, chammatakoi nga Iwa relnáng wang ang.

John 16:20

Nga nim ma asing sing batphang, nim uqhap angnin etho nim lakkhuk tip eq qhap nin, etharin mingkang sungrang angna. Nim tin rapney shitna, etharin nim tsamnáng sha sungrang o kaley na.

John 16:23

“Ethisal tho nim aa nga ma chamtho pit pha min ang phanin. Nga nim ma asing sing batphang, nim aa Iwa ching wang imiing o chamlang chu inn jo tho piq aa nim ma kot na.

John 21:18

“Nga nang ma asing sing bat phang, baluk o nang jaro angtu tho kacha eq banáng kat ma nuk u tha kachey tu; etharin baluk o nang tikang ang u jo bajak tachal nu, etho miq dak eq khak eq nang banáng kat ma nuk mu eshináng solkat phanu.”

John 3:11

Nga nangma asing sing batphang, íaa chamlang sam i sha bat i, etho íaa bara khiti tang ethima miikkhi kot i, etho nim aa ímikkhi han min.

John 3:3

Jesu aa piq ma thawel batta, “Nga asing sing batphang, wey chang moq ang ajo Shkewa Mungtan jin khi moq.”

John 3:5

Jesu aa piq ma thawel batta, “Nga nang ma asing sing bat phang, miq eq jung etho Tsija wang chang moq ang ajo Shkewa Mungtan náng jin nop moq.

John 5:19

Req Jesu aa thawel batta, “Nga nangma asing sing batphang, Miqwasa piq tinthin o chamtho jinsom moq, piq aa Uwa som atha ukhi eq esha hun jinsom aa; chammatakoi chamlang jaksom Uwa som aa sha Miqwasa tho eshimal hun som aa.

John 6:26

Jesu aa ning ma thawel batta, “Nga nim ma asing asing batphang, nim aa patja jaksom khi tin tungkang o nga raa bi phamin, etharin nim aa banlo phaksat eq phut tin ethi tungkang o nga raa biphin.

John 6:32

Jesu aa ning ma batta, “Nga nim ma asing sing batphang, Moses aa nim ma banlo sha mungtan wang kot moq angta, etharin Iwa hun nim ma asing banlo mungtan wang kot aa.

John 6:47

Nga nim ma asing sing batphang, utang eq kam shing aa, piq ma pattuk rollung.

John 6:53

Jesu aa ning ma batta, “Nga nim ma asing sing batphang, nim aa Miqna Sa hanngam phak min ang nin, etho piq tahi ling min ang inn jo, nim rollung ahung.

John 8:34

Jesu aa ning ma thawel batta, “Nga nim ma asing sing batphang, utang eq ngarey somlo aa, piq ngarey qha.

John 8:51

Nga nim ma asing sing batphang, utang iraaq o qhing ajo, piq baluk otho tik moq angna.”

John 8:58

Jesu aa ning ma batta, “Nga nim ma asing sing batphang, Abraham chang wey moq jakho, nga atha ang táng.”

1 Peter 1:25

Etharin Teyhungwa raaq sha pattuk angna.” Etho iri raaq raa hun tungtang qhal, bara nim ma phanchan ti.

Revelation 20:11

Etho nga ashey apung lungwang tongching etho eshina ashey tong chey atha khi táng. Piq jakho wang mingkang nia rangkan jol chuwang ta etho eshirangma katáng kap moq angta.