Matthew 11:11 - ASII LAKDAP Bible (BSI)

¹¹ Ngi raq chongtiikang arka tengteng. Khamlamketi we Johan ka ümchaü niitaq maiq ümchu wa siwantaq, kra wiita thaq na ajong pinthum. Shatmaq ümchaü Shiikeawe sengi phong wa juwa aran pinthum nguta siwan tlaq, kriiti ka Johan thaq na ajong.

Hawa Naga Bible 2001

¹¹ Nuimshiq muex ngaz vsuing jungx kuq ix, yalxjuik rueq vjawx wawc Yuix Luip Yohan htauk nuex vyungx kuex washiz muinz dung muq shauk doc. Yuq muinz raungx Mungtan nuex vruinx pinhtumc waz kuex piq htauk nuex vyungx rvtueq.

Muklom

¹¹ Nga nim ma asing bat phang, John jung thalamtey wang ajong utang tho chang wey moq. Etharin Rangmuntan na thaji phey náng eq aming sha John wang ajong.

Matthew 11:11 Referencias Cruzadas

YOBA 14:1

Nashiq wiitarü ka rawü chhi wan li miiphü ningkun ahü kiimaq ümkoq ümphaqli dongdii. Tarü atoqse, chamchao khiq rilung li siwan tiikai.

YOBA 14:4

Maiqse rilung shekhiq kiiwii ka phanshi ra asii ka jamwo midong.

YOBA 15:14

Maiqse ka asii maiqse nguta weshi ra asi shea? Shiikeawe makki na maiqse weshi ra ka riikhaqli asi shea?

YOBA 25:4

Shiikeawe makki na kechu maiqse riimakla asii maiqse ashi ra asi shea?

Tvtsvmc 51:5

Ngi ka irawü chhi ranaiq miiphü dongdii abi; inyung wok mong na kop wan pha akhing miiphü ngi ka ngaraikaü.

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

JEKERIA 12:8

Kra akhing na Tatiwe raq Jerusalem na siti ka wiita apaiq raq mikhup wongkuq. Krai mren, tsangshiq phong wa wepuq pusutwe kra dongdii min, Dawit ikha mija wan. Kiimaq Dawit saüsetiim raq tsangshiq mung ka Tatiwe rase ikha, Shiikeawe apaiq ikha, senaino mungmaiqse ka mipeng wan.

Matthew 11:10

Asii bomtsi na Shiikeawe raq Johan miitu akha chongtlo: ‘Ngi raq ümniima sinkhu na milon weshi mitiikili ha, apaiq raq ümkai chang lam ka atan mirkuqho!’

Matthew 11:12

Khamlamketi we Johan raq Ramungtan Tsütsa trahokuq wantaq kiimaq pha wan raüta, ümchaü ranaiq niitaq saüli, Ramungtan sham akai ka pinthum chiq are raq along aliiq li tiichamchao wanto.

Matthew 3:1

Kiitincho ji Khamlamketi we Johan ka Judia wang na kumtsaiphii binjü kiina kiraüta akha tra hokuq phahoto.

Matthew 3:11

Ngi raq namshiq ka ngarai tiidii wan lan she nguta hakhi kham lamlam li lamkuq wan tiikang. Shatmaq i jai na kaiti we raq namshiq ma Asii Wenyi nai waniitu miishe kham ka milam kuq wan. I jai na kaiti we ka ngi thaq na ajong. Ngi ka apaiq hokpa kra shamke wanti dise khan min thek mang anun pinthum.

Matthew 5:19

Arkha maq, jurwa Thungtri aming raütu thun kiiwa, bomno bomni se jin wan tlaq, kiimaq nanok miimin kiikhiisii hali ralangse ka jin wan mimai nguta tlang kuq wan tlaq, kriiti ka Shiikeawe sengi liipan na aran pinthum miraq. Shatmaq, jurwa Thungtri raütu ka lang wan tlaq, kiimaq nanok ahinti miimin kiikhiisii hali tlang kuq wan tlaq, kriiti ka Shiikeawe sengi liipan na ajong pinthum miraq.

Luke 1:15

Apaiq ka Tatiwe man na ajong pinthum miraq. Apaiq riika che nyang min maimak. Apaiq ka rawü chhi wanli miili, akhum na Asii Wenyi ka ama maq misi wan.

Luke 7:28

Jesuq raq kiijaq triichesaq hali, “Ngi chong pha. Johan ka ümchaü niitaq maiqse angu siwantaq, kra thaq na ajong pinthum. Shatmaq, juwa Shiikeawe sengi phong na, aran pinthum nguta sitlaq, kriiti ka, Johan nam ma ajong,” nguta tsangshiq ma bom ka chong kuqto.

Luke 9:48

Raüta tsangshiq ma chongto, “Liirong laq, jurwa ara nonose ara, i mang na tao tlaq, kriika ngi tao tlo. Kiimaq jurwa, ngi tao tlaq, kriika ngi tiikaiti we kra tao taitlo. Ara jamkhano akha chongtiikang ngukla, namtsam phong na, juwa aran pinthum nguta sitlan, kriika wiitarü thaq na ajong pinthum.”

John 1:15

Johan raq nokmaiqse ma, apaiq tsütsa ka chongphan kuqto. Apaiq raq chiiriim raüta, “Arwe ahata ngi raq namshiq ma, ‘Apaiq ka i jai na kitlo. Shatmaq, apaiq ka ngi nam ma ajong. Apaiq ka jamkhano ngi ma ajong ngukla, apaiq ka i rawii min michhi shaq niiphü, apaiq ka asi dongdii,’” nguta nokmaiqse ma traho kuqto.

John 1:27

Apaiq ka ngi jai na saühotlo, Shatmaq ngi ka, apaiq hokpa raükha kra diiketi khan min thek mang.”

John 10:41

Mungmaiqse pahea ka kiijaq apaiq phana kito. Raüta, “Johan raq awang chang jaqsham ka sham mak dea. Shatmaq, apaiq raq arwe miitu bom ümchuwa chongtaq irka, ümchaü sanha arwe khum niishe teng wanto,” nguta riibomto.

John 3:30

Apaiq mang ka jong wan ruq riichang li dongdii. Kiimaq i mang ka ran wan wan riichang li.”

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

1 Corinthians 15:9

Ara jamkhano chongtiikang ngukla, ngi arka kiimwebi phong na aran pinthum. Ngi ka kiimwe nguta tiingo min thek mang. Ngi raq Shiikeawe sengi phungtuti thun ka tiichamchao kang.

1 Corinthians 6:4

Akhnok mra dongki kiiphan jiika, namshiq raq nanok thatsang maiqse jurwa phungtu thung nai lai jam min sap mak, kriiti phana kha riiphokai ka jamkho kitlan?

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

2 Timothy 1:10

Riita, ümchaü sanha, Khristo Jesuq nashiq Chhiiti we ka, mangjong hiq niishe saükito. Apaiq mangjong hiq na saükitaq arka, Shiikeawe raq nashiq ma lungwii jonghea rüm tlaq kra tiichhi kekai ngutiishe tiikito. Tsütsa Ahea lümaq, Khristo raq atsai ningkun kharü raü ka chumbaiq wanto she. Raüta, nashiq ma pattup pat-sa rilung ka kuqto she.

Hebrews 11:40

Jamkhano ngukla, Shiikeawe riika, tsangshiq ma kiqkham kuqtaq kra thaq na, nashiq miika araa lin hali she, mikuq ha nguta kiqkham kuqto. Arka, tsangshiq nai nashiq ma nguta kuqto. Krai mren, tongshong chü pat wa, Shiikeawe ma kam wantibi ka nashiq rai adam miishetiq, awongsii Shiikeawe setiim ma tiija wan miitu, Shiikeawe raq bomtsi ka shat wanto.

1 Peter 1:10

Riita ara chong tiikai tiichhii wan rilung ara miitu tiina, man na pat wa shammibi thun raq kai rashi hiqwia maq ritkot wantaq. Raüta tsangshiq raq ümchaü namshiq raq Shiikeawe kongphiq pattup pat-sa rilung lap wan lan ara tiithai chong kuq thiito.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.