Matthew 11:11 - Hawa Naga Bible 2001

¹¹ Nuimshiq muex ngaz vsuing jungx kuq ix, yalxjuik rueq vjawx wawc Yuix Luip Yohan htauk nuex vyungx kuex washiz muinz dung muq shauk doc. Yuq muinz raungx Mungtan nuex vruinx pinhtumc waz kuex piq htauk nuex vyungx rvtueq.

ASII LAKDAP Bible (BSI)

¹¹ Ngi raq chongtiikang arka tengteng. Khamlamketi we Johan ka ümchaü niitaq maiq ümchu wa siwantaq, kra wiita thaq na ajong pinthum. Shatmaq ümchaü Shiikeawe sengi phong wa juwa aran pinthum nguta siwan tlaq, kriiti ka Johan thaq na ajong.

Muklom

¹¹ Nga nim ma asing bat phang, John jung thalamtey wang ajong utang tho chang wey moq. Etharin Rangmuntan na thaji phey náng eq aming sha John wang ajong.

Matthew 11:11 Referencias Cruzadas

YOBA 14:1

Naungshiq lotlaz kuex hungc vlaungc vnulx maq vjawx nuiyc kvwungx kvguing juing vguez rvtiq. Lotlaz kuex rullungx vtut, vkuilc vdaz paung yaq rullungx dvyx rvtiq.

YOBA 14:4

Miqsaz ikhoc sawc muq phvnx hup vsvmx yvmx phvnx wawc muinz vsawc phvnx tvdung lot shuex rvmuq.

YOBA 15:14

Miqsaz kuex vsuingc suing sawc lot tuex haz? Ukhaq lac Tishox nuex tsuingrux yaungx lot tvnx?

YOBA 25:4

Tishox khaungkac nuex ukhaq lac tsuingrux yaungx yaq nguinx? Ukhaq lac sawc yaungx lot yaq nguinx?

Tvtsvmc 51:5

Ngaz jawx phuex raungnuiyq maq dvyx ngaz kuex honc bac yaungx vtaungx; inyuiuz wuk mungx maq phuex mvrax vhttax rvtauk.

ISAIA 30:26

Yapix kuex shalx ikhoc phelez tuex, shalx lez kuex kungkhux wawc htauk nuex muinz mvnz mvshix vjvnc phelez ruiux, raungx mvshix wuic kuex lauk shiz dvyx wuix hungc ikhoc yaungx tuex. Yehowa rueq vpiq miqsaz htenc tvlvp kuq tueq vmac htenc kuex yop kuq vtueq tvhvlc kuq shuex kvkaq, vruex lotlaz yaungx wvnc tuex.

JEKERIA 12:8

Kvkaq Yehowa rueq Yerusalem nuex httax yaq htenc kuex tvkhup wungx shuex, tsuinghez wawc hungc vlaungc vnulx jix waz doc muinz Dawid ikhoc hungc vlaungc vhttax waz muex yaungx wvnc tuex. Dawid suiuz vsaz phvnx kuex Yehowa raungkamx ikhoc, Tishox vpiq pumz ikhoc tsuingshiq muex lvmx shvlx shuex.

Matthew 11:10

Yvmx khoc lac ngoz ruiux lec Yohan kuex vsawc luik nuex: ‘Tishox rueq, mkhaungkac nuex, mlvmx tvyoalc lvy tvkoc ngvy kamx waz kuex mmax nuex tvkaz shaungx,’ ngoz tueq wuiyq shec tueq.

Matthew 11:12

Yuix Luip Yohan rueq bomjungc jungphvnx wvnc tueq maq phaungc vtueq majuiuc nuex httuiuc laz raungx Mungtan kuex ralx rueq khvt rvhumc yaq, kvruex mungtan kuex ralx rueq nyvlc tvkoc hung yaq.

Matthew 3:1

Kvruex baunglaung Yuix luip Yohan dung vtueq Yuda mungx kumtsvy tvnx nuex bomjungc jungx wvnc tueq.

Matthew 3:11

Nuimshiq thuinz layc wvnc tuit lvmz kuex tvkhic tvkoc ngaz rueq nuimshiq muex yuix maq yuix luip kuq vphaungx, yuq muinz ngvy yix nuex kaz yaq waz rueq kuex Vsawc Siyac nuiyc wvr maq yuix luip kuq kv-phuinx. Vpiq kuex ngvy htauk nuex vyungx vluz rvtueq vpiq yapaungc shuimc kuy doc muinz hungx mauk rvtauk.

Matthew 5:19

Kvkhoc rvtueq, ukhaq yuq muinz vnvrc bomc htenc vwawc vruinx pinhtumc bomc poz kuex phvnx muq maq tvlvlc gay ruiux, miq vganc muex kuex kvkhoc phvnc tvkoc tvluing kuq ruiux kuex, raungx Mungtan nuex vruinx pinhtumc waz muex yaungx tuex. Yuq muinz Tvrac kuex phvnx tvhungx vtueq vganc jix muex muinz kvrulc rv-ngvlc shuimc tvkoc tvluingc laungc kuy jix waz kuex raungx Mungtan nuex vyungx muex yaungx tuex.

Luke 1:15

Yvmx khoc lac ngoz ruiux lec piq kuex Taungjix htumc nuex yungx luz wvnc tuex. Piq rueq svpiq tix nuiyc vjuk vbawx juing phvnx muinz nuingx muq. Piq kuex jawx tueq rulc rv-ngvlc Vsawc Siyac mvrc yaq miq rvtueq.

Luke 7:28

Yesu rueq, “Nuimshiq muex ngaz rueq jungx kuq ix, yalxjuik rulx rueq vjawx htenc wawc Yohan htauk nuex lvy vtueq vyungx kuex washiz muinz vguez. Yuq muinz Tishox Mungtan nuex vruinx pinhtumc waz kuex Yohan htauk nuex vyungx rvtueq,” ngoz tueq jungx tueq.

Luke 9:48

“Ngvy muingc maq vruex nosaz saz kuex malc lvy jix waz kuex ngvy malc lvy jix waz rvtueq. Kvmaq ngvy malc lvy jix waz kuex ngvy nvrc jix waz kvruex malc lvy rvtueq. Nuimshiq phungc wawc vruinx pinhtumc waz kuex vyungx muex yaungx tuex,” ngoz tueq.

John 1:15

Vpiq lvmx Yohan rueq jungx tueq kuex, “Ngvy yix nuex kaz yaq waz vpiq kuex ngaz max jawx nuex phuex vhttax waz ningkhvnc nuex, ngvy htauk nuex vyungx rvtueq, ngoz tueq ngaz rueq hakhix khvmc tauk waz kuex vruex waz vruex rvtueq,” ngoz tueq ramc jungx tueq.

John 1:27

Kvruex waz kuex ngvy yix nuex httuiuc kaz ruiux yuq, ngaz rueq vpiq yapaungc ruiuz dawc kuy doc muinz hungx mauk,” ngoz tueq tvralc tueq.

John 10:41

Kvkaq vpiq kox nuex miq paunghvlc kaz wuez vtueq, “Yohan rueq vwangc juing romzyac yvmx muinz tvkhic muq doc; yuq muinz vruex waz lvmz Yohan rueq jungx wvnc tueq htenc kuex rvkhauk laz rvtueq,” ngoz wuez tueq.

John 3:30

Vpiq kuex pinhtumc vyungc vloayc rvwvnc tuex, ngaz kuex vruinc rvwvnc taungx,” ngoz tueq.

John 5:35

Yohan kuex wvrluic tuz lez yaq wvrkok ikhoc yaungx kv-phuinx tueq nuimshiq kuex piq phelez yaq kvyuq rvmak laz kokez roc vshuinx.

John 7:39

Yesu rueq kvkhoc jungx wvnc tueq kuex vpiq muex kvmluimx jix htenc rueq yix maq lvp wvnc shuex Siyac ngoc rvtueq. Yvmx khoc lac ngoz ruiux lec Yesu kuex ngauz vngax max tvsomc raungc kuq dvyx doc ningkhvnc nuex Siyac kuex kuq muq shauk doc rvtueq.

1 Corinthians 15:9

Yvmx khoc lac ngoz ruiux lec ngaz kuex kamx waz lotlaz htauk nuex vruinx pinhtumc waz rvtauk. Tishox phungc htenc mulc tsvlc guirguenc jix waz ningkhvnc nuex kamx waz ngoz tueq ngoc muinz aungx mauk.

1 Corinthians 6:4

Kvkhoc khuec vkhac dung ruiux yuq phungc nuex seng muq jix muex haz tv-phoc shuinx?

Ephesians 2:3

Vsuing naungshiq lotlaz muinz kungkhux nuex lauk shiz tsuingshiq ikhoc yaungx ruiux naungshiq gvnngvmx rueq rvnphvnx yaq lvmx htenc nuex phvnx vtueq gvnngvmx rueq roc nuiyc thuinz rueq roc yaq lvmx phvnx ruip saz kuex shuimx kaz wvnc tiq. Naungshiq kuex gvnngvmx lvmx maq vganc jix htenc rulc rv-ngvlc Tishox thuinkhvy kuex rvhumc aungx yaq jix htenc yaungx tiq.

Ephesians 3:8

Ngaz kuex Tishox miqsaz htenc nuex vruinx pinhtumc htauk nuex muinz yomx hvlc waz rvtauk; yuq muinz Tishox rueq Christu rungwanx lvmx nuex seng yaq Thuix Thaungx Vhvlx kuex Pungnuk miqsaz htenc kox nuex lvmc lvy tvkoc muinz,

2 Timothy 1:10

yuq muinz majuiuc naungshiq palc daungc jix Christu Yesu httuiuc kay ningkhvnc nuex kvruex kejux kuex dung kvkhic wvnc tueq shex. Vpiq rueq vthueyc vmvy luimc vkawc kuex tvdux gay ruiux, shuenruenc bomjungc maq thueyc muq rullungx kuex tvkhic wvnc tueq.

Hebrews 11:40

Yvmx khoc lac ngoz ruiux lec Tishox rueq naungshiq tvkoc pinhtumc hvlc kvmungx thuinz httaz ningkhvnc nuex rvtueq. Kvkhoc kvmungx lvmz kuex naungshiq rulc vdvmz nuex ngoz ruiux jix tsuingshiq kuex hungx htaungx wvnc lvmz lvp wvnc shuex rvtueq.

1 Peter 1:10

Vruex palc daungc wvnc lvmx nuex seng vtueq shvmmax bix rueq khauk khauk wisoz thuiyx vtueq, Tishox rueq nuimshiq muex kuq shuex yauk noalc kejux lvmz kuex tsuinghez rueq rawshvmx maq jungx wvnc tueq.

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.