Luke 6:27 - ASII LAKDAP Bible (BSI)

²⁷ “Shatmaq, ümchaü namshiq arjaq i bomchong taiwanti ma chongkuq pha: Namshiq ka wesang ralii ma mang wanti ka lungwii ronglaq. Namshiq ngeng wanti ma, phanrap aheali klokuq ronglaq.

Hawa Naga Bible 2001

²⁷ “Yuq muinz ngvy kvjaz tay wvnc jix htenc lex, nuimshiq muex ngaz rueq jungx kuq ix: nuimshiq ralx waz muex lungwawx shuinz, nuimshiq muex shuiuc pac jix htenc muex vhvlx maq shuimx kuq shuinz.

Muklom

²⁷ Etharin nga batphang, utang eq tat aa ning shima bat ang: ralwa tangma tho tinmat ang nin, utang eq miiksuk phin eshima jaqhal somlo inn.

Luke 6:27 Referencias Cruzadas

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

TAKSU LAK 24:17

Ümjaqtiwe then wan raüla, naq chochikiq; apaiq ka thiikho na thap wa raüla, naq khoqriiqkhiq.

TAKSU LAK 25:2

Apang raüta hupsam thütlaq kra, Shiikeawe khushü; Kra liichum chongke ka, hokhamwe khushü.

Mark 4:24

Apaiq raq tsangshiq ma hali chongto, “Ara i bomchong ara samhea tiitsang tairong laq! Namshiq raq nanok ka jamkho shintlan, kra tri maq Shiikeawe raq namshiq min mishin. Sha, kra thaq na atsin lin miishe namshiq ka mishin kiiphan.

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

Luke 6:22

“Namshiq ka ma chochi jonghea, ümtiikiiwa maiq raq namshiq ka Maiq Se miitu angeng miraq, kiimaq ashleq mirbaiq. Kiimaq ashummii miraq, kiimaq namshiq ka abi nguta mingu!

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Luke 8:18

“Kriikha maq, namshiq ka kai honlam shat maq tiitsang tai ronglaq. Ara jamkhano chongtiikang ngukla, ju jaq niiwa phanshi ra se asi, kriiti miika abiri apa mitiitsuq kuq wan nong. Shatmaq, ju jaq niiwa jam min ahü, kriiti jaq wiika, ajaq na chonkhi laqli se rümtiikang nguta tiima tlaq, kriimin anyea mirho nong.”

Luke 8:8

Shatmaq, tsamlai wiijam ka hiqngam na rokto. Krai mren, tsam cham ka aheawiq jong lu wanto. Raüta, tsam ka aheawiq dong man wanto. Raüta tsamnyam nyam nyamshi niili tsamrai ka rai shishi dong manto.” Ara chongkuq raütiishe, Jesuq raq abom ka akha shatto, “Juwa ni asi, kriiti raq tiitsang tai ronglaq!”

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 16:28

Kra chhi raütiishe, Paul raq tiihong raüta, “Ümniiraq ümmiisaq ka naq tan kiq! Naishiq tarü ajaq asi siisaq!” nguta apaiq ma riimto.

Acts 7:60

Raüta, apaiq ka kaütsrong na bumsaq raüta, “Tatiwe lei, tsangshiq ngarai kra ümniiraq tsan na naq tiitsangkiq!” nguta tiihong raüta siito. Apaiq raq ara ngu raüta alang ka pitto.

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

1 Thessalonians 5:15

Namshiq phong wa jurmin, abi ka abi maq naq songkuq rongkiq. Shatmaq, wiitarü ma, kiimaq namshiq nai namshiq liipan na, sham akai ahea phan shamke wan kli, tsan mong na wranaiqshe thü lanta sham ronglaq.

3 John 1:11

Lungwii phuno we lei, jamlai wa abi ka naq lang kiq. Shatmaq jamlai wa ahea kli lang laq. Jurwa ahea jaq sham tlaq, kriiti ka Shiikeawe rii she. Jurwa abi jaq sham tlaq, kriiti raq Shiikeawe ka chhi mak dea.