Luke 6:27 - Muklom

²⁷ Etharin nga batphang, utang eq tat aa ning shima bat ang: ralwa tangma tho tinmat ang nin, utang eq miiksuk phin eshima jaqhal somlo inn.

ASII LAKDAP Bible (BSI)

²⁷ “Shatmaq, ümchaü namshiq arjaq i bomchong taiwanti ma chongkuq pha: Namshiq ka wesang ralii ma mang wanti ka lungwii ronglaq. Namshiq ngeng wanti ma, phanrap aheali klokuq ronglaq.

Hawa Naga Bible 2001

²⁷ “Yuq muinz ngvy kvjaz tay wvnc jix htenc lex, nuimshiq muex ngaz rueq jungx kuq ix: nuimshiq ralx waz muex lungwawx shuinz, nuimshiq muex shuiuc pac jix htenc muex vhvlx maq shuimx kuq shuinz.

Luke 6:27 Referencias Cruzadas

Mark 4:24

Piq aa ning ma iri mal tho ubat eq ta, “Chamlang tat inn iri tang ri jaqhal eq sam inn! Nim aa chamal eq miq ma khaphung kot nin, Shkewa tho nim ma irimal hun khaphung kot phanin, irináng eq tho ahan ang aa.

Luke 23:34

Jesu aa batta, “Iwa, ning ri tolchak u! Chammatakoi ning aa chamlang som atha sammoq.” Ning aa ning ni ning jaktung o piq khat tha phal eq bangti o ton ta.

Luke 6:22

Miqna Sa rangma nim sha miqtang aa miiksuk phin jo, latchak phin jo, etho junnam phin jo, etho nim ma thip athang ta raaq phin jo, nim ma sunmaan.

Luke 6:35

Etharin nim aa ralwa tangma tinmat inn etho ning ma jaqhal som ko inn; nam kot inn etho thawel kap eq ni ta nak tathin inn; eshimal ang ajo nim aa ajong kongpha kap nin, etho nim aa ajong Shkewa satang ang nin. Chammatakoi piq aa hanmoq tey nia miq jalak tang shima tho rapney manchan aa.

Luke 8:15

Etho haq qhal náng qhat ta uli sha irimal miq, bara jaqhal miq asing wang tin eq tat aa etho jaqhal eq shing aa etho eshiwang li qhal thalat chey ro ang aa.”

Luke 8:18

“Ethi rangma, nim aa utat tok o jaqhal eq tat inn, chammatakoi bari jakna atha ethitey thima adak thowey rap kot eq na etho bari jakna ahung ethi tey jak thiwang ujakna chamtan aa sha tho thaji leysom chuwan na.”

Luke 8:8

Chamtey tey uli tang tha haq qhal haq na qhatta, ubang tha jong eq tingo ta, shashey nángduk thok ti ta.” Etho Jesu aa tathun batta, “Utang ma naq atha, tat inn!”

Acts 10:38

Nim aa Nazareth Jesu tung aa raaq sam eq inn etho chammal Shkewa piq ma Asang Tsija etho tarong kot ta tha tho usam eq inn. Piq aa thaji haq náng ka eq jaqhal jaksom somlo ta etho thang eq rum aa miqtang haan wang tha tho phanchak ta, chammatakoi Shkewa piq jamna angta.

Acts 16:28

Etharin Paul ring eq batta, “Nang ni nang tathin ma nak somlo u! Í thaji irina!”

Acts 7:60

Piq shong tong eq jajong aa hal raaq ta, “Teyhungwa, iri ngarey ri ning o nak shing u.” Etho ira bat eq piq tita.

Galatians 6:10

Eshirangma bari náng thula kap somlo ni, hiqtang aa thaji jamoq jaqhal jaksom somlo ching; akhek uhantey pho nia na tang jamoq irimal somlo ching.

1 Thessalonians 5:15

Utang eq tho jashit kaley jashit nak cham somlo aa, etharin salwet ashey eq ashey jamoq etho thaji jamoq jaqhal somlot ma hun tinthin shing inn.

3 John 1:11

I tinmat nokwa, chamlang jashit shi nak kaling u, etharin chamlang aqhal aa iri hun somlo u. Utang eq jaqhal somlo aa, piq Shkewa wang etho utang eq jashit somlo aa, piq aa Shkewa sha khi moq.