Luke 6:28 - ASII LAKDAP Bible (BSI)

²⁸ Namshiq ma manson kiqsü maq siwanti kiima, ramli ramkuq ronglaq. Namshiq haihiiti ma, achuli jaükuq ronglaq.

Hawa Naga Bible 2001

²⁸ Mvnhttonc mvntvmc jix htenc muex ruimruimx kuq shuinz, nuimshiq shummarc jix htenc muex vjux thoz kuq shuinz.

Muklom

²⁸ Utang eq nim ma manthun kophin eshima sunmaan inn, etho utang eq nim jamoq jashit somlo phin shima romtam chuk o inn.

Luke 6:28 Referencias Cruzadas

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

EJEKIEL 25:15

Tati Rakaü Hiqwe raq nguto, “Philistain mungti raq tipai weriim pat wa wesang mungti khuthaq na tsangshiq phuk lam henghea lamto. Raüta tsangjaqtinok mung ka shusitsi henghea maq tiibunlak tiithen baiqto.

EJEKIEL 36:5

“Ngi, Tati Rakaü Hiqwe raq, I tsankhiq walü henghea kha maq atro na siti maiq mung thun ma, akhek atsidada ka Edom mung khuthaq na ikiq tiidea tiikang. Tsangshiq raq rongtsai wijea lam maq kiimaq shummii shaq shaq, tsangshiq raq ihiqshong irahai ka jiiwanto. Raüta kra mung wa nyamse rümchang bin ajii thun kra jiiwanto.

Matthew 5:44

Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

Luke 6:27

“Shatmaq, ümchaü namshiq arjaq i bomchong taiwanti ma chongkuq pha: Namshiq ka wesang ralii ma mang wanti ka lungwii ronglaq. Namshiq ngeng wanti ma, phanrap aheali klokuq ronglaq.

Luke 6:35

Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Acts 14:5

Kiijiishe sanha, Pongnok phan maiqse wiijamti nai Jehudinok ka adam na kiqshi miishe ri wan raüta, tsangshiq nok welabi rai she riichongto. Raüta, kiimwe nai kriika atsea baiq chang, kiimaq long maq tiiqbaiq chang ngutiishe bom ka riiphoto.

Acts 7:60

Raüta, apaiq ka kaütsrong na bumsaq raüta, “Tatiwe lei, tsangshiq ngarai kra ümniiraq tsan na naq tiitsangkiq!” nguta tiihong raüta siito. Apaiq raq ara ngu raüta alang ka pitto.

Romans 12:14

Namshiq tiichamchao wanti ma, Shiikeawe jaq wa achu shiiman kli jaükuq ronglaq. Arka ngohea shaqshaq chongtiikang. Achuli jaükuq ronglaq. Shiikeawe raq apaiq ma, manson kuq haü jaq ahea chang ngutiika naq jaü rongkiq.

1 Corinthians 4:12

Naishiq ka naiqhü wasü jaqsham minshiiq tsi riili tsai tiikai. Maiq raq naishiq ara son tlo; naishiq raq tsangshiq ma ramli ramkuq tiikai. Maiq raq naishiq ka tiichamchao tlo; naishiq raq aninli riitiikai.

James 3:10

Maiqse riika, anü pushi miili, kechutum ke bomtsi min bomtlo. Kiimaq maiqmii kongti ma, manson kiqsü bomtsi kiimin bom tlo. Lungwii phunainotiim lei, ümchaü sanha, nashiq Phungmaiqse nübok miika, akha bom mai she riichang!

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.