Luke 6:26 - ASII LAKDAP Bible (BSI)

²⁶ “Ümchaü nokwe raq maiqshaq dea nguta shomra tlaqti ma, phiiptsi chang jonghea. Tsangtitiim riimin la arot shammibi ka, akhiisii shomra siq wanto.

Hawa Naga Bible 2001

²⁶ “Miq lotlaz rueq nuimshiq ngoc vhvlx ngoz tueq jungx ruiux yuq nuimshiq kuex kvhiz juing httax yaq; yvmx khoc lac ngoz ruiux lec tsuingshiq jix vwaz tamx rueq muinz vrot vkaq shvmmax bix kuex ekvkhoc tvtsvmc wvnc tueq.

Muklom

²⁶ Chamtan tsamnang baluk o miq aa nang ma jaqhal ta raaq phu; ning tey aa wa tang atho alik rangsamal raaq jin batta.

Luke 6:26 Referencias Cruzadas

TAKSU LAK 27:21

Chaq nai kampho ka, wa na chaq raüta chentlo. Maiqse tsantsii ka ashomra raüta, chentlo.

ISAIA 30:10

Tsangshiq raq shammibi nang nga kaiqshak ngaronglaq nguta chongtlo. Tsangshiq raq akha ngutlo, “Namshiq raq naishiq miika jamlai wa riikhaqli kriika chongke maimak. Naishiq raq jamlai wa tairo tiikai kra chong ronglaq. Nashiq ka ajiq lam kriimin aheasii ngusaq laitli siphai.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

Mikha 2:11

“Arnok riika arot akiq shammi bom chongketi, ‘Namshiq ma spiqtai nai laohu chamtraq misaü’ nguta chongketi shammi lungwiitlo.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Luke 6:25

“Ümchaü arong awin nguta sitlanti ma, phiiptsi chang jonghea. Namshiq ka songtsi ramtsi riili she micham chao wan han! “Ümchaü juwa naihü hihe maq sitlanti ma, phiiptsi chang jonghea. Namshiq ka maaho manyi li she michamchao wan han!”

John 15:19

Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.