Luke 6:25 - ASII LAKDAP Bible (BSI)

²⁵ “Ümchaü arong awin nguta sitlanti ma, phiiptsi chang jonghea. Namshiq ka songtsi ramtsi riili she micham chao wan han! “Ümchaü juwa naihü hihe maq sitlanti ma, phiiptsi chang jonghea. Namshiq ka maaho manyi li she michamchao wan han!”

Hawa Naga Bible 2001

²⁵ Majuiuc phoay rungx vtuinx jix htenc lex nuimshiq kuex kvhiz juing httax yaq; yvmx khoc lac ngoz ruiux lec nuimshiq kuex sungthuiuz rvmthuiuz rvhumc tuinx. Majuiuc nueyx vtuinx jix htenc lex nuimshiq kuex kvhiz juing httax yaq! yvmx khoc lac ngoz ruiux lec nuimshiq vkhoarc vnyerc rvhumc juing httuiuc wvnc tuex!

Muklom

²⁵ Thanga bara aphut tong aa sha ning ma tsamnang angna chammatakoi jio chamlal angna! Thanga bara ngit eq tong inn sha jio nim tsamnang ang nin, chammatakoi ning tintashit eq khap eq tong na.

Luke 6:25 Referencias Cruzadas

Tvtsvmc 49:19

apaiq riimin atitiim thun tsai wantaq kra jai phan wan changli dongdii miraq, kiijiika pattup pat-sa ranyaq tangtang li she miraq.

TAKSU LAK 14:13

Naihü hihe riika chapatsi mopaüli, anaitrang tsaqri chapa ka dongsaqli miraq.

TAKSU LAK 30:9

Ngi ka rongboqhea riihala, ümniika moshipoq mirha sham, kiimaq ngi ka miitsan hea riihala, i ramtsi ma ahuk mojakai miraq, lata Shiikeawe mang motibi miraq.

THARC TVLUINGC 2:2

Ngi raq irilung na naihü hihe kriika angok angi rilung. Hanngam maq polo ka jamkamtai chang riimak. Kriika hiqtili rashe tiichali nguta sap wan kang.

THARC TVLUINGC 7:3

Ajon ajü riiwe ka naihü hihe ranaiq nam ma ahea lin. Jamkhano ngukla aho ajü riika makshii jaqshii tiijatlo. Shatmaq ümtsan mong na taksu tsii ka, asiwiq minkuq tlo.

THARC TVLUINGC 7:6

Angok angiti naishin rai tlaq kriika, shuk shintu wa na achaq patrai tlaq ikha, jamlai miinu min ahü.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 65:13

Arningkhan na Ngi raq namshiq ma chongtiikang, jurwa Ngi shomnoq tlan kiimaq ibom tai lantea iwokhong na sitlanti thun ka arong awin, chenyang dungsea chamtraq misi wan han. Shatmaq namshiq ka amang alei songtsi ramtsi riili mitsai han. Tsangshiq ka chojong chise miraq. Shatmaq namshiq ka khushü ajam maq jea ngaü lantea misi han.

ISAIA 8:21

Mungmaiqse ka tsang mung na barap binrii na khumshkhum she mimang miiki. Tsiim jüshushu kiimaq tsang ramtsi raq apit miraq. Tsang ramtsi ma nai tsang tsankhiqtsi ma, tsangshiq raq tsang hokhamwe nai tsang Shiikeawe kiima manson kiqsüli she miraq. Tsangshiq mak ka ra nü na ki raqraq milii.

ISAIA 9:20

Tsang mung barapse na, maiqse angu raq tsangshiq mak maq achhichhi, maiqjaq na phaq nai sea phan akhiishe kra chhi raü min nyeawat wat raütli she riichhin phaqsiq hotlo. Kra taümaq dongdii min tsang ramtsi ka tsaqmak. Tsangshiq raq tsangsetiim noshiisetiim kra dongdii min aphaq riitlo!

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

NAHUM 1:10

Shukrü tamsetiim nai tsamkü shin phong ikha, namshiq cherop kong ka, wiita wa maq michaq baiq!

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

Luke 13:28

Kiijaq, namshiq ka namrong namwi kra tiichit watrang liishe mihoq phaq han. Namshiq raq kiijaq, Abraham, Isak kiimaq Jakob kiimaq shammibi thun tarü, Shiikeawe mungtan na michhi han. Kiimaq namshiq maiqmii riiwe kriika, kinphai na mishang baiq.

Luke 6:24

“Shatmaq, ümchaü juwa chiithe lüwa nguta sitlanti ma, phiiptsi chang jonghea asi. Namshiq ka ümchaü chamtraq peo lanta sitlan!”

Luke 6:26

“Ümchaü nokwe raq maiqshaq dea nguta shomra tlaqti ma, phiiptsi chang jonghea. Tsangtitiim riimin la arot shammibi ka, akhiisii shomra siq wanto.

Luke 8:53

Kra taiwi raüta, tsangshiq raq apaiq ka ashummii riito. Tsangshiq raq, no ka tsaikito she nguta asap kha maq, apaiq ka shummiito.

Ephesians 5:4

Kiimaq, ümchaü sanha, namshiq nü maq, ashe ashi bomtsi, maiqphaq maiqni tiibii chang banbokmii bomtsi, kiimaq sheachong beachong bomtsi kriika, tiidong raa mak she. Kra rii na, ümchaü sanha, namshiq raq Shiikeawe ma kechutum lantli she singa rong laq.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

James 4:9

Ngarai kaq dea sitiikai nguta maaho maanyi, makphai khüshang riilanta mra tiidii rong laq. Anai trang ka aho trang miishe tiija rong laq. Hühü haha sitlan kriika, mun tiijuk-ram she riirong laq! Shiikeawe man na, munjuk mijuk maq mrong roq rong laq. Haü la Shiikeawe raq namshiq ka aki miikiim setiim miishe mitiija.

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.

1 SAMUEL 2:5

Man na arong awinti thun ka ümchaü ningchang tham raüta, tiidung phaqtlo, Shatmaq amang ale siti ka, aramtsi mak she. Sehü nyung angu raq khoti asetiim wemiishi she humto, shatmaq asetiim jamshi anguti ashi min ahü she.