Luke 11:2 - ASII LAKDAP Bible (BSI)

² Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

Hawa Naga Bible 2001

² Yesu rueq tsuinghez muex, “Nuimshiq rueq vjux thoz ruiux yuq vkhoc thoz shuinz. ‘Iwaz lex: Mmuingc vsawc kuex mtvtsanc nganc wuez shueq; Mmungtan kuex mhttuiuc wvnc kueq.

Muklom

² Jesu aa ning thima batta, “Nim aa romtam tok o iri raaq inn: Iwa: Ba miing asang ta cham rangka aa, Ba mungtan ri cham ka pha.

Luke 11:2 Referencias Cruzadas

1 HOKHVMX 8:43

apaiq achujaü ka tre kuq laq. Ramungtan maq, ümsichang jam maq, apaiq achujaü ka tre kuq laq. Laüta apaiq raq ümjaq wa jamlai wa jaütlaq kra klo kuq laq. Krai mren mangjong maiqse kunli raq ümniirai mang mirsap wan laq. Raüta ümnaq aming kra lang raüta, ümsengi Israilnok kiikha misi wan laq. Krai mren she tsangshiq raq ara ngi raq haikang Shomjam arjaqli dea ümniika shomnoq chang ratlo ngutiishe tsangshiq raq misap wan.

2 HOKHVMX 19:19

Riita ümchaü min, Tatiwe, naishiq Shiikeawe lei, naishiq ara Asiria mungti jaq khon mong wa tiichhii kuq laq. Krai mren, mangjong maiqse tlotli raq ümniikli dea, O Tatiwe, Shiikeawe nguta misap wan laq.”

2 KAÜWA WERAÜ 20:6

Raüta akha tiihong raüta achu jaüto, “O naitiim Tati Shiikeawe lei, ümniiraq ramungtan na mangjong hiq wa maiq mung thun kunli ka pengtlaü. Ümniika ningkun jonghea riimtiwe kiimaq ahong ala pinthum. Kiimaq ümkiq ka juwe riimin khiiki lot mak.

Tvtsvmc 103:20

Tatiwe tiitsam ronglaq, namshiq ahong ala rasetiim raq, namshiq apaiq aming wokhong na siti raq, apaiq raq jamlai wa chongtlaq kra taitibi raq.

Tvtsvmc 108:5

Ümjonglu ka ra na tiichhikuqlaq, O Shiikeawe lei, kiimaq ümkhushü jong ka mangjong tlotli na tiichhilaq.

Tvtsvmc 11:4

Tatiwe ka apaiq asii shomjam na; apaiq hokham ngacho ka ramungtan na. Apaiq raq maiqse ka barap binrii wa liitlo kiimaq tsangshiq raq jamlai wa klotlaq kra wiita asap.

Tvtsvmc 57:11

Ümjonglu ka ratsan mong na tiichhilaq, O Shiikeawe lei, kiimaq ümkhushü ka mangjong hiq tlotli na tiichhilaq.

THARC TVLUINGC 5:2

Kiijaq mobom naqbomkiq. Abomho ma samhea tiimalaq. Shiikeawe man na tiimarahü maq kiq naqkhamkiq. Apaiq ka ramungtan na. Ümniika mangjong hiq na. Arningkhan bom achan naqbomkiq.

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

EJEKIEL 36:23

Ümtiikiiwa Ngi raq i mang asii jonglu kra, namshiq raq maiq mung thun na, i khushü tiijam wan lan kra mung thun na, Ngi raq ijaqsham jonghea maq tiichhikuq wan tiikang kiitiikaq, tsangshiq raq, Ngi ardea Tatiwe nguta misap. Arka, Ngi, Tati Rakaü Hiqwe raq toqtan tiikang. Ngi raq namshiq ka lang lata, maiq mung thun ma Ngi ka asii dea sitiikang nguta mitiichhikuqha.

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 7:18

Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

LEWI 10:3

Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

LEWI 22:23

Maiqmii tsantsii honglu ka nyamse samhea jongmak, apot laq rai araq kra kewan ka mimai. Shatmaq arka sinkham mrochhi honglu miitu ka maimak.

HABAKUK 2:14

Shatmaq, mangjong hiq ka, Tatiwe sap wan tsantsii raq nai, Tatiwe khushü jonglu raq, sammoktra chum ma wan tlaq ikha, alüm ale she mima wan.

Matthew 10:32

“Jurwa nokwe man na apaiq ka i sengi nguta tantan maq siwan tlaq, kriiti miitu ka ngi riimin i We man na, ramungtan maq Phangthum Khapho Ranaiq kholam kholiiq hakhi mikuq wan ha.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Luke 11:1

Ranaiq shi Jesuq ka bashi na achu jaü rea riito. Apaiq raq achü jaülot jai she, ajaqshisetiim phong wa ashi raq, “Tatiwe le, Johan raq ajaqshisetiim ma achu jaü shrinkuqtaq kiikha, naishiq miimin shrinkuq laq,” nguta apaiq ma chongto.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Romans 8:15

Ara jamkhano chongtiikang ngukla, Shiikeawe raq namshiq ma, Asii Wenyi kuq wantaq, kriiraq namshiq ka disetiim ma tiija raüta, shiinüm sha wan mak. Kiimaq namshiq ka tiihai miichhai, siakaq mak. Kra rii na, Asii Wenyi raq namshiq ka, Shiikeawe setiim miishe tiijatlo. Krai mren, nashiq tarü raq, Asii Wenyi ningkun maq, Shiikeawe nangnga, “I We loi! Nawe loi!” nguta riibom lot tiikai she.

1 Corinthians 1:3

Na We Shiikeawe kiimaq Tati Jesuq Khristo raq namshiq ka kaphap shat kiimaq khusang maq mirüm laq.

2 Corinthians 1:2

Nawe Shiikeawe kiimaq Tati Jesuq Khristo raq namshiq ka kaphap shat mirlaq kiimaq khusang maq mirümlaq.

Galatians 1:4

Ümchaü ara abi ngarai pat arwa nashiq ka wase ma tiijawan miitu, Khristo raq apaiq miisaq ka nashiq ngarai thun miitu kuqto. Arka Shiikeawe, kiimaq Nawe raq thapthitaq kra lang raüta tsaito.

Ephesians 1:2

Nawe Shiikeawe kiimaq Tati Jesuq Khristo raq, namshiq ka kaphap shat kiimaq khusang maq mirümlaq.

Philippians 1:2

Nawe Shiikeawe kiimaq Tati Jesuq Khristo raq namshiq ka kaphap shatmaq kiimaq khusang maq mirümlaq.

Philippians 4:20

Nashiq tarü raq, Shiikeawe, Nawejong kli she pattup pat-sa shomnoq rong i! Amen.

Colossians 1:2

Shiikeawe sengi Kolosia na siti, Khristo rai pumshi maq tsapkapkap siti naishiq phunainotiim ma: Na We Shiikeawe raq namshiq ka kaphap shat maq hansang maq mirümlaq.

1 Thessalonians 1:1

Ngi, Paul raq, Silas nai Timothi rai-- Thesalonia na phungtuti, Shiikeawe, Awe Shiikeawe kiimaq Tati Jesuq Khristo riisheti ma: Kaphap kiimaq hansang ka namshiq ma misilaq.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

2 Thessalonians 2:16

Riita, ümchaü sanha, nashiq Tati Jesuq Khristo apaiq pumsii maq, kiimaq Shiikeawe, Nawe Shiikeawe, nashiq lungwiiti we raq, kiimaq nashiq ka apaiq kaphap khoqramkii maq keishat maq, awokhong na tiisi raüta rümti we raq, jangshi min kiimwiiq tiichhan mai phan maq, apaiq lamphan na siwan miitu, srea nola tsantsii li mikuq laq. Kiimaq apaiq saükai khe laita siwan miitu pharangrang ran tsantsii mikuq laq.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”

Revelation 19:6

Kiijiishe ngi raq maiqphong ka khunyaq khukhi raq abom ikha, khamdü jonghea longraq maq adea trang ikha, ramok jonghea nirang chat hit-hit mok trang tlaq ikha, maiq bom trang ka taikang. Tsangshiq raq akha rü trangto taikang, “Shiikeawe li tiitsam rong i! Nashiq Tati Ajong Pinthum Shiikeawe kli nashiq Hokham!

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.