Luke 11:2 - Muklom

² Jesu aa ning thima batta, “Nim aa romtam tok o iri raaq inn: Iwa: Ba miing asang ta cham rangka aa, Ba mungtan ri cham ka pha.

ASII LAKDAP Bible (BSI)

² Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

Hawa Naga Bible 2001

² Yesu rueq tsuinghez muex, “Nuimshiq rueq vjux thoz ruiux yuq vkhoc thoz shuinz. ‘Iwaz lex: Mmuingc vsawc kuex mtvtsanc nganc wuez shueq; Mmungtan kuex mhttuiuc wvnc kueq.

Luke 11:2 Referencias Cruzadas

Matthew 10:32

“Thaji miqtang jakho o nim i jiphantey ta raaq ajo, nga tho mungtan na tongtey i Wa jakho na nga irimal hun raaq náng.

Matthew 3:2

“Ngarey wang wel inn, chammatakoi rangmungtan rapney arelna.”

Matthew 5:16

Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

Luke 11:1

Saalshey ang atho Jesu ashey haqna tong eq romtam chuta. Piq romtam sey thun atho ujiphantey tang wang ashey aa piq ma batta, “Teyhungwa, John ujiphantey tangma tatal ta thimal nang atho í ma romtam chamal chuk ching thi tatalphu.”

Romans 1:7

Rome na tongtey nim thaji rangma nga wit ang, barima Shkewa tinma aa etho u asang miqtang ang rangma halta. Hiqtang Shkewa etho Teyhungwa Jesu Khristo ching kowang ráng manchan nia nungmay nim aa cham kap inn.

Romans 8:15

Shkewa nim ma kot ta Tsija shey nim sha qha ma shing moq etho nim sha tacho tey ang moq, etha otho Tsija shey nim sha Shkewa sa tang ma hun aa etho Tsija tarong wang hiqtang aa Abba, Iwa ta raaq eq hal i.

1 Corinthians 1:3

Hiqtang wa Shkewa etho Teyhungwa Jesu Khristo eq nim ma ráng manchan etho nungmay cham kot aa.

2 Corinthians 1:2

Hiqtang Wa Shkewa nia Teyhungwa Jesu Khristo nim ma ráng manchan nia nungmay cham kot phin.

Galatians 1:4

Hiqtang Shkewa tinuk wang mal hiqtang ma iri thaney nap jashit mingkang wang thalun ma, Khristo aa piq ni piq tha hiqtang ngarey rangma kochak ta.

Ephesians 1:2

Hiqtang Wa Shkewa nia Teyhungwa Jesu Khristo ching kowang, nim aa ráng manchan nia nungmay cham kap aa.

Philippians 1:2

Hiqtang Wa Shkewa etho Teyhungwa Jesu Khristo ching wang nim ma ráng manchan nia nungmay cham ang aa.

Philippians 4:20

Hiqtang wa Shkewa ma phun amun shi pattuk rangma cham ang aa. Amen.

Colossians 1:2

Colossi na tongtey Shkewa asang miqtang ma, bara Khristo na asing pho na tang. Hiqtang wa Shkewa ching kowang nim aa ráng manchan nia nungmay cham kap inn.

1 Thessalonians 1:1

Paul, Silas, etho Timothy ching kowang Thessalonica mondoli tang ma wit aa, bara hiqtang Wa Shkewa etho Teyhungwa Jesu Khristo ràng. Nim ma ráng manchan nia nungmay cham ang aa.

1 Thessalonians 1:3

Í aa hiqtang Shkewa nia Wa jakho na nim kam jaksom etho nim tinmat jaksom etho hiqtang Teyhungwa Jesu Khristo ma nim tungmang sha salwet tasik i.

2 Thessalonians 2:16

Hiqtang Teyhungwa Jesu Khristo hun etho hiqtang Shkewa barey hiqtang ma tinmat shing taphi etho piq ráng manchan wang hiqtang ma pattuk rangma tinthajong nia jaqhal tungmang kot taphi,

Revelation 11:15

Adak rangkamwa aa lirong tung tha tom atho, mungtan wang jujong jujong raaq tha tatat ta, “Mingkang ma jaktáng o shing ma tarong tha hiqtang Teyhungwa rangma etho Khristo rangma ang sey angta etho piq aa pattuk rangma jaktáng o shing na.”

Revelation 15:4

Teyhungwa, utang nangma cho moq angna? Etho ba miing phun amun moq angna? Chammatakoi nang hun asang, thaji phan ajat tang raa ba relna thupha na etho shumnuk na, chammatakoi ba khaphung jaksom sha takhi shey angta.

Revelation 19:6

Ethi jio nga ajong miq wan tharaaq mal tat táng, ira jungkok nia rangmok tharaaq mal angta. Ning aa batta, “Hallelujah! Hiqtang ajong Shkewa Teyhungwa jaktáng o shing aa!

Revelation 20:4

Etho nga lungwang tongching tang khi táng etho eshina miqtang tong ta barima miqtang khaphung ma tarong kota. Jesu ma miikkhi kot tungkang o etho Shkewa raaq tungkang o ukho tang thadha chakta tang tsija tang tho ukhi eq táng. Ning aa jatngam etho piq shila tha shumnuk moq angta etho piq maal tha ning khang nia jak o tharap moq angta. Ning atharang ang eq Khristo jamoq hayat pang náng thula jaktáng o shing chey ta.