Luke 11:2 - Hawa Naga Bible 2001

² Yesu rueq tsuinghez muex, “Nuimshiq rueq vjux thoz ruiux yuq vkhoc thoz shuinz. ‘Iwaz lex: Mmuingc vsawc kuex mtvtsanc nganc wuez shueq; Mmungtan kuex mhttuiuc wvnc kueq.

ASII LAKDAP Bible (BSI)

² Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

Muklom

² Jesu aa ning thima batta, “Nim aa romtam tok o iri raaq inn: Iwa: Ba miing asang ta cham rangka aa, Ba mungtan ri cham ka pha.

Luke 11:2 Referencias Cruzadas

1 HOKHVMX 8:43

piq rueq vjux thoz yaq kuex tay kuq shuiuz. Raungmungx nuex mnoz httax vtuiux kvmaq piq rueq jungx yaq kuex kuq vtueq, vshuimc tvkoc mnoz kox wawc thoz yaq kuex shuimx kuq shuiuz, kvkhoc ngoz ruiux jix mungkawx wawc miq lotlaz kuex mmiqsaz Israel rueq shuimc yaq ikhoc mnoz kuex tuiuz tay wvnc wuez ruiux mkvjaz kuex phvnx wuez shuex. Kvkaq tsuingshiq rueq mnoz muex nawk palx tvkoc ngaz rueq vguirx vruex Shomc Yuimx rvtueq lvmz tsuingshiq rueq tuiuz wvnc wuez shuex.

2 HOKHVMX 19:19

Majuiuc, Yehowa nuiyshiq Tishox lex, nuiyshiq kuex Asiria miqsaz kox wawc tvwungx wvnc koq, kvkaq mungkawx miqsaz lotlaz rueq mnoz dvyx Yehowa Tishox rvtoq kuex tuiuz wvnc wuez shuex,” ngoz tueq thoz tueq.

2 KAÜWA WERAÜ 20:6

“O Yehowa nuiyshiq jix vwaz tamx Tishox lex, mnoz rueq mungkawx wawc miqphvnx lotlaz kuex raungmungx maq guimz lawc vshuiux. Mnoz kuex luimc vkawc httaz hvlc nuiyc hungc vlaungc mvrc yaq ningkhvnc nuex uraq muinz mnoz kuex khawx lot muq.

Tvtsvmc 103:20

Mnoz hungc vlaungc maq mvrc ruiux, Yehowa rueq nvr yaq htenc kuex phvnx vtueq, vpiq kvjaz tay jix raungkamx bix lex, vpiq muex tvtsvmc wuez shuinz.

Tvtsvmc 108:5

O Tishox lex, mnoz yungx luz vtuiux kuex raungx nuex nuiyc ghaq htauk nuex muinz, mnoz ngauz vngax kuex httax yaq kuex tvkhic shuiuz.

Tvtsvmc 11:4

Yehowa kuex vpiq vsawc shomc yuimx nuex httax yaq; Raungmungx nuex vpiq hoc daungraungc httax yaq. Baung ruip saz nuex httax yaq miqsaz htenc kuex vpiq rueq lawc vtueq tsuingshiq rueq shuimx kaz yaq htenc kuex tuiuz yaq.

Tvtsvmc 57:11

O Tishox lex, raungwawc mnoz yungx luz vtuiux lvmx nuiyc ghaq lotlaz nuex muinz mnoz ngauz vngax dung yaq kuex tvkhic shuiuz.

THARC TVLUINGC 5:2

Mnoz rueq kvjaz max jungx nuex kungkhux tvmaung shuiuz, Tishox rulc bomkhvmc tvtuiuz tvruiuz nauk tvhungx. Vpiq kuex raungx mungtan nuex httax yaq mnoz kuex ghaq htauk nuex httax vtuiux, kvkhoc rvtueq mnoz rueq jungx aungx yaq maq lvy vtueq vjvnc nauk kvjak kaz.

ISAIA 63:16

Mnoz kuex nuiyshiq waz rvtoq. Nuiyshiq jix vwaz tamx Abraham nuiyc Yaku rueq doc muinz nuiyshiq kuex tuiuz muq, yuq muinz mnoz kuex Yehowa, nuiyshiq waz rvtoq, nuiyshiq kuex pattup tuimz guimz wvnc jix kuex mnoz dvyx rvtoq.

EJEKIEL 36:23

Miq htumc nuex nuimshiq rueq tvyvlc sac wvnc tuit ngvy muingc yunghvlc kuex miqphvnx htenc htumc nuex hungc vlaungc tvkhic shaungx nuex, ngaz Yehowa rvtauk kuex tsuingshiq rueq tuiuz wuez shuex. Ngaz, Johvlc Yehowa rueq jungx vshaungx. Ngaz vsawc rvtauk lvmz miqphvnx htenc muex tvkhic kuy tvkoc ngaz rueq mnoz kuex shuimx lvmz vphaungx.

DANIEL 2:28

Yuq muinz vhttuiyq vpuiuc vruez kuex tvkhic lot jix Tishox kuex raungmungx nuex httax yaq. Vpiq rueq max kox nuex yvmx lac yaungx wvnc tvnx lvmz Taungjix hokhvmx waz muex tvkhic yaq. Majuiuc mnoz kvtsoalx nuex khiz toq maung romzyac kuex ngaz rueq mnoz muex jungx kuq phaungx.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 7:18

Johvlc Tishox miqsaz htenc kuex hokhvmx luimc vkawc lvp wvnc vtueq, kvruex kuex pattup lvp wvnc shuex,” ngoz tueq jungx tueq.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

Hosea 14:2

Yehowa kox nuex yek wuez kuinz, vruex vjux thoz bomc maq vpiq kox nuex nuimshiq rueq shomc kuy muex m-yaungx kueq: “Nuiyshiq mvrax lotlaz kuex dawc kuq koq, nuiyshiq vjux thoz bomc kuex tay kuq koq, nuiyshiq rueq bomkhvmc taq vshix rulc rv-ngvlc nuiyshiq rueq mnoz muex tvtsvmc kvmc shix.

LEWI 10:3

Kvruex yimaq Moshe rueq Arun muex, “Yehowa rueq ngoc, ‘Ngvy yauk shuimc jix lotlaz rueq vsawc ngaz kuex tvtsanc nganc wuez rax; ngvy miq htenc muex ngvy ngauz vngax kuex tvdung tvkhic shaungx,’ ngoz tueq kuex vruex ngoc ngoz tueq,” ngoz tueq jungx tueq. Yuq muinz Arun kuex kuiyqshuik dvyx rvtueq.

LEWI 22:23

Roc vtueq shomc kuy tvkoc vshauk vtut nyvmx saz maq muinz, vshauk gvnz hunghtaungx muq nyvmx saz maq muinz shomc kuy mvy yaq, yuq muinz bomkhvrc tv-phvnc shomc kuy kuex mvy muq.

HABAKUK 2:14

Yuq muinz svmuktvrax htenc kuex yuix rueq mvrc yaq ikhoc ghaq kuex Yehowa ngauz vngax phaqjic maq mvrc wvnc tuex.

Matthew 10:32

“Uraq yuq muinz miq htumc nuex ngaz muex kvjungc jix kuex, kvrulc rv-ngvlc raungmungx maq i-Waz htumc nuex ngaz kvjungc taungx.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 5:16

Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.

Luke 11:1

Raungnuiyq shiz Yesu kuex baungshiz nuex vjux thoz tueq. Vjux thoz lot tueq yix maq vpiq sangac hez wawc washiz rueq, “Taungjix lex, Yohan rueq piq sangac hez muex vjux thoz tvluing kuq tueq kvkhoc nuiyshiq muex muinz vjux thoz tvluing kuq koq,” ngoz tueq jungx tueq.

Romans 1:7

Tishox rueq lungwawx vtueq vpiq miqsaz muex tvyaungc wvnc tvkoc vgvl shec, Roma nuex httax jix miqsaz lotlaz muex luik vruex wuiyq tvwvnc vphaungx: Naungshiq Waz Tishox nuiyc Taungjix Yesu Christu kox wawc kejux nuiyc nomic kuex nuimshiq nuex mhttax wvnc kueq.

Romans 8:15

Yvmx khoc lac ngoz ruiux lec Tishox kox wawc nuimshiq rueq lvp wvnc tuit Siyac rueq nuimshiq kuex dax muex tvyaungc kv-phuinx rvmuq, vhiz vsungx thuinz muinz tvhttax shuex rvmuq; Siyac rueq naungshiq kuex Tishox saz hez muex tvyaungc phuex kvdvyx muinz rvmuq, Siyac luimc vkawc maq Tishox ngoc, “Aba! Iwaz lex!” ngoz tueq ngoz lvp vshix.

1 Corinthians 1:3

Naungshiq Waz Tishox nuiyc Taungjix Yesu Christu kox wawc kejux nuiyc nomic kuex nuimshiq nuex mhttax wvnc kueq.

2 Corinthians 1:2

Naungshiq Waz Tishox nuiyc Taungjix Yesu Christu kox wawc kejux nuiyc nomic kuex nuimshiq muex mkuq kv-phuinx.

Galatians 1:4

Christu kuex naungshiq Waz Tishox thuinroc tay kuy muex naungshiq kuex vruex vbac vtac pat vwawc tvdungc wvnc tvkoc naungshiq mvrax rawc nuex vpiq shauk pumz kuex lekuq gay tueq.

Ephesians 1:2

Naungshiq Waz Tishox nuiyc Taungjix Yesu Christu kox wawc kejux nuiyc nomic kuex nuimshiq muex mkuq shueq.

Philippians 1:2

Naungshiq Waz Tishox nuiyc Taungjix Yesu Christu kox wawc kejux nuiyc nomic kuex nuimshiq muex mkuq shueq.

Philippians 4:20

Naungshiq Waz ngoz yaq Tishox kuex pattup pat-sac rullungx wvlex ngauz vngax mhttax wvnc kueq! Amen.

Colossians 1:2

Kolose ghaq nuex httax yaq Tishox miqsaz htenc nuiyc Christu nuex tvmtuing httax jix phunox bix kox nuex kvjaz tvtay vphix. Naungshiq Waz Tishox kox wawc kejux nuiyc nomic kuex nuimshiq nuex mhttax wvnc kueq.

1 Thessalonians 1:1

Polu nuiyc Sila, Timothy nuiythuimx rueq Tishox nuiyc Taungjix Yesu Christu miqsaz htenc rvtuit Thesaloni phungc nuex luik wuiyq tvwvnc vphix. Kejux nuiyc nomic kuex nuimshiq rueq lvp wvnc shuinz.

1 Thessalonians 1:3

Yvmx khoc lac ngoz ruiux lec nuimshiq kvmluimx lvmz nuex yauk maq mkhoc lac shuimx kaz vshuinx kvmuinz, nuimshiq lungwawc thuinz ningkhvnc nuex mtanc lac yauk shuimc hunglaungx vtuinx kvmuinz, naungshiq Taungjix Yesu Christu nuex nuimshiq thuinz tvluimc vshuinx lvmz mtanc lac phaungx ngaungx vtuinx kvmuinz, naungshiq Waz Tishox khaungkac nuex nuiyshiq rueq rvwvl lvp vshix.

2 Thessalonians 2:16

Naungshiq Taungjix Yesu Christu vpiq pumz maq naungshiq kuex lungwawx vtueq, vpiq kejux maq naungshiq kuex phaungx ngaungx hvlc tvluimc juing nuiyc ngaungx hvlc khvmc thuinz kuex kuy jix naungshiq Waz Tishox rueq muinz,

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.

Revelation 15:4

Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.

Revelation 19:6

Kvruex yimaq miq vkung vdaungx thuirc tvruingc ikhoc muinz, tsvy wawc yuix daungx tvruingc nuiyc raungmuk tvruingc ikhoc muinz tvruingx yaq kuex ngaz rueq tay tauk. Kvruex thuirc tvruingc yunghvlc kuex, “Tishox muex tvtsvmc kvmc wuez shuinz! Yvmx khoc lac ngoz ruiux lec Tvphaungc Tvsuip Taungjix, naungshiq Tishox kuex Hokhvmx yaungx yaq!

Revelation 20:4

Kvruex yimaq ngaz rueq hoc daungraungc htenc kuex khiz tauk, kvruex hoc daungraungc nuex ngaungc jix htenc kuex khac phoc tvkoc vrangx vpangx lvp jix htenc rvtueq. Ekvmaq Taungjix Yesu tvkhic wvnc tueq tsuingrux lvmx muinz, Tishox bomjungc muinz jungphvnx hakhix khvmc kuy ningkhvnc nuex vthvy gay rvhumc tueq jix nuiyc svl vwvl kuiux muex muinz piq yac yuimx muex muinz nawk muq, miqmac khaungkuimx nuex nuiyc yauk nuex muinz svl vwvl kuiux lombot kuex tvkop muq jix siyac htenc muinz ngaz rueq khiz tauk. Tsuingshiq kuex thuiuzthuic tvraungx wvnc yek vtueq Christu rulc vdvmz nuex wawc hingshiz guimz lawc wuez shuex.