Luke 11:1 - ASII LAKDAP Bible (BSI)

¹ Ranaiq shi Jesuq ka bashi na achu jaü rea riito. Apaiq raq achü jaülot jai she, ajaqshisetiim phong wa ashi raq, “Tatiwe le, Johan raq ajaqshisetiim ma achu jaü shrinkuqtaq kiikha, naishiq miimin shrinkuq laq,” nguta apaiq ma chongto.

Hawa Naga Bible 2001

¹ Raungnuiyq shiz Yesu kuex baungshiz nuex vjux thoz tueq. Vjux thoz lot tueq yix maq vpiq sangac hez wawc washiz rueq, “Taungjix lex, Yohan rueq piq sangac hez muex vjux thoz tvluing kuq tueq kvkhoc nuiyshiq muex muinz vjux thoz tvluing kuq koq,” ngoz tueq jungx tueq.

Muklom

¹ Saalshey ang atho Jesu ashey haqna tong eq romtam chuta. Piq romtam sey thun atho ujiphantey tang wang ashey aa piq ma batta, “Teyhungwa, John ujiphantey tangma tatal ta thimal nang atho í ma romtam chamal chuk ching thi tatalphu.”

Luke 11:1 Referencias Cruzadas

Tvtsvmc 10:17

O Tatiwe lei, ümniiraq mitai kuq haü, wepuq wese kong raq achu jaütlaq kra mitrekuq haü; ümniiraq tsangshiq ma tsaiji midokuq haü.

Tvtsvmc 19:14

Ibomtsi thun nai ngi tiima tsantsii thun ka ümniiraq taoli chang dea mirlaq, O, Tatiwe lei, ümniika ngi tiipaü chang kiimaq ngi dokdatiwe!

Luke 10:42

Shatmaq, ümniima phanshi dea ra tlo. Meriq riika, riikhaqli phan tsea wanto. Kiimaq arka apaiq jaq wa, jurmin nyeaho lot mak she miraq.”

Luke 11:2

Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.

Luke 9:18

Ranaiqshi Jesuq ka achu jaürea riito. Kiijaq ajaqshisetiim ka apaiq phana wato. Kiijiishe, “Mungmaiqse raq ngi ka ju nguto ngu tla?” nguta apaiq raq tsangshiq ma waito.

Luke 9:28

Arthun ara chongke wan jai maq chepat shitin jai miishe, Jesuq raq apaiq rai Petar, Johan kiimaq Jakob kra shea raüta, hiqlam ashi na achu jaü wa wawanto.

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.

Jude 1:20

Shatmaq, lungwii phunainotiim lei, namshiq riika, namshiq asii kamtsantsii rilung jam hai wan kli shiichaq wan ruq sironglaq. Asii Wenyi ningkun maq achu jaü lantli sirong laq.