JOSHUA 24:32 - ASII LAKDAP Bible (BSI)

³² Joseph maa, Israilnok raq Ejip mung wa api wan ka Shekhem chela na lapto. Kra hiq phu ka Jakob raq Hamor setiim jaq wa, Shekhem ka Hamor awe kra jaq wa kampho ngam shishi maq ari riito. Kra hiqphu ka Joseph setiim ma tachong hiqshong chumkuqto.

Hawa Naga Bible 2001

³² Israel miqsaz rueq Ejip mungx wawc vwvnc Yosep ruk vrawz htenc kuex Shekhem waz Hamor sahez kox wawc Yaku rueq kuimphox shashiz maq vruiyx Shekhem ghaq wawc ghaqphux kvyuq luip tueq. Kvruex kuex Yosep suiuz vsaz hez tsak jungx ghaqphux rvtueq.

JOSHUA 24:32 Referencias Cruzadas

RAPHA HIQWA LAK 33:19

Apaiq raq kra hiq phu wak ram ka Hamor, Shekhem ma awe kra saüsetiim jaq wa kampho ngam sii shishi kuq raüta rito.

RAPHA HIQWA LAK 48:22

Kiimaq, ngi raq Amoraiqnok ka nepja maq nai liq maq khat lata ajii wanha hiqpo hiq win hiqshong Shekhem chela ka ümphutiim ma riimak ümniima kuqthü tiikang.”

RAPHA HIQWA LAK 50:24

Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”

RAPHA HIQWA LAK 50:25

Kiijiishe Joseph raq anok abin kiima sinkham ronglaq nguta akha chongto. Apaiq raq nguto, “Ngi ma kiqkham ronglaq, ümtiikiiwa Shiikeawe raq namshiq ka kra mung na tsuq wan tlaq, kiitiikaq imaa armin namshiq rai mihowan hai,” nguta.

DUNGWVNC 13:19

Mosheq raq Joseph maa ka lamto. Raüta apaiq rai howan damto. Arka Joseph raq Israilnok ma sin tiikham raüta chongtaq kra phan phan kloto. Joseph raq akha nguto, “Ümtiikiiwa Shiikeawe raq namshiq ka tiichhii wanjiiq, namshiq raq imaa ka arba wa namshiq rai adam pi wan ratlo.”

John 4:5

Apaiq ka Samaria wang na Saikar chela na saüto. Saikar chela ka richü pat na Jakob raq, ase Joseph ma wenkuq thütaq, wakram kra tho niili riito.

Acts 7:15

Krai mren, Jakob ka Ejip mung na laühoto. Kiijiishe Jakob nai asetiim ka tsangshiq pat sung raüta tsaito.

Acts 7:16

Tsangshiq maa thun ka Abraham raq Hamor weraü jaq wa kampho maq ari hiqphu bashi Shekhem hiqshong na asi, kiijaq lapto.

Hebrews 11:22

Kiimahali, Joseph riimin la, kamtsantsii maq, Israilnok ka Ejip mung wa alaü mirwan jo nguta chongkuq thüto. Krai mren, Israilnok ma apaiq maa ka jamkhii saiqsam chang wa, kra miitu tsii chongkuq thüto. Arka, apaiq atsaiho nini akhing niishe chongkuqto.