JOSHUA 24:33 - ASII LAKDAP Bible (BSI)

³³ Aron se Eleajar ka tsaito. Kiimaq amaa ka ku akin tonglong Ephraim wang na Gibea chela kiijaq lapto. Gibea chela ka Eleajar se Phinehas ma achumkuq tachong hiqshong.

Hawa Naga Bible 2001

³³ Arun saz Eleazar thueyc kaz koq tueq vmaungx kuex vsaz Phineha muex vkuq Ephraim kanx wawc Gibea ghaq nuex luip tueq.

JOSHUA 24:33 Referencias Cruzadas

2 SAMUEL 20:21

Kriika naishiq raq tiima ra mai dongdii. Maiq weshi Epraim wang na siti Bikri se Sheba raq Hokhamwe Dawit jaq wa mung nyea la nguta mungshuktlo. Ngi ma kriiwe ka lapkuq han jiika, ngi raq namchela ka khat mang she mijang wan ha.” “Ahea ikhla. Naishiq raq apaiq khupo ka ruk khuthaq miitiq ümniima mitiidea kuq kai,” nguta kriinyung raq treto.

1 HOKHVMX 4:8

Riita kra honghuptibi mang nai maiqhiq hong thun tsangshiq ma arang akuq thun ka arthun ara riito: Benhur: Apaiq ka ku akin tonglong Ephraim hong huptiwe riito.

2 HOKHVMX 5:22

“Jam min rong raa mak ahea,” nguta Gehaji raq treto. “Shatmaq itijongwe raq ngi ka ümniima ümchaü linlintiq ku akin tonglong Ephraim wang wa aki shammibi phong wa maiq wenai saükito. Kra miitu apaiq raq ümjaq wa kampho ngam kamsii hingtsam kiimaq rohun miirii dap nai kuqlaq nguta tiichong wato.”

EJRA 7:5

Bukki ka Abishua se; Abishua ka Phinehas se; Phinehas ka Eleajar se; Eleajar ka Aron se riito.

YOBA 30:23

Ngi raq asapha ümniiraq ngi ka lumkükiq niishe tiidea baiq wan laü, maiqse angu wiita kaiho chang kharii lam na.

Tvtsvmc 49:10

Ra na tiiweshat ka chiithe maiqse thun min tsaitlo, kiimaq maiqjiq kiimaq angi kong min tsaitlo. Tsangshiq tarü raq tsang tsiiq tum ka asaü asetiim ma baiqthütlo.

DUNGWVNC 6:23

Aron raq Elisheba lamto. Apaiq ka Amminadab se kiimaq Nashon ma ano ashea nyung. Kriinyung raq apaiq ma asetiim ka Nadab, Abihu, Eleajar, kiimaq Ithamar humkuqto.

DUNGWVNC 6:25

Aron se Eleajar raq Putiel setiim jechaksere phong wa nyungshi lamto. Kriinyung raq apaiq ma ase Phinehas humkuqto. Arthun kaüwa weraü mangpon thun arka Lewi phan wa.

JEKERIA 1:5

Namtitiim nai tsangshiq pat wa shammibi thun ka ümchaü ahü atsaikai kun she.

WEAWEA 3:32

Lewi phan weraü thaq na tsang wela ajong pinthumwe ka ramwe Aron se Eleajar riito. Apaiq ka Asii Khok na jaqsham chang ümchuwa sitlaq thun kra liikoti riito.

Acts 13:36

Riita, arjaq chongtlaq arai mren, Dawit raq apaiq pat na Shiikeawe luqkhap ma jaraüta, Shiikeawe jaq ka sham wanto. Raüta, apat sung wan jai she, apaiq ka tsai wanto. Raüta, apaiq maa ka atitiim maalap chiim na lap damto. Kiimaq apaiq maa ka maakho niili namraito.

Hebrews 7:24

Shatmaq, Jesuq ka pattup pat-sa atrali she sitlo. Krai mren, apaiq ramwe jaqsham kiimin, maiq ahinti ma laike nong chang min ahü she.

JOSHUA 14:1

Riita, arjaq arka Kanan mung wa, Jordan rai maq shenyap nü mung ka Israilnok liipan na hiq ka jamkho chongkuqtaq kra chongtlo. Ramwe Eleajar, Nan se Joshua, kiimaq Israilnok phan wa kaüwa weraü welabi raq mung hiq ka tsangshiq mungmaiqse liipan na riichumto.

JOSHUA 22:13

Raütiishe Israilnok raq ramwe Eleajar se Phenehas ka, Reuben phan, Gad phan kiimaq shedong nü na siti Manase phan kriima bom tiichong kai, Gilead wang na tiiwato.

PHOWEBI 17:8

Apaiq ka Bethlehem ka baiqthü raüta, maiqhiq ahin na sikai kihoto. Apaiq ka wanhiq kai lam maq, ku akin tonglong Ephraim wang na siti Mika jam na saükito.

PHOWEBI 18:13

Tsangshiq ka kiimaq wawan raüta ku akin tonglong Ephraim wang na Mika jam na saüto.

1 SAMUEL 1:1

Kiijaq maiq weshi asi riito. Apaiq mang ka Elkana. Apaiq ka Ephraim phan wa. Apaiq ka ku akin tonglong Ephraim wang na Rama chela na sitiwe. Apaiq ka Jeroham se kiimaq Elihu ma asaü. Kiimaq ata mang ka Tohu ta, Juph weraü phan wa.

1 SAMUEL 9:4

Tsangnai ka ku akin tonglong Ephraim wang binjü kiina ritwanto. Raüta Shalishah binjü hong kiina ritwan wanto. Shatmaq kumtoq kong ka hummak dea. Kra ningkhan tsangnai ka Shaalim hong binjü kiiniishe ritwanto. Shatmaq kumtoq kong ka kiinii min hummak dea. Kiijiishe tsangnai ka Benjamin wang binjü niishe ritwanto. Shatmaq kra binjü niimin kumtoq kong ka hummak dea riito.