JOSHUA 24:31 - ASII LAKDAP Bible (BSI)

³¹ Joshua ka atra sishat wiiwii, Israilnok mungmaiqse raq Tatiwe ka shiilito. Kiimaq apaiq tsaijai min, Tatiwe raq Israilnok miitu ümchuwa jaqsham wantaq kra maiqmii mak maq chhiti welabi thun ka atra sishat wiiwii tsangshiq raq Tatiwe ka shiili shat riito.

Hawa Naga Bible 2001

³¹ Yoshua thuiuzthuic tvraungx httax tueq wawwawx Israel miqsaz rueq Yehowa muex nawk palx wuez tueq, piq thueyc kay yix maq muinz Israel miqsaz tvkoc Yehowa rueq shuimx wvnc tueq htenc kuex khic jix walaungx bix thuiuzthuic tvraungx wawwawx tsuingshiq rueq tvhttoarc vtueq Yehowa muex nawk palx wuez tueq.

JOSHUA 24:31 Referencias Cruzadas

RAPHA HIQWA LAK 14:10

Kra hiqthung tan niika kaichang boq hiq khobok pahea asi riito. Kiimaq Sodom hokhamwe nai Gommora hokhamwe ka rekhat lam maq aju riiwan i nguta tanto. Shatmaq tsangnai ka kra khobok thun na thap wato. Shatmaq ahinti hokhambi wetsam ka pum thun kiiniishe ju raüta lunto.

2 KAÜWA WERAÜ 24:2

Apaiq raq ramwe Jehoiada asi wiiwii ka Tatiwe chochi chang jaq shamto.

2 KAÜWA WERAÜ 34:33

Hokhamwe Josia raq maiqphai asi sumla phong Israil mung na sitlaq maiqhiq shong thun wiita tiithen baiqto. Kiimaq apaiq ka atra sishat wiiwii apaiq raq mungmaiqse ka Tatiwe tsangtitiim Shiikeawe kriili shiikum pan raa nguta peng wanto.

Acts 20:29

Ngi raq asap ha, i kiim tiijinho jai, namshiq phana bihea pinthum shekong kriishe misaü wan. Raüta, tsangshiq raq skuse kong ka wiita mitiiküshii baiq.

TRI CHONGKE 11:2

Ümchaü ranaiq namshiq raq tsan na tiitsang ronglaq, Tatiwe raq namshiq ma awokhong maq akaiq ake maq tran tsii wantaq thun sap wan lan kra. Kra akaiq ake ahea abi ümchuwa leawan kriika namshiq raq leawan lan. Namsetiim riika riimak. Namshiq raq Tatiwe jonglu kra chhi wan lan she. Apaiq ningkun jong kiimaq apaiq hongla kra wiita chhi wan lan she.

TRI CHONGKE 11:7

Tengteng kriika. Namshiq kata Tatiwe raq jaqsham jonghea arthun sham wantaq kra chhi wanti.

TRI CHONGKE 31:13

Akha riihanla, namsaü namsetiim, Tatiwe nam Shiikeawe thungtri ka jangshi min tai mak shaqtibi raq mitai. Krai mren, tsangshiq raq Jordan rai reko na hiqshong jiiwan tlaq kiijaq, namshiq ka atra sishat wiiwii apaiq aming thun ka milang han.”

TRI CHONGKE 31:29

Ngi raq asapha, ngi tsai jai na, mungmaiqse ka abi ashut kong miishe mijaki. Kiimaq ngi raq tsangshiq ma ümchuwa shrinkuq wan kang tri thun ka no niishe mitsuq baiq. Kiimaq rawiichii akhing na tsangshiq ma phiiptsi chang mra mirhum. Jamkhano ngukla tsangshiq Tatiwe raq naq klo rongkiq nguta atiiwin thun kriishe miklo wan. Raüta Tatiwe tsan ka pinthum mitiikhiq wan.”

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

PHOWEBI 2:10

Kriipat wa maiq thun ka wiita thumthum she tsaito. Kiimaq jai wa maiqpat senye raq Tatiwe ka alaqshe riibaiqto kiimaq apaiq raq Israilnok miitu jaq shamkuqtaq thun kiimin laqbaiqto.

PHOWEBI 2:6

Joshua raq Israilnok ka tsangshiq hiq na tiiwa baiqto. Kiimaq, maiq loweatek ka apaiq rii hiqshong achumkuq kiijaq shong wa she wawanto.

PHOWEBI 2:7

Joshua atra sishat wiiwii ka Israilnok raq Tatiwe ka shiililii raüta siwanto. Kiimaq apaiq tsaijai niimin, Israilnok ma phukhu welabi juju riiwa Tatiwe raq Israilnok miitu, amao chang pahea sham wantaq kriithun ka maiqmii mak maq chhi wantibi pat ka atra sishat wiiwii, tsangshiq raq Tatiwe ka shomnoq wan ruq riito.