JEREMIA 4:19 - ASII LAKDAP Bible (BSI)

¹⁹ Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

Hawa Naga Bible 2001

¹⁹ Thuinz nuex thuiuz yaq! Nanx lot mauk juing thuinz nuex thuiuz yaq! Ngvy thuinz vmungx lex! Ngvy thuinz vmungx nuex kvkhuirc yaq! Ngaz kuiyqshuik httax lot mauk; bolic thuic nuiyc ralx lungc nuex guyc muinz ngaz rueq tay tauk.

JEREMIA 4:19 Referencias Cruzadas

RAPHA HIQWA LAK 49:6

Ngi ka tsangshiq bomhuk riichong lom dam mang, Kiimaq tsangshiq ngongthun niimin ngadam mang, Jamkhano ngukla tsangshiq tsankhiq tsi ma maiq tsat baiqto, Kiimaq minsaü pongwe thun hok ka tsangkhiri tsi ma tiingoqto.

2 HOKHVMX 4:19

Tiidongchhaq miili apaiq ka awe ma, “Ikhutsi tlo! ikhutsitlo!” nguta hoqto. “No ka anyung phana boq wan laq,” nguta awe raq ajaqshi se weshi ma thaüto.

2 HOKHVMX 8:11

Kiijiishe Elisha raq Hajael theaphi na tiqtiq akii-anyii she liiratto, Hajael ka ajeasi wa liishe riito. Kra bala liipan niili Elisha ka amok riidungli she aho gushgu hoqhoto.

Tvtsvmc 103:1

Tatiwe tiitsamlaq, itsaiji lei! Ikhum na siti wiita raq apaiq asii mang tiitsamlaq!

Tvtsvmc 116:7

Itsan lei, sanglili maq silaq, jamto ngukla Tati raq ngi pinthum mangchan wanto.

Tvtsvmc 119:136

I makphai sawa ka jüserai ikha kitlo, jamkhano ngukla nokmaiqse raq ümtri langmak.

Tvtsvmc 119:53

Ümtiikiiwa ngi raq abi maiqse raq ümtri jin wan kra chhihala, itsankhiq ka hengtlo.

Tvtsvmc 146:1

Tatiwe tiitsamlaq! Tatiwe tiitsamlaq, itsaiji lei!

Tvtsvmc 16:2

Ngi raq Tatiwe ma akha ngukang, “Ümniika i Tatiwe; i jaq na ümchuwa ahea awa phan sitlaq kra ümpha wa aki siisaq.”

ISAIA 15:5

Itsan mong na Mob mung miitu hoqtlo! Mungmaiqse ka Joar chela niishe pintrangto. Kiimaq Eglath Shelishija chela na pintrangto. Maiq wiijam ka lamha kra dü wan raüta Luhith chela na jutrangto. Tsangshiq ka aju wan lam maq aho trangla juwanto. Maiq wiijamti ka Horonaim chela na agilülü ahotrang jutrangto.

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

ISAIA 21:3

Riisham mak maq jamlai wa chhikang kiimaq riisham ni maq taikang kriithun raq ngi ka phiip ma tiitsai wanto. Kiimaq itsan mong na tsihea, jechak re asechii na atsi chamchaotlaq ikha tsito.

ISAIA 21:4

Ikhu ka wiita ruwanto. Kiimaq ngi ka ihaisitsi ma atiikhai rokrok she. Rashe jaqlo chawantlo raüjaq nguta khekang. Shatmaq ngi ma jamlai achumin ahü, phiiptsi wa riilishe haü wan kang.

ISAIA 22:4

Ümchaü ka ngi naq tiibanbi kiq isenginok ümchuwa tsaitaq kra miitu makphai khüshang maajo hoqpha. Ngi ka naq tiijaiq rongkiq.

JEREMIA 13:17

Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 23:9

Imongjii ka bunlak buncha she, kiimaq ngi ka atiikhai rokshrok sitiikang. Jamkhano ngukla Tatiwe asi kha maq, apaiq asii bomtsi heng kha maq, ngi ka cheropwe ikhli she atiimeshi min lot mang, che pahea baknyang raüta achok raiwe ikha.

JEREMIA 4:21

Ümtincho na saüli wa ngi raq redong ara miliisiqha kiimaq nüchhong lerong thun tsütrang phoktlaq kra mitaisiq hata?

JEREMIA 4:5

Juda mung tlotli na lerong tsülaq! Tiihong laüta agi lülü maq riimlaq! Juda mungti nai Jerusalemti kiitelong maq trotam maq rukje chela thun kiina juronglaq nguta chonglaq.

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

JEREMIA 50:22

Kra mung na re riikhat trang ka tiitai raitlo. Kiimaq kra mung ka miqchup thum wanto.

JEREMIA 6:24

“Naishiq raq tsütsa ka taikaishe,” nguta Jerusalemti raq ngutlo. “Kra tailaita naishiq hok ajaq wiita nintata she tiikhaikito. Jechak nyung nowüchhi akhing na atsitsi ma phetlaq ikha kiinyii wankai.

JEREMIA 8:18

Ngi chapatsi ara phum chang tsiq ka ahü; Itsan imong bunlaklak atsi.

JEREMIA 8:21

Itsantsii wiita she tiibunto, jamkhano ngukla inok ibin ka wiita she tiibunto; Ngi ka maaho manyi li she sitiikang; Itsai iji wiita she tiidoq kang.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

AJONJÜ 1:16

“Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.

AJONJÜ 1:20

“Tatiwe lei, tiitsang liilaq, ngi chamchao riihum kang ara, pitlang pitthea ngi! Itsan ka buntoshe ngarai maho tsi raq. Chiihea wea na maiq riijiipwa li she, jam mong niimin, maiq maa phongli she.

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 7:15

Ngi raq riisham mak maq kriithun ka chhilata, ngi ka ihai sito. Kiimaq kai chapa kang.

DANIEL 7:28

Arshe riishammakchhi bomchong raüpot cheke thum. Ngi ka phiipraq tsaikang. Ithea ka lütaitai kiinyii kang. Kiimaq phanrap chhitai wan kang thun ka itsan mongniili shaq thükang.

DANIEL 8:27

Ngi ka rahiq ashaqpuq tsitsü min healot mang, tsaihü jihü sikang. Latiishe ngi ka tiido kang. Lata hokhamwe raq ngi ma jaqsham kuqtaq kriishe sham wan nong kang. Shatmaq ngi ka riisham makchhi kra tiima lata, rashi hiqwea, awang riikang. Kiimaq kra liichum ka tak lot mang riikang

AMO LUIK DVP (AMOS) 3:6

Redong lerong tsühaü jaq, chelati mungmaiqse haimak shea? Tatiwe raq tiikaihü maq, chamchao litkot chela na mipinshea?

HABAKUK 3:16

Arthun ara tai wan lata, ngi ka atiikhai rokrok riikang. Ichu inü hamlaklak hai kang. Irok irii wiita nin wanto; Kiim min wiiqtsü mang she, ihok tiikhai wanto. Kaishak shak maq kra akhing saü wan mikhe ha. Shiikeawe raq naishiq khatti, mitiichamchao wan.

WEAWEA 10:9

Ümtiikiiwa nammung ka re raq long wantlaq, kiitiikaq namshiq raq maiqmii tiichhii wan re rai riikhat ho ma, ara lerong ara tsü ronglaq. Ngi, Tatiwe, namshiq Shiikeawe raq, namshiq ka mikhrum kuq kang. Lata namshiq ka nam jaqtinok jaqkhon mong wa mitiichhii kuq kang.

Romans 10:1

I phu i notiim lei, ngi ara, i nok i bin Jehudinok phan ara tiichhii wan haü jiidea ahea riichang nguta, i tsan mong na tsihea holai howan lata sitiikang!. Ngi raq tsangshiq miitu ümtinkhan wa tsan tiitsi lata, Shiikeawe jaq wa achu jaü kuq tiikang!

1 Corinthians 14:8

Kiimaq jurwa hünong tsü tlaq, kra riikhaqli khangriri hea maq buk mak ngu raü jiika, nokmaiqse raq chiq se rewe khat kai ka jamkho miki?

Galatians 4:19

Mangchan i setiim lei! Bliiq biishi chong tiikang ara tiitsang tairong laq! I tsan mong na, namshiq miitu chapa tsi ka, anyung raq ase chii na, nowüchhi tsi chamchao tlaq ikha, Jesuq Khristo rong arai ka, namshiq rilung na chhi mang shaq wiiwii ka, ara nowüchhi tsi arka, tsi ruq li mitsi.

PHOWEBI 5:21

Kishon rai chhang raq tsangshiq, wiita che wanto, Amok dungdung Kishon Rai chhangto. Ngi ka rekhat wan, wawan ruq mirha, ningkun shoqwiishoq maq, khat wan ruq mirha!