JEREMIA 4:20 - ASII LAKDAP Bible (BSI)

²⁰ Phanshi then wan jai, phanshi mithen wan; mung ka hiq maq hutse tiithenbaiqto she. Tiidongchhaq miili nashiq tombutiip thun ka tiithenbaiqto; khetuk chang thun ka bunlak buncha chaibaiqto.

Hawa Naga Bible 2001

²⁰ Thuimkux kuex phvnshiz maq phvnshiz httuiuc wvnc yaq; wvmungx tuimx bac wvnc tueq. Naungshiq tap htenc kuex huingc rvhek maq bac wvnc tueq; kvruex tuk juing htenc kuex kvjuirc kaz wuez tueq.

JEREMIA 4:20 Referencias Cruzadas

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

DUNGWVNC 33:5

Jamkhano ngukla Tatiwe raq Mosheq ma tsangshiq ma akha chongkuqlaq nguta aming kuqto, “Namshiq ka nilan wanshak shaknok. Ngi ka namshiq rai heashiseli wadamha jiimin, Ngi raq namshiq ka tiisiirai mitiithum baiqha. Ümchaü min, namshiq chaq nai kampho laktum thun kra chhut baiq ronglaq. Kiimaq Ngi raq namshiq rai jamkha sichang wa ka Ngi tiq mithiha.”

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 15:5

Itsan mong na Mob mung miitu hoqtlo! Mungmaiqse ka Joar chela niishe pintrangto. Kiimaq Eglath Shelishija chela na pintrangto. Maiq wiijam ka lamha kra dü wan raüta Luhith chela na jutrangto. Tsangshiq ka aju wan lam maq aho trangla juwanto. Maiq wiijamti ka Horonaim chela na agilülü ahotrang jutrangto.

ISAIA 33:20

Liimanta, Jajon chela ka. Nashiq raq Shiikeawe shomnoq poi klotiikai ira. Jerusalem ka liimanta! Pinthum khusang rakhang maq shong nga chang hiqshong ashi! Kriika tombutiip ashi, jangshi min tiisot mak phan, atiikha chan chang raülo khamchong khaiq thun ka hiq na ashong ka ümtiikiimin chatbaiq mak dongdii. Kiimaq achan chang raülo thun kiimin ümtiikiimin tiipan mak phan ikha miraq.

ISAIA 47:9

Shatmaq jaqlose liipan niili, ranaiqshi niili, ara chongkang anai mra ara mipin. Ümniiraq ümtinkhan mintinli klo haü min, ümwese nai ümsetiim ka mitsai dongdii.

ISAIA 54:2

Ümsichang tombutiip ka atiijong riilaq; achan chang raü thun kra atlushe riilaq, laüta atiikha chanchang tson thun kra samhea tiipha shonglaq!

JEREMIA 12:11

Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 4:21

Ümtincho na saüli wa ngi raq redong ara miliisiqha kiimaq nüchhong lerong thun tsütrang phoktlaq kra mitaisiq hata?

JEREMIA 4:27

(Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

JEREMIA 4:6

Jajon nü na walam tiichhikuqlaq! Jutlo ronglaq! Naq tiijai jongkiq! Tatiwe raq phiiptsi chang thenjen tiikitlo kiimaq shekhu nü mung wa henghea tiithenkaiti saühotlo.

JEREMIA 9:18

Kiijiishe mungmaiqse raq nguto, “Tsangshiq ma chong ronglaq jaqlo kiraüta nashiq ma majo shi mishi kuqlaq, nashiq makpo thun ka makphai raq mima shaq wiiwii, kiimaq nashiq makkhii thun ka ahotsi raq makphai raq jobaibai mipiim shaq wiiwii majo mishingelaq.”

AJONJÜ 3:47

Ahai asong tsaühea athen arun ka naishiq thaq na saüto, tsaimiq khusiq lam niili she siwan tiikai.

EJEKIEL 14:21

Tati Rakaü Hiqwe raq akha ngutlo: “Ngi raq Jerusalemti ma, ijaq wa abi pinthum phanblai mo tiihochang asi kra mitiisaüha. Arka redong, ramdong, rum ngamphong, kiimaq thadong mitiisaüha. Lata mungmaiqse kiimaq jam nyamse kong kra thumthum pili mijiip baiqha.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

LEWI 26:18

“Kiimaq atinkhan chamchao riihumjai min, namshiq raq i bom ka taimanli shat shat rii hanla, Ngi raq namshiq ma chamchao mo ka kriithaq niimin jang miishi tiitsuq lata mitiiho nongha.

LEWI 26:21

“Kra taü miimin, namshiq raq ikiq ka khii wan ruqli riihan jiila, lanta i bom ka tai man tlea ruqli la tlea hanla, Ngi raq namshiq ma mo ka kriithaq niimin jang miishi achan she mitii saü nongha.

LEWI 26:24

kriishe nguraüla, Ngi ka namshiq khuthaq na chap latiishe, Ngi raq namshiq ma kongkhuji na mo tiihokang kriithaq niimin mo ka jang miishi atsin lin she hali mitiiho nongha.

LEWI 26:28

kiijiishe kla itsankhiq ka henghea she miraq. Kra ningkhan Ngi raq namshiq mo ka kongkhu lak na kra nam ma jang miishi achan henghea she mitiiho nongha.

HABAKUK 3:7

Ngi raq Kushan mungti ka tsanghaisi, kokok chhikang. Kiimaq Midian mungti ka, atiikhai rokrok chhikang.

WEAWEA 16:21

“Namshiq ka arkong tho wa jai na tiijin tlo ronglaq. Kiimaq Ngi raq tsangshiq ka ümchaü tlothit mitiijiim baiqha.”

WEAWEA 16:45

“Namnai ka arkong artho wa jai nü kiina chap ronglaq. Ngi raq tsangshiq ka ümchaü li arjaq mijiip baiqha!” Kiijiishe tsangnai ka hiq na bum rang she bumkito.

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

2 Thessalonians 1:9

Tsangshiq ka kra akhing na, Shiikeawe raq pattup pat-sa matki mak phan wamungtan niishe mitiidea baiq wan. Raüta, kra wamong na michaq baiq. Tsangshiq ka Tati kaphap wokhong mong wa nai Tatiwe achhai anyii ningkun liliim mong wa, pong niishe mijobaiq.